У Вільні прайшла акцыя праваабаронцаў у падтрымку Украіны

22 September 2022, 9:08 AM
У Вільні прайшла акцыя праваабаронцаў у падтрымку Украіны

Мітынг арганізавалі Беларускі дом правоў чалавека імя Барыса Звозскава і праваабаронцы з розных краін. Удзельнічалі Фонд Дамоў правоў чалавека з Нарвегіі, Беларускі праваабарончы цэнтр “Вясна”, Беларуская асацыяцыя журналістаў, Беларускі Хельсінкскі камітэт, Прававая ініцыятыва, іншыя беларускія праваабарончыя арганізацыі і Дамы правоў чалавека з іншых краін.

Фота: БДПЧ

Мэтай акцыі было выказаць салідарнасць з Украінай у вайне з Расіяй. Арганізатары акцыі хацелі звярнуць увагу на сваіх калег-праваабаронцаў, якія таксама ўдзельнічаюць у барацьбе з расейскай вайсковай агрэсіяй.

На фота: Барыс Гарэцкі (БАЖ) і Таццяна Равяка (БДПЧ). Барыс Гарэцкі трымае партрэт Максіма Буткевіча, украінскага праваабаронцы, які пакінуў свае заняткі і пайшоў на фронт. Максім Буткевіч знаходзіцца ў расейскім палоне. Фота: Маланка Медыя.

Гэтая акцыя сімвалічна супала з міжнародным днём Міру. Мір - гэта паўсядзённая рэальнасць для большасці жыхароў нашай планеты. На вуліцах гарадоў спакойна, дзеці ходзяць у школу і дзіцячы сад... Там, дзе асновы грамадства трывалыя, бясцэнны дар міру можа нікім не заўважацца. Але для занадта многіх людзей гэты дар - не больш, чым казачная мара. Яны жывуць у кайданах, у атмасферы нестабільнасці і страху, з сталай пагрозай свабодзе, здароўю і нават жыццю.

Фота: Маланка Медыя

У 1981 годзе сваёй рэзалюцыяй 36/67 Генеральная Асамблея абвясціла Дзень міру і ўстанавіла яго святкаванне на трэці аўторак верасня, а праз 20 гадоў, у 2001 годзе, Генеральная Асамблея аднагалосна прыняла рэзалюцыю 55/282, у якой пастанавіла, што з 2002 Дзень міру будзе адзначацца штогод 21 верасня як дзень усеагульнага спынення агню і адмовы ад гвалту.

Ва Украіне ідзе вайна. Многія ўкраінскія праваабаронцы працягваюць сваю дзейнасць, у тым ліку збіраюць інфармацыю аб ваенных злачынствах. Некаторыя беларускія праваабаронцы - тыя, хто палічыў за лепшае застацца ва Украіне, калі пачалася вайна, - таксама займаюцца дакументаваннем ваенных злачынстваў ва Украіне.

На мітынгу выступалі прадстаўнікі праваабарончых арганізацый з прамовамі ў падтрымку Украіны і праваабаронцаў Украіны і Беларусі. З музычным нумарам выступіў музыка Цім Суладзэ.

Фота: Маланка Медыя

Фота: Маланка Медыя

Фота: Маланка Медыя

Фота: Маланка Медыя

Фота: Маланка Медыя

See more news

Human Constanta обратилась к спецпроцедурам ООН в связи с преследованием Насты Лойки
08 November 2022, 12:23 PM
Human Constanta обратилась к спецпроцедурам ООН в связи с преследованием Насты Лойки
Human Constanta продолжает призывать международные организации к высказыванию публичной позиции и своей оценки в отношении произвольного задержания и нарушения прав Насты Лойки, а также преследования других беларусских правозащитников и правозащитных организаций.
«У зняволенні ёй пагражаюць катаванні»
07 November 2022, 11:19 AM
«У зняволенні ёй пагражаюць катаванні»
Абсерваторыя абароны праваабаронцаў (партнёрства Сусветнай арганізацыі супраць катаванняў (OMCT) і Міжнароднай федэрацыі правоў чалавека (FIDH) выступіла з заявай з нагоды адвольнага затрымання Насты Лойкі.
4 жніўня — Дзень салідарнасці з грамадзянскай супольнасцю Беларусі
05 August 2022, 3:23 PM
4 жніўня — Дзень салідарнасці з грамадзянскай супольнасцю Беларусі
Менавіта 4 жніўня ў 2011 годзе ў Мінску быў арыштаваны кіраўнік і заснавальнік Праваабарончага цэнтра "Вясна" Алесь Бяляцкі.
Абсерваторыя абароны праваабаронцаў: «Пераслед адваката Андрэя Мачалава мае палітычныя матывы»
28 June 2022, 7:47 AM
Абсерваторыя абароны праваабаронцаў: «Пераслед адваката Андрэя Мачалава мае палітычныя матывы»
Абсерваторыя абароны праваабаронцаў (партнёрства OMCT і FIDH) звяртае ўвагу света на абмежаванне волі па палітычных матывах Андрэя Малчанава, беларускага адваката.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці