Падборка БАЖ: Шэсць курсаў на любы густ для беларускіх журналістаў-пачаткоўцаў і блогераў

18 September 2023, 12:28 PM
Падборка БАЖ: Шэсць курсаў на любы густ для беларускіх журналістаў-пачаткоўцаў і блогераў

Крыніца: Беларуская асацыяцыя журналістаў

 IFAE MediaLab ладзіць шэсць інтэнсіўных месячных курсаў, якія правядуць практыкуючыя рэдактары ды блогеры. Запісацца на любы курс можна да 24 верасня. 

1. Must have: курс для пачаткоўцаў у журналістыцы

Пяць анлайн заняткаў з дасведчанымі журналістамі і рэдактарамі, якія спросцяць твой шлях у журналістыку. Да ўдзелу ў курсе запрашаем пачаткоўцаў, якія хочуць працаваць у медыясферы або праверыць, ці журналістыка і блогасфера – тая справа, якой бы вы хацелі б займацца. Працягласць: 5 анлайн заняткаў па 1,5-2 гадзіны, а таксама выкананне заданняў на навучальнай анлайн платформе. 

2. Здымай як профі: візуальны стыль кантэнту

Гэты курс для тых, хто хоча навучыцца добра фатаграфаваць і здымаць відэа, рабіць свае фота- і відэарэпартажы, а таксама карыстацца сучаснымі анлайн- і мабільнымі прыладамі.

Вы навучыцеся рыхтавацца да здымак, здымаць і апрацоўваць фота ў розных жанрах, лепш здымаць на свае смартфоны, засвоіце асновы візуальнага стылю кантэнта.  Працягласць курса: 5 анлайн заняткаў па 1,5-2 гадзіны.

3. Медыяпраекты: ад ідэі да рэалізацыі

Усе праекты пачынаюцца з ідэі. Але ідэя – вольная птушка-мара, а медыйны праект – гатовы прадукт. Ён можа паўстаць дзе заўгодна: на сайце, у сацсетках, у блогу, быць крутым кантэнтам для медыя ці якаснай натыўнай рэкламай.

Фарматы кантэнта ў праекце таксама бываюць розныя: фота, відэа, падкасты, тэксты, коміксы і малюнкі – або ўсе разам (залежыць ад бюджэта і вашай фантазіі). Працягласць курса: 6 анлайн заняткаў па 1,5-2 гадзіны, а таксама выкананне заданняў на дыстанцыйнай платформе.

4. «Не дзелайце мне нэрвы», або асновы прававой журналістыкі

Міннае поле заканадаўства для СМІ і блогераў – як хадзіць па ім упэўнена і бяспечна? Як навучыцца працаваць так, каб ніхто не мог прад’явіць вам прэтэнзіі ў парушэнні законаў, этыкі ці аўтарскіх правоў? Шукайце адказ на гэтае пытанне разам з эксперткамі IFAE MediaLAB.

Курс разлічаны як на журналістаў і блогераў, якія толькі пачынаюць свой прафесійны шлях, так і на тых, хто стала працуе ў медыя і мае патрэбу ў павышэнні ведаў – як працаваць па законе і прафесійных этычных стандартах, улічваючы сучасныя рэаліі, каб не нашкодзіць сабе, выданню і героям сваіх публікацый. Працягласць курса: 6 анлайн заняткаў па 1,5-2 гадзіны, а таксама выкананне заданняў на дыстанцыйнай платформе.

5. Сацыяльныя сеткі: reconnection

Гэты курс для медыйшчыкаў ды камунікатараў, якія жадаюць дасягаць пастаўленых мэтаў і карыстацца сацсеткамі эфектыўна.

Вы навучыцеся граматна ставіць мэты сваёй працы ў сацыяльных сетках, абіраць сваю аўдыторыю, ствараць сапраўды працуючыя кантэнт-планы, прыдумляць новае, што “зачэпіць” людзей. Працягласць курса: 5 анлайн заняткаў па 1,5-2 гадзіны, а таксама выкананне заданняў на дыстанцыйнай платформе.

6. Youtube ад А да Я

Хочаш навучыцца ствараць і мантажаваць відэаролікі, якія будуць збіраць тысячы праглядаў на YouTube, завесці там свой канал-канал? А можа і зарабляць на гэтым? Тады рэгіструйся на гэты курс!

Працягласць курса: 5 анлайн заняткаў па 1,5-2 гадзіны, а таксама выкананне заданняў на дыстанцыйнай платформе.

Падаць заяўку

Публікуецца паводле сайту БАЖ

See more news

Разъясняет БХК. Можно ли выложить поцелуй в Тик-Токе и стать распространителем порнографии?
25 June 2024, 8:50 AM
Разъясняет БХК. Можно ли выложить поцелуй в Тик-Токе и стать распространителем порнографии?
Разъяснения Беларусского Хельсинкского Комитета касательно постановления Министерства культуры N24, которое вносит изменения в Инструкцию «Об эротической продукции, продукции, содержащей элементы эротики, насилия и жестокости, продукции по сексуальному образованию и половому воспитанию, а также продукции сексуального назначения».
Горш толькі ў КНДР, Эрытрэі і Нікарагуа. Беларусь апынулася ў канцы рэйтынгу краін па ўзроўні свабоды слова
19 June 2024, 11:27 AM
Горш толькі ў КНДР, Эрытрэі і Нікарагуа. Беларусь апынулася ў канцы рэйтынгу краін па ўзроўні свабоды слова
У жыхароў Беларусі свабоды слова менш, чым у любой іншай краіне Эўропы. Ніжэй за Беларусь у рэйтынгу толькі Паўночная Карэя, Эрытрэя і Нікарагуа, вынікае з справаздачы міжнароднай праваабарончай арганізацыі Article 19.
Салідарнасць усёй Еўропы. З’езд ЕФЖ выказаў падтрымку беларускім журналістам за кратамі
19 June 2024, 10:12 AM
Салідарнасць усёй Еўропы. З’езд ЕФЖ выказаў падтрымку беларускім журналістам за кратамі
Удзельнікі з’езда Еўрапейскай федэрацыі журналістаў — лідары і прадстаўнікі журналісцкіх саюзаў і асацыяцый рэгіёна — прынялі ўдзел у акцыі салідарнасці з прадстаўнікамі і прадстаўніцамі медыя ў беларускіх турмах і ўкраінскімі журналістамі ў расійскім палоне.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці