Рэлакацыя праваабаронцаў у Грузію на тры месяцы

Праграма BY_Rehab, пры падтрымцы Міністэрства замежных справаў Германіі, абвяшчае прыём заявак для ўдзела ў наступным заездзе праграмы BY_Rehab для праваабаронцаў з Беларусі.

Мэта праграмы BY_Rehab – часовая рэлакацыя праваабаронцаў у бяспечнае месца ў Грузіі і стварэнне ўмоваў для прафесійнага развіцця і псіхалагічнага аднаўлення. Праграма таксама павінна знізіць рызыкі і дапамагчы праваабаронцам часова пакінуць небяспечны асяродак.

Праграма прапануе трохмесячную рэлакацыю, сфакусаваную на медыцынскай і псіхалагічнай рэабілітацыі ў сувязі з праблемамі, якія ўзніклі падчас пратэстаў у жніўні 2020 года і іх наступствамі.

Падчас Праграмы праваабаронцам даюць жытло ў бяспечным месцы, стыпендыю, магчымасці для адукацыі, развіцця навыкаў, атрымання новых прафесійных сувязяў, а таксама, калі трэба, удзельнікі атрымаюць псіхалагічную і медыцынкую падтрымку.

Праграма ўключае наступныя кампаненты:

- трэнінгі: бяспека, адвакацыя, напісанне праектных заявак, міжнародныя механізмы абароны правоў чалавека, і т.д.;

- публічныя выступы, інтэрв’ю, камунікацыя з калегамі з іншых краін рэгіёна і краінаў Еўрапейскага звязу.

Хто можа прыняць удзел у праграме

Заяўкі прымаюцца ад праваабаронцаў у  шырокім разуменні гэтага тэрміна: разам з грамадскімі актывістамі, супрацоўнікамі няўрадавых арганізацый, юрыстамі, журналістамі, дзеячамі культуры, даследчыкамі і настаўнікамі, чыя прафесійная дзейнасць звязаная з правамі чалавека.

Удзел праваабаронцаў у Праграме павінен дапамагчы адолець рызыкі, праблемы бяспекі і прадухіліць выгаранне і траўмы.

Праваабаронца павінен ўдзельнічаць ва ўсіх адукацыйных мерапрыемствах Праграмы.

Праваабаронца павінен удзельнічаць у Праграме самастойна. Удзел разам з сям’ёй магчымы толькі ў выключных выпадках.

Як прыняць удзел:

Для падачы заяўкі (пачатак прыёма – 14 красавіка 2021 года), калі ласка, запоўніце форму ніжэй і дашліце на пошту BY_Rehab@protonmail.com да 23.04.2021. Няпоўныя ці несвоечасовыя заяўкі не будуць разглядацца. Для дэтальнай інфармацыі звяртайцеся па адрасе BY_Rehab@protonmail.com. Толькі абраныя кандыдаты атрымаюць паведамленне да 03.05.2021. Нягледзячы на тое, што мы плануем прыняць абраных удзельнікаў у канцы мая, тэрміны могуць змяніцца ў сувязі з пандэміяй COVID-19 і далейшымі абмежаваннямі на выезд і ўезд людзей.

ФОРМА ЗАЯЎКІ

Навіна на сайце грузінскага шэлтэра