Міжнародны ПЭН патрабуе неадкладнага і безумоўнага вызвалення філосафа Уладзіміра Мацкевіча

Вядомы філосаф Уладзімір Мацкевіч трымае галадоўку з 4 лютага 2022 года ў знак пратэсту супраць свайго затрымання і з патрабаваннем прызначыць дату суда. 15 лютага ён абвясціў сухую галадоўку.

Сябра Беларускага ПЭНа, вядомы філосаф Уладзімір Мацкевіч знаходзіцца ў зняволенні з 4 жніўня 2021 года. Яму прад’яўленае абвінавачванне ў арганізацыі і падрыхтоўцы дзеянняў, якія груба парушаюць грамадскі парадак, па артыкуле 342 (1) Крымінальнага кодэкса Беларусі. У выпадку асуджэння яму пагражае да трох гадоў пазбаўлення волі. Дата судовага пасяджэння яшчэ не прызначаная.

Міжнародны ПЭН-клуб лічыць, што Уладзімір Мацкевіч падвяргаецца пераследу за свае погляды і публікацыі, якія крытыкуюць беларускія ўлады. ПЭН-клуб заклікае да яго неадкладнага і безумоўнага вызвалення і зняцця ўсіх абвінавачванняў супраць яго.

Заклік да дзеяння: 

Калі ласка, накіруйце звароты да беларускіх уладаў з заклікам:

• неадкладна і безумоўна вызваліць Уладзіміра Мацкевіча і зняць з яго ўсе абвінавачванні;

• да яго вызвалення забяспечыць захаванне ўсіх правоў і свабод чалавека, якімі валодае Уладзімір Мацкевіч, уключаючы забарону на катаванні і бесчалавечнае або прыніжаючае годнасць абыходжанне ў сувязі з галадоўкай, а таксама яго права на медыцынскую дапамогу;

• выконваць свае міжнародныя абавязкі ў галіне правоў чалавека і адстойваць правы на свабоду выказвання меркаванняў, асацыяцый і мірных сходаў.

Накіроўвайце звароты на адрасы:

Андрэй Швед

Генеральны пракурор Рэспублікі Беларусь

Адрас: вул. Інтэрнацыянальная 22, 220030 Мінск, Беларусь

info@prokuratura.gov.by

Уладзімір Макей

Міністр замежных спраў

Адрас: вул. Леніна, 19, Мінск 220030, Беларусь

mail@mfa.gov.by

Адпраўляйце копіі зваротаў у амбасаду Беларусі ў вашай краіне. Адрасы пасольстваў можна знайсці тут.

Калі ласка, звяртайцеся ў Міністэрствы замежных спраў і да дыпламатычных прадстаўнікоў Беларусі ў сваіх краінах, заклікаючы іх падняць справу Уладзіміра Мацкевіча на двухбаковым узроўні.

*** Калі ласка, адпраўляйце звароты неадкладна ***

Арыгінал заявы па спасылцы.