Упершыню ў свеце кіраўнік урада стаў «хросным» беларускага палітвязня — Дзмітрыя Галавача

24 January 2024, 4:55 PM
Упершыню ў свеце кіраўнік урада стаў «хросным» беларускага палітвязня — Дзмітрыя Галавача

Кампанія салідарнасці з палітвязнямі #WeStandBYyou ад Libereco дасягнула важнага моманту: першы міністр Шатландыі Хамза Юсаф стаў 400-м парламентарыем, які стаў "хросным" палітвязня ў Беларусі Дзмітрыя Галавача. Акрамя таго, Юсаф стаў адным з пяці "хросных" з Шатландыі.

humza-yousaf.jpg

У межах кампаніі Libereco #WeStandBYyou першы міністр Шатландыі Хамза Юсаф стаў "хросным" беларускага палітвязня Дзмітрыя Галавача. Першы міністр Шатландыі-400-ы парламентарый, які стаў "хросным" палітвязня, і першы кіраўнік урада, які далучыўся да кампаніі салідарнасці.

41-гадовы Дзмітрый Галавач ужо год знаходзіцца ў турме. Ён музыка "Tor Band", беларускага рок-гурта, які ўдзельнічаў у дэмакратычных пратэстах у 2020 годзе. У студзені 2023 года рэжым дыктатара Аляксандра Лукашэнкі абвясціў групу "экстрэмісцкай", а ў кастрычніку Дзмітрый Галавач быў асуджаны да 9 гадоў турэмнага зняволення.

Першы кіраўнік урада далучыўся да кампаніі #WeStandBYyou

Першы міністр Хамза Юсаф заявіў:

"Палітыкі, якія выступаюць супраць дэмакратыі, ніколі не атрымаюць верх. Я з жахам назіраў, як Лукашэнка сфальсіфікаваў выбары ў Беларусі ў 2020 годзе, а затым жорстка душыў любую нязгоду. Як першы ў свеце кіраўнік урада, які стаў "хросным" беларускага палітычнага зняволенага, я заклікаю іншых далучыцца да Шатландыі ў рашучым асуджэнні гвалту, які здзяйсняецца рэжымам Лукашэнкі супраць беларускага народа".

Ён дадаў:

"Дзмітрый быў асуджаны да дзевяці гадоў турэмнага зняволення — проста за тое, што ён скарыстаўся сваёй свабодай выказвацца і пратэставаць. Я спадзяюся, што, звярнуўшы ўвагу на тое, з чым ён ды іншыя сутыкаюцца ў Беларусі, я і ўрад, які я ўзначальваю, зможам павысіць дасведчанасць аб ім і тысячах іншых палітычных зняволеных у Беларусі і аказаць ім падтрымку".

Ціханоўская падзякавала за "цеплыню салідарнасці"

Лідарка беларускай апазіцыі Святлана Ціханоўская выказала глыбокую ўдзячнасць першаму міністру Хамзе Юсафу "за цеплыню падтрымкі Дзмітрыя Галавача ў рамках праграмы Libereco".

"Ваша суперажыванне ў адносінах да беларускіх палітвязняў сапраўды кранае. Разам мы адчуваем цеплыню салідарнасці ў імкненні да свабоды і справядлівасці", — сказала яна.

Кампанія "хросных" ад Libereco злучае еўрапейскіх парламентарыяў з асобнымі беларускімі палітвязнямі. У цяперашні час 400 "хросных" з 23 еўрапейскіх краін дэманструюць велізарную нязменную салідарнасць Еўропы з ахвярамі рэжыму Лукашэнкі.

galavach.pngДзмітрый Галавач

Удзел у кампаніі #WeStandBYyou ад Libereco

Прадстаўнік Libereco ў Вялікабрытаніі Кен Макбейн пракаментаваў "Вясне" навіну аб удзеле першага міністра Шатландыі ў іх кампаніі:

"Пасля падзей жніўня 2020 года ў Беларусі шатландскі парламент аказаў велізарную падтрымку для дэмакратыі і свабоды.

Вельмі хутка пасля фальсіфікацыі выбараў была прынятая парламенцкая заява, якая асуджае гвалт і ўціск дэмакратыі. Чальцы парламента Шатландыі Ліам Макартур, Уілі Рэні і Алекс Бернет сталі першымі "хроснымі" ад шатландскага парламента ў кампаніі Libereco і аказалі вялікую падтрымку ў арганізацыі мерапрыемстваў у парламенце.

Таму я рады, што першы міністр Шатландыі далучыўся да шатландскіх парламентарыяў і стаў сябрам кампаніі за справядлівасць і свабоду ў Беларусі. Ён першы кіраўнік урада, які далучыўся да кампаніі Libereco, і я хачу падзякаваць яму і ўсёй камандзе ўрада Шатландыі, дзякуючы якой гэта адбылося. Усіх беларусаў і беларусак, якія змагаюцца за свабоду і справядлівасць, натхніць тое, што ў іншых краінах ёсць парламентарыі, палітыкі і чыноўнікі, якім неабыякава тое, што адбываецца ў Беларусі. Мы ўсе з нецярпеннем чакаем таго дня, калі палітыкі і чыноўнікі ў Беларусі таксама будуць шанаваць справядлівасць і свабоду".

Пяць "хросных" ад Шатландыі

Першы міністр Шатландыі Хамза Юсаф стаў таксама адным з пяці "хросных" беларускіх палітвязняў. Акрамя яго, "хроснымі" сталі:

  • Міністр замежных спраў Ангус Робертсан падтрымлівае Эдуарда Бабарыку.
    5 ліпеня 2023 года Эдуард быў асуджаны да васьмігадовага турэмнага зняволення.

  • Міністр эканомікі дабрабыту Ніл Грэй падтрымлівае Сяргея Вайцюка.
    Сяргей адбывае пакаранне ў выглядзе двух з паловай гадоў турэмнага зняволення.

  • Міністарка па справах Еўропы Крысціна Маккелві падтрымлівае Наталлю Дуліну.
    Наталля была затрыманая ў пачатку кастрычніка 2022 года і асуджаная да трох з паловай гадоў турэмнага зняволення.

  • Міністарка па пытаннях роўнасці Эма Родзік падтрымлівае Вольгу Церах.
    У сакавіку 2023 года Вольга была асуджаная да пяці гадоў турэмнага зняволення.

Публікуецца паводле сайту "Вясны"

See more news

Хакатон па адвакацыі праблемы смяротнага пакарання ў Беларусі
12 May 2024, 2:21 PM
Хакатон па адвакацыі праблемы смяротнага пакарання ў Беларусі
29-31 траўня Правабарончы цэнтр Вясна і Беларускі нацыянальны моладзевы савет "РАДА" ў межах Кампаніі праваабронцы супраць смяротнага пакарання ў Беларусі, разам з Генеральным дырэктаратам па правах чалавека і вяршынстве права Рады Еўропы запрашаюць прыняць удзел у хакатоне ў Вільнюсе, дзе мы зможам распрацаваць ідэі дзеянняў па скасаванні смяротнага пакарання ў Беларусі.
VACANCY AT THE BELARUSIAN HRH: EXECUTIVE DIRECTOR
06 May 2024, 11:45 AM
VACANCY AT THE BELARUSIAN HRH: EXECUTIVE DIRECTOR
BHRH Executive Director is responsible for the planning, development, overall coordination/implementation, and supervision of strategic areas of the BHRH activities; for fundraising, liaising with donors and partners; for overseeing staff and ensuring smooth operations of the organization.
Lawtrend: Мониторинг ситуации со свободой ассоциаций и положением организаций гражданского общества в Беларуси за март 2024 года
30 April 2024, 8:14 AM
Lawtrend: Мониторинг ситуации со свободой ассоциаций и положением организаций гражданского общества в Беларуси за март 2024 года
Ситуация в отношении свободы ассоциаций и положения беларусских НКО в Беларуси остается по-прежнему плохой.
Информационный бюллетень LawtrendMonitor №3, 2024 год
30 April 2024, 8:02 AM
Информационный бюллетень LawtrendMonitor №3, 2024 год
В этом выпуске LawtrendMonitor представлены обзоры ситуации со свободой ассоциаций и положением организаций гражданского общества за 2023 год и за март 2024 года.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці