Заява аб прызнанні 18 чалавек палітычнымі зняволенымі (Вольга Чукарава і іншыя)

10 кастрычніка 2025 года

Мы, прадстаўнікі праваабарончай супольнасці Беларусі, зноў адзначаем, што пазбаўленне волі і крымінальная адказнасць за розныя формы пратэстнай актыўнасці выкарыстоўваюцца ўладамі як інструмент падаўлення грамадзянскага і палітычнага супраціву, іншадумства і антываенных выказванняў.

Крымінальнае заканадаўства ў 2021 годзе было істотна ўзмоцнена і дапоўнена новымі складамі злачынстваў, якія ўлады выкарыстоўваюць выключна ў мэтах палітычных рэпрэсій.

Міністэрства ўнутраных спраў і Камітэт дзяржаўнай бяспекі ў пазасудовым парадку адвольна прызнаюць экстрэмісцкімі групы грамадзян, аб’яднаных грамадскімі або палітычнымі інтарэсамі, якія крытыкуюць дзеянні ўладаў і патрабуюць змен у дзяржаве і праводжанай ёй палітыцы. Шэраг СМІ таксама прызнаны экстрэмісцкімі фарміраваннямі. Гэта, у сваю чаргу, адкрывае шлях да адвольнага прыцягнення да крымінальнай адказнасці і пазбаўлення волі іх удзельнікаў і респондэнтаў як непрапарцыйнай меры абмежавання права на асацыяцыю і свабоды выказвання меркаванняў.

Так, стала вядома пра змяшчэнне пад варту і асуджэнне да пазбаўлення волі ў сувязі з узаемадзеяннем з “экстрэмісцкімі фармаваннямі” Вольгі Чукаравай, Ірыны Кролікавай, Паўла Хітрыка, Дзмітрыя Доўгаля, Артура Ганіберзіна, Алега Рудніцкага, Валерыя Папкова, Дзмітрыя Шаблыка, Аліны Хмялеўскай, Мікіты Грушэўскага, Дзіяны Міхайлінай, Максіма Федаровіча, Алены Тапарковай, Канстанціна Глотава, Аляксандра Трацэнка, Ягора Цюшкевіча, Крысціны Сашнікавай, Сяргея Рымашэўскага.

Мы прызнаём названых асоб палітвязнямі ў адпаведнасці з п. 3.1(а) Кіраўніцтва па вызначэнні паняцця "палітычны зняволены" і патрабуем ад уладаў Беларусі:

• неадкладна вызваліць палітычных зняволеных Вольгу Чукараву, Ірыну Кролікаву, Паўла Хітрыка, Дзмітрыя Доўгаля, Артура Ганіберзіна, Алега Рудніцкага, Валерыя Папкова, Дзмітрыя Шаблыка, Аліну Хмялеўскую, Мікіту Грушэўскага, Дзіяну Міхайліну, Максіма Федаровіча, Алену Тапаркову, Канстанціна Глотава, Аляксандра Трацэнка, Ягора Цюшкевіча, Крысціну Сашнікаву, Сяргея Рымашэўскага;

• неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр "Вясна";

Lawtrend;

Respect-Protect-Fulfill;

Беларускі ПЭН;

Прававая ініцыятыва;

Беларускі дом правоў чалавека імя Барыса Звозскава;

Беларускі Хельсінкскі Камітэт.