Леанід Судаленка, Лілія Уласава, Максім Знак і Дзмітрый Лаеўскі атрымалі прэмію Рады адвакатаў і юрыдычных супольнасцяў Еўропы «За абарону правоў чалавека»

15 December 2021, 12:07 PM
Леанід Судаленка, Лілія Уласава, Максім Знак і Дзмітрый Лаеўскі атрымалі прэмію Рады адвакатаў і юрыдычных супольнасцяў Еўропы «За абарону правоў чалавека»

Прэмія “За абарону правоў чалавека-2021” Рады адвакатаў і юрыдычных супольнасцяў Еўропы (ССВЕ) прысуджаная беларускім юрыстам Леаніду Судаленку, Ліліі Уласавай, Максіму Знаку і Дзмітрыю Лаеўскаму, а таксама ўсім адвакатам у Афганістане.

Цырымонія ўручэння прэміі адбылася 10 снежня падчас пленарнай сесіі CCBE з удзелам у якасці асноўнай дакладчыцы Вярхоўнага камісара ААН па правах чалавека Мішэль Бачэлет праз відэазварот.

Чатыры беларускія юрысты, сярод якіх выпускнік БДПЧ Леанід Судаленка, атрымалі прэмію за тое, што вызначыліся сваёй мужнасцю, рашучасцю і адданасцю абароне асноўных правоў грамадзян і вяршэнства закона ў Беларусі. CCBE жадае аказаць падтрымку ўсім беларускім адвакатам, якія змагаюцца за павагу да вяршэнства закона і асноўных каштоўнасцяў юрыдычнай прафесіі, рызыкуючы сваёй свабодай і магчымасцю займацца юрыдычнай практыкай. Чатыры лаўрэаты Прэміі сталі ахвярамі судовага пераследу з-за іх законную дзейнасць у якасці юрыстаў і адвакатаў. Усім ім цяпер перашкаджаюць займацца сваёй прафесіяй: трое з іх знаходзяцца пад вартай, чацвёрты быў пазбаўлены адвакацкай ліцэнзіі.

Лілія Уласава была арыштаваная 31 жніўня 2020 года. 16 кастрычніка Уласава была вызвалена з-пад варты і змешчана пад хатні арышт. 23 кастрычніка хатні арышт быў скасаваны.

Максім Знак прадстаўляў інтарэсы многіх кліентаў у палітычных справах і быў асуджаны на 10 гадоў пазбаўлення волі пасля аднаго года папярэдняга зняволення. Ён па-ранейшаму знаходзіцца пад вартай.

Леанід Судаленка прадстаўляў інтарэсы праваабаронцаў і актывістаў і быў арыштаваны 18 студзеня 2021 года па абвінавачанні ў «арганізацыі і падрыхтоўцы дзеянняў, якія груба парушаюць грамадскі парадак, і фінансаванні такой дзейнасці». У цяперашні час ён знаходзіцца пад вартай.

Дзмітрый Лаеўскі  — выбітны юрыст, які гучна распавядаў аб сітуацыі з вяршэнствам закона, незалежнасцю судовай сістэмы, юрыдычнай прафесіяй і правам на абарону ў Беларусі. У судзе ён прадстаўляў інтарэсы некалькіх палітвязняў. Ахвяра неабгрунтаванага ціску на працягу некалькіх гадоў, ён быў афіцыйна пазбаўлены адвакацкай ліцэнзіі 9 ліпеня 2021 года пасля двух дысцыплінарных разглядаў супраць яго.


Рада адвакацкіх аб’яднанняў і юрыдычных таварыстваў Еўропы (CCBE) – міжнародная некамерцыйная асацыяцыя. Аб’ядноўвае калегіі адвакатаў і юрыдычныя супольнасці краін-сябраў, асацыяваных сябраў і краін-назіральнікаў. ССВЕ выступае пасярэднікам паміж ЕС, нацыянальнымі калегіямі адвакатаў і юрыдычнымі супольнасцямі Еўропы. Акрамя таго, асацыяцыя цесна супрацоўнічае з юрыдычнымі арганізацыямі за межамі Еўропы.

У розныя гады прэміяй “За абарону правоў чалавека” ўзнагароджваліся Станіслаў Маркелаў (пасмяротна), юрыст "Вясны" Павел Сапелка, Інцігам Аліеў ды іншыя. 

Пераклад на беларускую мову - ПЦ "Вясна"

See more news

Абсерваторыя абароны праваабаронцаў пратэстуе супраць прысуду Вользе Гарбуновай
10 May 2022, 9:25 AM
Абсерваторыя абароны праваабаронцаў пратэстуе супраць прысуду Вользе Гарбуновай
Абсерваторыя па абароне праваабаронцаў (партнёрства OMCT і FIDH) выступіла са зваротам, дзе асуджае прысуд актывістцы Вользе Гарбуновай і патрабуе зняць з яе абвінавачванні.
Свабоду Марфе Рабковай! Кафкіянскі працэс супраць «Вясны» напярэдадні яе 26-годдзя
25 April 2022, 11:19 AM
Свабоду Марфе Рабковай! Кафкіянскі працэс супраць «Вясны» напярэдадні яе 26-годдзя
Сёння пачынаецца суд над вясноўцамі Рабковай і Чапюком. Праваабарончыя арганізацыі ўсяго свету выступілі з заявай з гэтай нагоды.
Абсерваторыя па абароне праваабаронцаў заклікае да тэрміновых мераў праз пагаршэнне здароўя Марфы Рабковай
13 April 2022, 3:56 PM
Абсерваторыя па абароне праваабаронцаў заклікае да тэрміновых мераў праз пагаршэнне здароўя Марфы Рабковай
Абсерваторыя па абароне праваабаронцаў (праект Сусветнай арганізацыі супраць катаванняў (OMCT) і Міжнароднай федэрацыі за правы чалавека (FIDH) атрымала новую інфармацыю пра стан палітзняволенай Мафры Рабковай і просіць тэрміновага ўдзелу ў гэтую сітуацыю ў Беларусі.
Human Constanta: «Репрессии против правозащитников равносильны объявлению вне закона всей правозащитной деятельности»
15 February 2022, 9:49 AM
Human Constanta: «Репрессии против правозащитников равносильны объявлению вне закона всей правозащитной деятельности»
Правозащитная организация Human Constanta проанализировала условия, в которых приходится действовать правозащитникам в разгар политического кризиса, и подготовила обзор репрессивной политики, чтобы заставить правозащитников замолчать.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці