Заява праваабаронцаў аб прызнанні 23 палітычных зняволеных (Марына Сачыўка і іншыя)

21 November 2022, 9:34 AM
Заява праваабаронцаў аб прызнанні 23 палітычных зняволеных (Марына Сачыўка і іншыя)

На фота: Марына Сачыўка

заява прадстаўнікоў беларускай праваабарончай супольнасці

19 лістапада 2022 г.

У сувязі з павелічэннем колькасці выпадкаў асуджэння і пазбаўлення волі грамадзянаў краіны па шэрагу дыфамацыйных артыкулаў Крымінальнага кодэкса Рэспублікі Беларусь, а таксама ў сувязі са знявагай дзяржаўных сімвалаў Рэспублікі Беларусь ды і іншымі дзеяннямі, накіраванымі на правамерную реалізацыю свабоды выказвання меркаванняў, мы, прадстаўнікі беларускай праваабарончай супольнасці патрабуем спыніць пераслед правамерных форм выказвання меркаванняў, і ў  чарговы раз пацвярджаючы свае неаднаразова выказаныя патрабаванні па дэкрыміналізацыі дыфамацыі і недапушчальнасці пазбаўлення волі грамадзян за абразу службовых асобаў, дзяржавы, дзяржаўных органаў і сімвалаў (супольная заява ад 22 снежня 2020 г.), адзначаем наступнае:

Намі атрыманая інфармацыя пра наступных асобаў, пазбаўленых волі за абразу А. Лукашэнкі, прадстаўнікоў улады (супрацоўнікаў міліцыі), суддзяў і знявагу дзяржавы і дзяржаўных сімвалаў, іншыя формы рэалізацыі свабоды мяркаванняў:

  1. Данііл Раманаў, асуджаны за абразу службовай асобы па арт. 369 КК да аднаго года 6 месяцаў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  2. Марына Сочыўка асуджана за абразу службовай асобы па арт. 369 КК да двух гадоў абмежавання волі з накіраваннем у папраўчую ўстанову адкрытага тыпу, накіравана для адбыцця пакарання;

  3. Артур Сцеп асуджаны за абразу службовай асобы і А. Лукашэнкі па арт. 368 і 369 КК да двух гадоў 6 месяцаў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  4. Андрэй Жамейка асуджаны за абразу службовай асобы і А. Лукашэнкі па арт. 368 і 369 КК да трох гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  5. Валерый Адалеўскі, асуджаны за абразу службовай асобы па арт. 369 КК з накіраваннем у папраўчую ўстанову адкрытага тыпу, накіраваны для адбыцця пакарання;

  6. Віктар Кулеш, асуджаны за абразу службовай асобы па арт. 369 КК да аднаго года 6 месяцаў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  7. Мікалай Ласіцкі, асуджаны за паклёп на службовую асобу па арт. 188 КК да двух гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  8. Максім Пікун, асуджаны за абразу службовай асобы па арт. 369 КК да двух гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  9. Міхаіл Башкатаў, асуджаны за абразу службовай асобы па арт. 369 КК да двух гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  10. Іван Кірык, асуджаны за абразу службовай асобы па арт. 369 КК да двух гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  11. Алег Пасюк, асуджаны за абразу службовай асобы па арт. 369 КК да аднаго года 6 месяцаў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  12. Віталь Астрэйка, узяты пад варту за паклёп на А. Лукашэнку і яго абразу па арт. 367, 368 КК;

  13. Кірыл Жалудок, узяты пад варту за абразу А. Лукашэнкі па арт. 368 КК;

  14. Артур Чарняўскі, асуджаны за абразу службовай асобы па арт. 369 КК да двух гадоў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  15. Андрэй Дуброўскі, асуджаны за абразу службовай асобы па арт. 369 КК да аднаго года 6 месяцаў абмежавання волі з накіраваннем у папраўчую ўстанову адкрытага тыпу, накіраваны для адбыцця пакарання;

  16. Дзяніс Воўчак, асуджаны за абразу А. Лукашэнкі і перадачу персанальных дадзеных па ч. 1 арт. 368 і ч. 3 арт. 203-1 КК да аднаго года і 6 месяцаў пазбаўлення волі ў папраўчай калоніі;

  17. Наталля Ляцко, асуджана за паклёп і перадачу персанальных дадзеных па арт. 188 і ч. 3 арт. 203-1 КК да аднаго года пазбаўлення волі ў папараўчай калоніі;

  18. Віталь Уласевіч, асуджаны за пратэсныя надпісы і заклікі да абмежавальных мераў (санкцый) па арт. 341 і ч. 3 арт. 361 да двух гадоў 6 месяцаў пазбаўлення волі ў папраўчай калоніі;

  19. Андрэй Ханевіч, асуджаны за інтэрв’ю “Белсату” за “дыскрэдытацыю” Рэспублікі Беларусь і  садзейнічанне “экстрэмісцкай дзейнасці” па арт. 369-1 і 361-4 КК да пяці гадоў пазбаўлення волі ў папраўчай калоніі;

  20. Вольга Раманцова, узята пад варту за абразу судзі па арт. 391 КК;

  21. Кацярына Хулхачыева, узята пад варту па “справе Зельцара”;

  22. Канстанцін Ніканораў, узяты пад варту за “дыскрэдытацыю” Рэспублікі Беларусь па арт. 369-1 КК;

  23. Міхаіл Нямцоў, асуджаны за каментары ў дачыненні да дзеянняў расійскіх войскаў у Казахстане і абразу Лукашэнкі да трох гадоў калоніі.

Мы лічым пераслед і пазбаўленне волі названых асоб палітычна матываваным, звязаным з мірнай рэалізацыяй выказвання меркавання, а іх саміх палітычнымі зняволенымі ў адпаведнасці з п. 3.1(а) Кіраўніцтва па вызначэнні паняцця “Палітычны зняволены”, і патрабуем ад уладаў Беларусі:

  1. Неадкладна вызваліць палітвязняў Данііла Раманава, Марыну Сочыўку, Артура Сцепа, Андрэя Жамейку, Валерыя Адалеўскага, Віктара Кулеша, Мікалая Ласіцкага, Максіма Пікуна, Міхаіла Башкатава, Івана Кірыка, Алега Пасюка, Віталя Астрэйку, Кірыла Жалудка, Артура Чарняўскага, Андрэя Дуброўскага, Дзяніса Воўчака, Наталлю Ляцко, Віталя Уласевіча, Андрэя Ханевіча, Вольгу Раманцову, Кацярыну Хулхачыеву, Канстанціна Ніканорава, Міхаіла Нямцова і спыніць крымінальны пераслед у дачыненні да іх. 

  2. Прыняць захады, скіраваныя на дэкрыміналізацыю дыфамацыйных правапарушэнняў і адмену артыкулаў Крымінальнага кодэкса, якія прадугледжваюць адказнасць за абразу дзяржавы, дзяржаўных сімвалаў і службовых асобаў, а менавіта – арт. 188, 189, 367, 368, 369, 369-1, 370, 391 Крымінальнага кодэкса Рэспублікі Беларусь, і спыніць усе раней узбуджаныя па дадзеных артыкулах крымінальныя справы.

  3. Неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.

Праваабарончы цэнтр "Вясна";

Прававая ініцыятыва;

Беларускі Хельсінкскі камітэт;

Беларускі ПЭН.

See more news

Заява праваабарончай супольнасці Беларусі з нагоды смерці палітвязня Ігара Ледніка
23 February 2024, 1:20 PM
Заява праваабарончай супольнасці Беларусі з нагоды смерці палітвязня Ігара Ледніка
Права на жыццё ў належнай ступені не ахоўваецца законам і не забяспечваецца на практыцы, што рэгулярна прыводзіць да трагедый.
Заява аб прызнанні шасці чалавек палітычнымі зняволенымі (Ульяна Яковіч і іншыя)
23 February 2024, 1:18 PM
Заява аб прызнанні шасці чалавек палітычнымі зняволенымі (Ульяна Яковіч і іншыя)
Мы патрабуем ад уладаў Беларусі неадкладна вызваліць Ульяну Яковіч, Аксану Ючкавіч, Дзмітрыя Халяўкіна, Сяргея Кульшу, Аляксандра Ільіна, Арцёма Закржэўскага і спыніць іх крымінальны пераслед.
Заява аб прызнанні сямі чалавек палітычнымі зняволенымі (Ірына Такарчук і іншыя)
23 February 2024, 1:13 PM
Заява аб прызнанні сямі чалавек палітычнымі зняволенымі (Ірына Такарчук і іншыя)
Мы патрабуем ад уладаў Беларусі неадкладна вызваліць палітвязняў Дзіяну Стульбу, Аляксандра Вароніна, Ірыну Такарчук, Наталлю Ладуцьку, Яўгенія Глушкова, Таццяну Сцепу, Аляксея Швяцова.
Заява праваабаронцаў аб прызнанні 12 чалавек палітычнымі зняволенымі (Артур Голубеў і іншыя)
06 February 2024, 6:57 PM
Заява праваабаронцаў аб прызнанні 12 чалавек палітычнымі зняволенымі (Артур Голубеў і іншыя)
Мы патрабуем ад уладаў Беларусі неадкладна вызваліць палітвязняў Артура Голубева, Арцёма Антонава, Алега Зыкуна, Максіма Каранькова, Андрэя Ломшу, Вячаслава Панасюка, Аляксандра Скварцова, Міхаіла Чумакова, Руслан Шукалу, Філіпа Залескага, Вераніку Казак, Генадзя Жукеля і спыніцьіх крымінальны пераслед.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці