Трое дэпутатаў парламента са Швейцарыі і Нідэрландаў сталі «хроснымі» палітвязняў у Беларусі

23 April 2024, 5:56 PM
Трое дэпутатаў парламента са Швейцарыі і Нідэрландаў сталі «хроснымі» палітвязняў у Беларусі

У межах кампаніі #Westandbyou Саміра Марці (Сацыял-дэмакратычная партыя Швейцарыі), Герт Габрыэлс ды Эсма Лала (абое з партыі GroenLinks-PvdA, Нідэрланды) стануць "хроснымі" Анжэлы Сікорскай, Дзяніса Дзямідовіча і Валерыі Касцюговай.

samira-marti-632x790.pngСаміра Марці

Анжэла Сікорская была арыштаваная 15 чэрвеня 2023 года па абвінавачванні ў "абразе Лукашэнкі" (артыкул 368), "абразе дзяржаўнага служачага" (артыкул 369) і "гвалце або пагрозе ў дачыненні да службовай асобы" (артыкул 366). Цяпер Анжэла адбывае чатырохгадовы тэрмін у калоніі.

Саміра Марці з'яўляецца сябрай Нацыянальнай Рады Швейцарыі (Sozialdemokratische Partei der Schweiz) і сустаршынёй сацыял-дэмакратычнай групы Федэральнага сходу. Другі раз стаўшы "хроснай", яна выказвае салідарнасць з Анжэлай Сікорскай і заяўляе:

"Анжэла губляе 4 гады свайго жыцця праз тое, што яна нібыта абражала беларускіх чыноўнікаў і пагражала ім. Адзіны небяспечны ўчынак, які яна здзейсніла, — гэта выкарыстанне свайго права на свабоду выказвання меркаванняў. Такая сітуацыя неймаверная ў Швейцарыі, але, на жаль, з'яўляюцца часткай паўсядзённага жыцця ў Беларусі пры рэжыме Лукашэнкі. У адказ на мірны пратэст ужываецца грубы гвалт. Свабода самавыяўлення вядзе да страты ўласнай свабоды. Як "хросная" Анжэлы Сікорскай, я выступаю за тое, каб яна і ўсе палітвязні ў Беларусі былі неадкладна вызваленыя і рэабілітаваныя. Я салідарная з Анжэлай і ўсімі смелымі людзьмі, што выступаюць супраць аўтарытарнай, бесчалавечнай сістэмы і адстойваюць свабоду і дэмакратыю! #WeStandBYyou".

geert-gabriels-632x790.pngГерт Габрыэлс

Дзяніс Дземідовіч быў арыштаваны 12 верасня 2022 года і пасля асуджаны да 3 гадоў турэмнага зняволення за "абразу Лукашэнкі" (артыкул 368) і "паклёп на адрас Лукашэнкі" (артыкул 367).

Герт Габрыэлс — чалец парламента ад Партыі GroenLinks-PvdA у Палаце прадстаўнікоў Нідэрландаў. Ён растлумачыў сваё рашэнне стаць "хросным" Дзяніса Дземідовіча:

"Палітычныя зняволеныя ў Беларусі пазбаўленыя свайго жыцця на волі. Яны рызыкуюць быць забытымі, і гэта несправядліва. Вельмі важна працягваць адстойваць іх інтарэсы. Магчымасць крытыкаваць прэзідэнта або ўрад з'яўляецца часткай свабоды выказвання меркаванняў. Для нас гэта відавочна. У Беларусі гэта цягне за сабой турэмнае зняволенне, у выпадку з Дзянісам Дземідовічам — на тры гады. Я пішу гэтыя словы і разумею, што хачу пабольш даведацца пра гэтага чалавека. Хто ён яшчэ, акрамя палітвязня беларускага рэжыму? Як я магу дапамагчы яму цяпер ці, магчыма, пасля яго вызвалення ў будучыні? Што яму трэба і пра што ён марыць? Якая ў яго гісторыя? Я хацеў бы калі-небудзь сустрэцца з ім. Дзякуючы гэтай кампаніі зараз мы ўсе ведаем пра яго існаванне. Будзем спадзявацца, што гэта прывядзе да нечага, што яму дапаможа".

esmah-lahlah-632x843.jpgЭсма Лала

Валерыя Касцюгова — вядомая паліталагіня, кіраўніца экспертнай маніторынгавай групы "Беларусь у фокусе". Яна была арыштаваная 30 чэрвеня 2021 года праз сваю дзейнасць, якую рэжым палічыў антыўрадавай. Валерыі былі прад'яўленыя абвінавачванні ў "стварэнні пагрозы нацыянальнай бяспецы" (артыкул 361), "змове з мэтай захопу ўлады" (артыкул 357) і "распальванні нянавісці" (артыкул 130). Суддзя прызнала Валерыю вінаватай і асудзіла яе да 10 гадоў зняволення.

Эсма Лала — сябра парламента ад партыі GroenLinks-PvdA у Палаце прадстаўнікоў Нідэрландаў і яна стала "хроснай" Валерыі Касцюговай. Яна зрабіла наступную заяву:

"Я выступаю за вызваленне палітвязняў, таму што ні адзін чалавек не мусіць быць пад уціскам за выказванне сваіх поглядаў. Я ўдзельнічаю ў гэтай кампаніі, таму што лічу свабоду фундаментальным правам, а не прывілеем. Разам за мір, у якім справядлівасць і свабода — гэта нешта натуральнае".

Пераклад на беларускую мову: сайт "Вясны"

See more news

Каринна Москаленко возглавит Группу экспертов ООН по правам человека в Беларуси
25 June 2024, 8:34 AM
Каринна Москаленко возглавит Группу экспертов ООН по правам человека в Беларуси
Правозащитницы Каринна Москаленко из России, Сьюзан Базилли из Канады и Моника Станислава Платек из Польши займутся мониторингом ситуации в области прав человека в Беларуси.
Комитет ООН: пытки – «систематическая практика» в Беларуси
19 June 2024, 11:33 AM
Комитет ООН: пытки – «систематическая практика» в Беларуси
Об этом говорится в ежегодном докладе Комитета ООН против пыток.
Human Rights Watch апублікавала даклад аб «беспрэцэдэнтных рэпрэсіях» супраць беларускіх адвакатаў, пад якія трапіла 140 асоб
19 June 2024, 11:16 AM
Human Rights Watch апублікавала даклад аб «беспрэцэдэнтных рэпрэсіях» супраць беларускіх адвакатаў, пад якія трапіла 140 асоб
Міжнародная арганізацыя Human Rights Watch апублікавала даклад аб рэпрэсіях супраць беларускіх адвакатаў. Ён ахоплівае пэрыяд з 2020 году.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці