Улады прызналі лагатып БАЖ экcтрэмісцкім. Але нават не змаглі правільна напісаць яго

13 June 2023, 3:56 PM
Улады прызналі лагатып БАЖ экcтрэмісцкім. Але нават не змаглі правільна напісаць яго

Крыніца: Беларуская асацыяцыя журналістаў

Разам з тым мы просім калег не захоўваць матэрыялы з нашым лагатыпам. Часова.

Рекомендации по безопасности коллег в связи с признанием БАЖ «экстремистским формированием»

Сайт, сацсеткі і лагатып Беларускай асацыяцыі журналістаў улады ўнеслі ў Рэспубліканскі спіс экстрэмісцкіх матэрыялаў. Хоць нават тут не змаглі напісаць без памылкі: «БЕЛАРУСКАЯ АСАЦЫАЦЫЯ ЖУРНАЛIСТАЎ» паведамляецца ў рашэнні.

Калі з сацсеткамі ўжо даўно ўсё зразумела — ад пачатку сакавіка 2023 года БАЖ і так лічыцца экстрэмісцкім фармаваннем — то прызнанне экстрэмісцкім лагатыпа раней зарэгістраванай і папулярнай арганізацыі — важная інфармацыя.

Цяпер за захаванне любых матэрыялаў з лагатыпам БАЖ у Беларусі пагражае  адміністрацыйная адказнасць. Толькі справа ў тым, што лагатып БАЖ захоўваецца на дакументах журналісцкай арганізацыі ў дзясятках дзяржаўных устаноў і ведамстваў, у архівах, на нататніках, на афіцыйна выдаваным раней часопісе БАЖ «Абажур» і многіх розных месцах.

Безумоўна, новыя нападкі на БАЖ — гэта працяг палітычнага ціску на арганізацыю і незалежных журналістаў за нашу працу.

Разам з тым БАЖ настойліва просіць усіх калег захоўваць спакой, уважліва праверыць і вынесці са свайго жылля і офісаў у Беларусі любыя рэчы з лагатыпам арганізацыі. Часова. Мы абавязкова вернем іх на пачэсныя месцы.

БАЖ. Трымайся праўды!

Падтрымаць БАЖ праз Patreon (для тых, хто не ў Беларусі)

See more news

Беларускі ПЭН: Хроніка парушэнняў правоў чалавека ў сферы культуры 1–15 красавіка 2025 года
17 April 2025, 12:57 PM
Беларускі ПЭН: Хроніка парушэнняў правоў чалавека ў сферы культуры 1–15 красавіка 2025 года
На 15 красавіка 2025 года: Людзей Слова ў няволі (ці з абмежаваннем волі – адбываюць «хатнюю хімію») – не менш за 36, дзеячаў культуры ў няволі (ці з абмежаваннем волі – адбываюць «хатнюю хімію») – не менш за 165.
Агляд «Вясны». Сітуацыя з правамі чалавека ў Беларусі ў сакавіку 2025 года
14 April 2025, 1:08 PM
Агляд «Вясны». Сітуацыя з правамі чалавека ў Беларусі ў сакавіку 2025 года
Сітуацыя з правамі чалавека ў Беларусі застаецца крытычна цяжкай.
Тбіліскі Дом правоў чалавека вінавацяць у сабатажы і падтрымцы гвалту, яго рахункі заблакаваныя
07 April 2025, 3:51 PM
Тбіліскі Дом правоў чалавека вінавацяць у сабатажы і падтрымцы гвалту, яго рахункі заблакаваныя
На рахунках арганізацыі, якія былі замарожаныя на патрабаванне пракуратуры Грузіі, знаходзіліся ахвяраванні, сабраныя для пакрыцця штрафаў.
«Рэакцыя на грамадскі супраціў». У Беларусі за «экстрэмісцкія фармаванні» асудзілі мінімум 258 чалавек
07 April 2025, 12:27 PM
«Рэакцыя на грамадскі супраціў». У Беларусі за «экстрэмісцкія фармаванні» асудзілі мінімум 258 чалавек
У апошнія гады рэжым Лукашэнкі маштабна выкарыстоўвае антыэкстрэмісцкае заканадаўства для пераследу іншадумцаў.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці