Трое палітыкаў з Вялікабрытаніі і Германіі сталі «хроснымі» Ларысы Шчыраковай, Яўгена Глушкова, Таццяны і Аляксандра Біруляў

20 January 2024, 3:42 PM
Трое палітыкаў з Вялікабрытаніі і Германіі сталі «хроснымі» Ларысы Шчыраковай, Яўгена Глушкова, Таццяны і Аляксандра Біруляў

У межах кампаніі салідарнасці #WeStandBYyou Вэндзі Чэмберлен (ліберал-дэмакраты, Палата абшчын), Лорд Герман (ліберал-дэмакраты, Палата лордаў) і Філіз Полат ("Саюз 90 / Зялёныя", Бундэстаг Нямеччыны) сталі "хроснымі" палітвязняў у Беларусі.

Ларыса Шчыракова працавала журналісткай да свайго арышту 6 снежня 2022 года. Яна асвятляла пратэсты ў Беларусі анлайн і дзялілася інфармацыяй з іншымі апазіцыйнымі групамі. Ларысу асудзілі да 3,5 гадоў турэмнага зняволення паводле абвінавачвання ў "падтрымцы экстрэмісцкай дзейнасці" (арт.361-4) і "дыскрэдытацыі Рэспублікі Беларусь" (арт. 369-1). Улады змясцілі яе сына ў прытулак. Аднак цяпер дзіця знаходзіцца ў бяспецы са сваім бацькам.

wendy-chamberlain-632x843.jpegВэндзі Чэмберлен

Вэндзі Чэмберлен — чалец Палаты абшчын ад ліберальных дэмакратаў. Яна стала "хроснай" ужо другі раз. Чэмберлен падтрымлівае Ларысу Шчыракову і заяўляе:

"Ларыса Шчыракова — былая журналістка, і ёй былі прад'яўленыя абвінавачванні па арт. 361-4 Крымінальнага кодэкса — садзейнічанне экстрэмісцкай дзейнасці і арт. 369-1 Крымінальнага кодэкса — дыскрэдытацыя Беларусі. Яна была асуджаная да 3,5 гадоў турэмнага зняволення, а яе сын быў змешчаны ў прытулак. У межах кампаніі #WeStandBYyou я заклікаю да неадкладнага вызвалення Ларысы Шчыраковай і ўсіх беларускіх палітвязняў, якія імкнуцца да свабоды і дэмакратыі".


Яўген Глушкоў быў арыштаваны 16 жніўня 2022 года за "садзейнічанне экстрэмісцкай дзейнасці" (артыкул 361-4). Праз Telegram-канал Яўген дзяліўся фота з беларускага аэрадрома, з якога расейскія ВПС наносілі ўдары па Украіне. Суддзя прызнаў яго вінаватым у нанясенні шкоды нацыянальнай бяспецы Рэспублікі Беларусь і асудзіў яго агулам да 9 гадоў зняволення паводле абвінавачвання ў "дзяржаўнай здрадзе" ў адпаведнасці з артыкулам 356.

lord-german-photo-632x474.jpegЛорд Герман

Лорд Герман — чалец Палаты лордаў ад ліберал-дэмакратаў і намеснік старшыні парламенцкай групы па Беларусі. Упершыню стаўшы "хросным", ён выказаў падтрымку Яўгену Глушкову:

"Мой беларускі сябар! Хоць цябе і акаляе цемра несправядлівага зняволення, памятай, што твой непахісны дух ззяе як маяк надзеі для ўсіх, хто прагне свабоды. Ты не самотны ў гэтай барацьбе, і ўвесь свет салідарны з табой. Твае самаахвяраванне і рашучасць натхняюць усіх нас імкнуцца да міру, дзе кожны голас пачуты і кожная душа вольная".


Таццяна і Аляксандр Бірулі былі арыштаваныя 13 снежня 2021 года за распаўсюд пратэстных улётак. Шматлікія абвінавачванні, вылучаныя супраць суджэнцаў, уключалі "нанясенне шкоды нацыянальнай бяспецы" (артыкул 361), "распальванне нянавісці" (артыкул 130), "паклёп на Лукашэнку" (артыкул 367) і "садзейнічанне экстрэмісцкай дзейнасці" (артыкул 361-4). Таццяна і яе муж Аляксандр былі асуджаныя да 6 гадоў пазбаўлення волі ў папраўчай калоніі.

filiz-polat-632x474.jpgФіліз Полат

Філіз Полат — дэпутатка нямецкага Бундэстага ад партыі "Саюз 90 / Зялёныя". Яна зноў стала падвойнай "хроснай": гэтым разам яна падтрымлівае Таццяну і Аляксандра Біруляў. Полацкі раён:

"Я салідарная з палітвязнямі Таццянай і Аляксандрам Бірулямі, якія знаходзяцца ў зняволенні са снежня 2021 года. Іх абвінавачваюць у распаўсюдзе пратэсных газет з крытыкай Лукашэнкі — аднак яны проста ажыццяўлялі сваё права на свабоду выказвання меркаванняў. Я заклікаю да іх неадкладнага вызвалення і спадзяюся, што неўзабаве яны змогуць жыць на волі са сваёй дачкой".

Пераклад на беларускую мову: "Вясна"

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці