На Сусветным Кангрэсе супраць смяротнага пакарання Беларусь і Іран называліся разам

16 November 2022, 5:56 PM
На Сусветным Кангрэсе супраць смяротнага пакарання Беларусь і Іран называліся разам

У Берліне праходзіць 8-ы Сусветны Кангрэс супраць смяротнага пакарання. У першы дзень, 15 лістапада, у тым ліку прайшла дыскусія пра інструменталізацыю смяротнага пакарання ў палітычных мэтах. Пра Беларусь і Іран гаварылі ў негатыўным кантэксце, піша "Вясна".


Сьера-Леонэ адмяніла, а Беларусь – не

У пытанні смяротнага пакарання цягам часу з’ўяўляюцца новыя выклікі, якія і абмяркоўваюцца на Сусветным Кангрэсе. Цяпер, для 8-га Кангрэса такім выклікам сталі дзве краіны: Іран і Беларусь.

У Іране смяротнае пакаранне пачалі выкарыстоўваць супраць пратэстоўцаў. А ў Беларусі ў гэтым годзе ўлады пашырылі магчымасці прымянення смяротнага пакарання.

З іншага боку, колькасць краінаў, якія скасавалі смяротнае пакаранне ў сябе, павялічваецца. Так, Сьера-Леонэ з’яўляецца апошняй на дадзены момант краінай, якая адмяніла такі від кары. Пра гэта распавёў "Вясне" каардынатар кампаніі "Праваабаронцы супраць смяротнага пакарання ў Беларусі" Андрэй Палуда, які прымае ўдзел у Кангрэсе:

“Зараз у Афрыцы дастаткова актыўна ідзе праца і робяцца крокі для таго, каб смяротнае пакаранне стала ўжо мінулай гісторыяй шмат для якіх там краінаў”.

"Жывуць у страху атрымаць кулю"

У першы дзень 8-га Сусветнага Кангрэса адбылася дыскусія пра інструменталізацыю смяротнага пакарання ў палітычных мэтах. Пра тое, як гэта адбываецца ў Беларусі, удзельнікі Кангрэса змаглі пачуць у відэавыступе лідэркі дэмакратычных сіл Беларусі Святланы Ціханоўскай.

cihanouskaja_kangres-suprac-sp.jpgВідэавыступ Святланы Ціханоўскай на Сусветным Кангрэсе супраць смяротнага пакарання

"Беларускі рэжым выкарыстоўваюць смяротнае пакаранне як інструмент запалохвання і рэпрэсій супраць свайго народа. Калі раней смяротнага пакарання была чым тое далёкім і абстрактным, то цяпер многія палітычныя актывісты жывуць у страху атрымаць кулю. [ ... ] У гэтым годзе рэжым дадаў яшчэ тры крымінальныя артыкулы ў спіс пакараных смяротным пакараннем. Цяпер чалавека могуць прысудзіць да смерці за адну толькі спробу ўчыненне тэракту. Па сутнасці, гэта пакаранне за "мыслепреступление", – сказала Святлана Ціханоўская ў сваім відэавыступе. – Смяротнае пакаранне – рэальная пагроза для тых, хто супраціўляецца расейскай акупацыі і выказвае салідарнасць з Украінай: для нашых адважных "партызан", якія сабатуюць працу чыгункі, каб спыніць рух расейскіх войскаў; для тых, хто далучаецца ўкраінскай арміі або ўсяго толькі адпраўляе ёй грошы".

Беларускія абаліцыяністы за кратамі

Сусветны Кангрэс супраць смяротнага пакарання праходзіць раз на тры гады. Ён збірае на адной пляцоўцы палітыкаў, сведкаў смяротнага пакарання (адвакатаў і былых асуджаных), а таксама прадстаўнікоў праваабарончых арганізацый.

“Мы заўсёды з’яўляемся сталымі ўдзельнікамі Кангрэса, – адзначыў Андрэй Палуда. – Для нас гэта важна, бо кампанія “Праваабаронцы супраць смяротнага пакарання ў Беларусі” з’яўляецца часткай вялікага руху абаліцыянізма ва ўсім свеце. Нас добра ведаюць”.

Але звычайна дэлегацыя беларускіх праваабаронцаў на Сусветным Кангрэсе была больш маштабнай, падкрэсліў Андрэй Палуда:

“Нажаль, нашы калегі Валянцін Стэфановіч і Алесь Бяляцкі, якія раней прымалі ўдзел у мінулых кангрэсах, цяпер знаходзяцца ў турме. Таму тут наша дэлегацыя ў скарочаным складзе”.

Артыкул з сайту "Вясны"

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці