Патрабуем спыніць пераслед праваабаронцы Алега Граблеўскага і ціск на беларускіх праваабаронцаў

21 October 2020, 10:58 AM
Патрабуем спыніць пераслед праваабаронцы Алега Граблеўскага і ціск на беларускіх праваабаронцаў

Мы, беларускія праваабарончыя арганізацыі занепакоеныя частымі выпадкамі ціску, затрыманняў беларускіх праваабаронцаў пры выкананні імі сваіх прафесійных абавязкаў. Так, у цяперашні час у месцах пазбаўлення волі знаходзіцца Марыя Рабкова, каардынатарка валанцёрскай службы ПЦ «Вясна», да 30 сутак адміністрацыйнага арышту ў агульнай складанасці прысуджаны Леанід Мархотка, доўгатэрміновы назіральнік кампаніі «Праваабаронцы за свабодныя выбары» ад РПГА «Беларускі Хельсінкскі камітэт». Маюцца і іншыя факты аказання ціску, затрыманняў беларускіх праваабаронцаў пры выкананні імі сваіх прафесійных абавязкаў. Пра што беларускімі праваабаронцамі неаднаразова рабіліся адпаведныя заявы.

15 кастрычніка 2020 у цэнтры Мінска з 14.00 праходзіў Марш людзей з інваліднасцю, інфармацыя аб якім распаўсюджвалася праз сацыяльныя сеткі. Офіс па правах людзей з інваліднасцю ў асобе юрыста ўстановы Алега Граблеўскага, выконваючы свае статутныя задачы, планаваў ажыццяўляць праваабарончы маніторынг мерапрыемства. Мэтай маніторынгу была агульная ацэнка сітуацыі, уключаючы дзеянні для прадухілення ўсіх формаў гвалту ў дачыненні да людзей з інваліднасцю, што абумоўлена іх асаблівай уразлівасцю і прадугледжана стандартамі Канвенцыі аб правах людзей з інваліднасцю, ратыфікаванай Рэспублікай Беларусь. Аднак прыступіць да ажыццяўлення маніторынгавых функцый Алег так і не паспеў. Ён быў затрыманы пры вяртанні з выканання сваіх іншых прафесійных абавязкаў, звязаных з праваабарончай дзейнасцю, неўзабаве пасля пачатку мерапрыемства і вывезены ў невядомым кірунку. Толькі 16 кастрычніка 2020 года ў выніку шматлікіх тэлефонных званкоў з боку калегаў у розныя падраздзяленні органаў унутраных спраў Алег быў знойдзены ў цэнтры часовага ўтрымання ГУУС Мінгарвыканкама па адрасе 1-ы завулак Акрэсціна, 36А.

Звяртаючы ўвагу, што дзейнасць Алега Граблеўскага носіць выключна мірны, праваабарончы характар, і накіраваная на дапамогу людзям з інваліднасцю і абарону іх правоў,

– падкрэсліваючы, што такая дзейнасць з’яўляецца легітымнай і гарантаваная праваабаронцам Канстытуцыяй Рэспублікі Беларусь, міжнароднымі нормамі ў галіне правоў чалавека, у тым ліку Дэкларацыяй аб праваабаронцах, зацверджанай Генасамблеяй ААН 9 снежня 1998 г,

– улічваючы, што факты пераследу за праваабарончую дзейнасць у апошні час пачасціліся ў Рэспубліцы Беларусь, аб чым неаднаразова заяўлялі праваабарончыя арганізацыі,

– нагадваючы пра неабходнасць заахвочваць і абараняць правы чалавека, у тым ліку ўсіх людзей з інваліднасцю, якія маюць патрэбу ў больш актыўнай падтрымцы, замацаванай у Канвенцыі аб правах людзей з інваліднасцю

ПАТРАБУЕМ:

  • Спыніць усе спробы пераследу і ціску на беларускіх праваабаронцаў у сувязі з ажыццяўленнем імі легітымнай прафесійнай дзейнасці, у прыватнасці пераслед нашага калегі-праваабаронцы Алега Граблеўскага і неадкладна вызваліць яго з-пад варты.

  • Няўхільна выконваць свае нацыянальныя і міжнародныя абавязацельствы па забеспячэнні гарантый ажыццяўлення праваабарончай дзейнасці ў краіне.

На моманнт публікацыі заяву падпісалі:

ППУ «Офіс па правах людзей з інваліднасцю»;

Цэнтр прававой трансфармацыі (Lawtrend);

Кансультацыйны цэнтр па актуальных міжнародных практыках і іх імплементацыі ў праве «Хьюман канстанта»;

Экспертна-прававое таварыства “Ініцыятыва FORB»;

РПГА “Беларускі Хельсінкскі камітэт”;

Праваабарончы цэнтр “Вясна”;

РГА “Прававая ініцыятыва”;

Беларускі дакументацыйны цэнтр;

Беларускі дом правоў чалавека імя Барыса Звозскава;

Беларускі ПЭН-цэнтр.

See more news

"Международная амнистия": Потребуйте освободить Марфу Рабкову
23 September 2021, 5:50 PM
"Международная амнистия": Потребуйте освободить Марфу Рабкову
Правозащитная организация "Международная амнистия" начала кампанию с требованием освободить правозащитницу, координатора волонтерской службы "Весны" Марфу Рабкову.
Хью Уильямсон: «Правительство Александра Лукашенко объявило войну гражданскому обществу и безжалостно подавляет любое инакомыслие»
23 September 2021, 4:10 PM
Хью Уильямсон: «Правительство Александра Лукашенко объявило войну гражданскому обществу и безжалостно подавляет любое инакомыслие»
23 правозащитные организации, включая Human Rights Watch, объединились в рамках кампании за освобождение семи членов беларуского правозащитного центра «Вясна» и сотен других фигурантов политически мотивированных уголовных дел.
Міжнародныя праваабарончыя арганізацыі патрабуюць вызвалення сябраў "Вясны"
17 September 2021, 5:38 AM
Міжнародныя праваабарончыя арганізацыі патрабуюць вызвалення сябраў "Вясны"
У першую гадавіну рэпрэсій супраць Праваабарончага цэнтра "Вясна" больш за 20 міжнародных і беларускіх праваабарончых арганізацый пачынаюць кампанію з патрабаваннем вызваліць затрыманых сябраў "Вясны" і прыцягнуць увагу да цяжкага становішча сотняў іншых зняволеных, якія апынуліся за кратамі за ажыццяўленне свайго права на мірны сход і свабоду слова.
Як далучыцца да кампаніі #FreeViasna?
15 September 2021, 7:40 AM
Як далучыцца да кампаніі #FreeViasna?
17 верасня пачынаецца міжнародная кампанія салідарнасці ў падтрымку зняволеных праваабаронцаў “Вясны” - #FreeViasna. Расказваем, як да яе далучыцца ў Беларусі і па-за межамі.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці