ІКАО будзе расследаваць інцыдэнт з пасадкай самалёта Ryanair у Мінску
)
Фота ІКАО. Генеральны сакратар ІКАО Фан Лю
Сябры Рады ІКАО на экстраным паседжанні прынялі рашэнне высветліць факты, звязаныя з меркавана вымушанай зменай курса самалёта Ryanair, які ішоў рэйсам FR4978 з Афін у Вільнюс і зрабіў пасадку ў Мінску.
У прэс-рэлізе Міжнароднай арганізацыі грамадзянскай авіяцыі вядзецца пра штое, што сябры Рады сур’ёзна ўсхваляваныя, хутчэй за ўсё, вымушанай пасадкай камерцыйнага пасажырскага самалёта кампаніі Ryanair, які знаходзіўся ў паветранай прасторы Беларусі.
Са спасылкай на 55 (е) артыкул Чыкагскай канвенцыі, Рада пастанавіла зрабіць расследаванне інцыдэнта і ўпаўнаважыла сакратарыят Канвенцыі падрыхтаваць прамежкавую справаздачу з фактамі і адпаведнымі прававымі інструментамі.
Як вядома, 23 мая самалёт кампаніі Ryanair, які ішоў рэйсам FR4978 з Афін у Вільнюс, быў вымушаны зрабіць пасадку ў Мінску з нагоды таго, што на борце нібыта знаходзіцца выбуховая прылада. Трывога аказалася несапраўднай, але пасля прызямлення беларускія сілы бяспекі арыштавалі апазіцыйнага журналіста Рамана Пратасевіча і яго спадарожніцу Сафію Сапегу, якія былі на борце.
Прэзідэнт Рады ІКАО Сальваторэ Шакітана склікаў на надзвычайную нараду 27 мая 36 дыпламатаў, якія прадстаўляюць у Радзе дзяржавы-сябры Арганізацыі. Яны падкрэслілі, што вельмі важна высветліць факты, звязаныя з гэтым інцыдэнтам, а таксама высветліць, ці парушылі міжнароднае права хтосьці з сябраў ІКАО. Гаворка ідзе, у першую чаргу, пра Канвенцыю пра міжнародную грамадзянскую авіяцыю, вядомую як Чыкагская.
Чытайце таксама: Па слядох інцыдэнта ў Беларусі: пяць фактаў пра Міжнародную арганізацыю грамадзянскай авіяцыі
Рада заклікала ўсе дзяржавы-сябры ІКАО, а таксама іншыя зацікаўленыя бакі, супрацоўнічаць з місіяй па высвятленні фактаў «дзеля бяспекі грамадзянскай авіяцыі» і прапанаваў скарыстацца экспертнай дапамогай ІКАО.
«Такім чынам, Рада пастанавіла, што сакратарыят ІКАО правядзе расследаванне, каб высветліць усе факты, якія маюць дачыненне да справы», - падкрэсліў Старшыня Рады.
Генеральны сакратар ІКАО Фан Лю, у сваю чаргу, паабяцала сябрам Рады поўную падтрымку і супрацоўніцтва з боку сакратарыята ў выкананні прынятага рашэння.
See more news
)
)
)
)
)
Атрымаць падтрымку
