Яшчэ дзевяць палітвязняў атрымалі падтрымку еўрапейскіх «хросных»

08 June 2021, 11:18 AM
Яшчэ дзевяць палітвязняў атрымалі падтрымку еўрапейскіх «хросных»

Да кампаніі салідарнасці з беларускімі палітвязнямі #WeStandBYyou, арганізаванай швейцарска-нямецкай праваабарончай арганізацыяй Libereco, далучыліся яшчэ дзевяць дэпутатаў з парламентаў еўрапейскіх краінаў, а таксама прадстаўнікі Еўрапейскага парламента. Сімвалічныя “хросныя” выступілі ў падтрымку Аляксандра Целешмана, Алеся Пушкіна, Арцёма Мядзведскага, Аляксея Раманава, Аляксея Самусенкі, Сяргея Ярашэвіча, Мікіты Літвіненкі, Мікалая Малюты, Рамана Сідзюка, піша Праваабарончы цэнтр "Вясна".

jakop_dalunde.jpg

Дэпутат Еўрапарламента Якап Далундэ стаў “хросным” Аляксандра Целяшмана.

“Я патрабую неадкладнага вызвалення Аляксандра Целяшмана і ўсіх іншых палітычных зняволеных у Беларусі. Адкрытае ігнараванне правоў Аляксандра як непаўналетняга падчас першага затрымання выклікае асаблівае абурэнне”, — сказаў ён.

Дэпутатка шведскага парламента Каміла Хансэн стал “хроснай” Алеся Пушкіна.

“Я рашуча асуджаю арышт Алеся Пушкіна. Беларусь павінна неадкладна спыніць парушэнні асноўных правоў сваіх грамадзян на свабоду меркаванняў і свабоду выказвання меркаванняў ва ўсіх аспектах, уключаючы мастацкае выказванне”, — заявіла яна.

Дэпутат Еўрапарламента Шон Келі падтрымаў Арцёма Мядзведскага.

“Я падтрымліваю 23-гадовага Арцёма Мядзведскага, які быў асуджаны на тры гады абмежавання волі. Ён адзін з многіх мірных дэманстрантаў, якія ўтрымліваюцца ў турмах за рэалізацыю свайго права ўдзельнічаць у мірных сходах, выказваць свае меркаванні і ўдзельнічаць у палітычнай дзейнасці”, — заявіў спадар Келі з гэтай нагоды.

Дэпутат Брытанскай Палаты абшчын і лідар Ліберальна-дэмакратычнай партыі Сэр Эдвард Дэві ўзяў на сябе абавязкі “хроснага” Аляксея Раманава.

“Я і мая партыя заклікаем урад Беларусі ўстрымацца ад далейшага гвалту і паважаць асноўныя правы чалавека беларускага народа”, — сказаў ён.

Джо О'Райлі, намеснік старшыні Ірландскага сената і сябра ірландскай дэлегацыі ў Парламенцкай асамблеі Савета Еўропы, стаў “хросным” Аляксея Самусенкі.

“Я ганаруся тым, што магу падтрымаць Аляксея Самусенку, якога несправядліва пазбавілі волі за ўдзел у мірнай акцыі пратэсту ў Беларусі. Права на мірны пратэст – асноўны прынцып любога цывілізаванага грамадства”, — заявіў дэпутат.

sean-sherlock.jpg

“Хросным” Сяргея Ярашэвіча стаў дэпутат ірландскага парламента Шон Шэрлак.

“Я заклікаю неадкладна вызваліць Сяргея Ярашэвіча, які знаходзіцца ў турме з 2 кастрычніка 2020 года за ўдзел у мірнай дэманстрацыі. Ягоная жонка Антаніна Канавалава, актывістка штаба Святланы Ціханоўскай, таксама з'яўляецца палітзняволнай. Палітычна матываваны пераслед гэтай сям'і павінен скончыцца, як і запалохванне праваабаронцаў “Вясны”, — адзначыў спадар Шэрлак.

Дэпутат Бундэстага Германіі Томас Эрндль стаў “хросным” Мікіты Літвіненкі.

“Абуральным з’яўляецца той факт, што аўтакрат і дэспат прыгнятае свой народ непасрэдна побач з ЕС. Я патрабую неадкладнага вызвалення Мікіты і ўсіх палітвязняў! #WeStandBYyou!” — сказаў ён.

volker-ullrich.jpg

Дэпутат Бундэстага Фолькер Ульрых падтрымаў Мікалая Малюту.

“Мікалай Малюта прыняў удзел у мірнай дэманстрацыі. Беручы на сябе абавязкі яго “хроснага”, я патрабую яго неадкладнага вызвалення”, — заявіў дэпутат.

Дэпутат Еўрапарламента Ханэс Хайдэ будзе “хросным” Рамана Сідзюка.

“Жорсткае абыходжанне з мірнымі дэманстрантамі паказвае, наколькі беларускі ўрад адышоў ад дэмакратыі і вяршэнства закона! Я патрабую неадкладнага вызвалення Рамана Сідзюка і ўсіх астатніх палітвязняў у Беларусі!” — заявіў спадар Хайдэ з гэтай нагоды.


Нагадаем, 9 ліпеня, роўна за месяц да прэзідэнцкіх выбараў у Беларусі, нямецка-швейцарская праваабарончая арганізацыя “Libereco — Партнёрства за правы чалавека” распачала кампанію салідарнасці з беларускімі палітвязнямі. 

Кампанія пад назвай #WeStandBYyou заклікае да салідарнасці з усімі людзьмі ў Беларусі, якія імкнуцца да свабодных і сумленных выбараў, дэмакратызацыі краіны, вяршэнства закона і павагі да правоў чалавека. Усе, хто хоча падтрымаць ахвяраў палітычнага пераследу ў Беларусі, могуць зрабіць гэта ў сацыяльных сетках з дапамогай хэштэга #WeStandBYyou.

Артыкул на сайце "Вясны"

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці