Вызваліць палітвязняў і зладзіць справядлівыя выбары. ПАРЕ прыняла новую рэзалюцыю па Беларусі

26 January 2024, 5:55 PM
Вызваліць палітвязняў і зладзіць справядлівыя выбары. ПАРЕ прыняла новую рэзалюцыю па Беларусі

Парламенцкая асамблея Рады Еўропы прыняла новую рэзалюцыю па Беларусі. У ёй заклікаюць беларускія ўлады спыніць падтрымку агрэсіі Расеі, вызваліць палітвязняў, зладзіць свабодныя і справядлівыя выбары, а таксама выконваць правы чалавека. 

Ілюстрацыйнае фотаІлюстрацыйнае фота

У тэксце рэзалюцыі падкрэсліваецца нязменная прыхільнасць Парламенцкай асамблеі абароне правоў, свабод і бяспекі беларускага народа і выказваецца салідарнасць з пацярпелымі ад дзеянняў рэжыму Лукашэнкі. У дакуменце крытычна разглядаецца пагаршэнне сітуацыі з правамі чалавека, дэмакратыяй і вяршэнствам закона ў Беларусі пасля сфальсіфікаваных прэзідэнцкіх выбараў 2020 года і далучэнне рэжыму да ўдзелу ў агрэсіі Расейскай Федэрацыі супраць Украіны. У рэзалюцыі звяртаюць увагу на маштабныя рэпрэсіі, з якімі сутыкаюцца нязгодныя: масавыя арышты, затрыманні і запалохванне, уключаючы заканадаўчыя меры па падаўленні апазіцыі. Асамблея выказвае глыбокую занепакоенасць становішчам палітычных зняволеных, выступае за іх вызваленне і звяртае ўвагу на тое, што Алесю Бяляцкаму і Марыі Калеснікавай была прысуджана прэмія Вацлава Гавела ў галіне правоў чалавека.

Маючыя адбыцца парламенцкія выбары ў лютым 2024 года Асамблея лічыць "пародыяй на дэмакратыю" і заяўляе аб сваім непрызнанні іх вынікаў з-за абмежавання свабод, роспуску палітычных партый і абмежавання СМІ.

Асцярогі ўзмацняюцца па меры таго, як дзеянні рэжыму Лукашэнкі становяцца супастаўнымі са злачынствамі супраць чалавечнасці. У рэзалюцыі асуджаюцца меры рэжыму, накіраваныя на забеспячэнне сваёй беспакаранасці, такія як канстытуцыйныя папраўкі, якія прадугледжваюць пажыццёвы імунітэт прэзідэнта і дэнансуюць Факультатыўны пратакол да Міжнароднага пакту аб грамадзянскіх і палітычных правах.

Асамблея вылучаюць вонкавыя пагрозы, якія зыходзяць ад рэжыму Лукашэнкі, у тым ліку выкарыстанне мігрантаў як зброі, вымушаную пасадка рэйса Ryanair FR4978 і дачыненне да агрэсіі Расейскай Федэрацыі супраць Украіны. Канстытуцыйныя змены рэжыму, якія дапускаюць размяшчэнне ядзернай зброі і сціранне беларускай ідэнтычнасці, таксама ствараюць пагрозы бяспекі для суседніх краін.

У дакуменце прадстаўлены шырокі набор рэкамендацый, якія заклікаюць Беларусь спыніць падтрымку агрэсіі Расеі, вызваліць палітвязняў, зладзіць свабодныя і справядлівыя выбары і выконваць правы чалавека. Асамблея заклікае дзяржавы-члены Рады Еўропы падтрымаць дэмакратычныя сілы, актывізаваць дыялог і аказаць дыпламатычны ціск. Яна таксама падтрымлівае міжнародныя намаганні па забеспячэнні справаздачнасці і настойліва заклікае да супрацоўніцтва з міжнароднай платформай падсправаздачнасці для Беларусі.

Адзначаецца, што Асамблея мае намер актыўна прыцягваць беларускія дэмакратычныя сілы да сваёй працы, прызначыць Генеральнага дакладчыка па дэмакратычнай Беларусі, узаемадзейнічаць з грамадзянскай супольнасцю і каардынаваць намаганні з іншымі парламенцкімі асамблеямі. У заключэнні рэзалюцыі ўказаны рэкамендацыі Камітэту міністраў забяспечыць падтрымку і рэгулярныя абмены думкамі аб сітуацыі ў Беларусі, надаючы асаблівую ўвагу супрацоўніцтву з міжнароднымі арганізацыямі і вывучэнню механізмаў падсправаздачнасці.

Публікуецца паводле сайту "Вясны"

See more news

Хакатон па адвакацыі праблемы смяротнага пакарання ў Беларусі
12 May 2024, 2:21 PM
Хакатон па адвакацыі праблемы смяротнага пакарання ў Беларусі
29-31 траўня Правабарончы цэнтр Вясна і Беларускі нацыянальны моладзевы савет "РАДА" ў межах Кампаніі праваабронцы супраць смяротнага пакарання ў Беларусі, разам з Генеральным дырэктаратам па правах чалавека і вяршынстве права Рады Еўропы запрашаюць прыняць удзел у хакатоне ў Вільнюсе, дзе мы зможам распрацаваць ідэі дзеянняў па скасаванні смяротнага пакарання ў Беларусі.
VACANCY AT THE BELARUSIAN HRH: EXECUTIVE DIRECTOR
06 May 2024, 11:45 AM
VACANCY AT THE BELARUSIAN HRH: EXECUTIVE DIRECTOR
BHRH Executive Director is responsible for the planning, development, overall coordination/implementation, and supervision of strategic areas of the BHRH activities; for fundraising, liaising with donors and partners; for overseeing staff and ensuring smooth operations of the organization.
Lawtrend: Мониторинг ситуации со свободой ассоциаций и положением организаций гражданского общества в Беларуси за март 2024 года
30 April 2024, 8:14 AM
Lawtrend: Мониторинг ситуации со свободой ассоциаций и положением организаций гражданского общества в Беларуси за март 2024 года
Ситуация в отношении свободы ассоциаций и положения беларусских НКО в Беларуси остается по-прежнему плохой.
Информационный бюллетень LawtrendMonitor №3, 2024 год
30 April 2024, 8:02 AM
Информационный бюллетень LawtrendMonitor №3, 2024 год
В этом выпуске LawtrendMonitor представлены обзоры ситуации со свободой ассоциаций и положением организаций гражданского общества за 2023 год и за март 2024 года.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці