Заява праваабаронцаў аб прызнанні 28 палітычных зняволеных (Мікіта Найдзёнаў і іншыя)

23 May 2023, 11:09 AM
Заява праваабаронцаў аб прызнанні 28 палітычных зняволеных (Мікіта Найдзёнаў і іншыя)

заява праваабарончых арганізацый Беларусі

19 траўня 2023 г.

У сувязі з інфармацыяй аб прад'яўленні абвінавачванняў, заключэнні пад варту і вынясенні прысудаў па ч. 1 артыкула 342 Крымінальнага кодэкса ("Групавыя дзеянні, якія груба парушаюць грамадскі парадак") у дачыненні да Мікіты Найдзёнава, Анастасіі Дулгеру, Дзмітрыя Міцкевіча, Алены Міцкевіч, Уладзіслава Дуброўскага, Ігара Будніка, Сяргея Дзешчыца, Дзяніса Нядбайніка, Віктара Сабалеўскага, Святланы Сабалеўскай, Паліны Пачапскай, Вольгі Колас, Паліны Савіч, Марыі Некрашэвіч, Таццяны Некрашэвіч, Златы Філіпенкі, Ганны Гузавай, Ірыны Савіч, Святланы Касінскай, Марыяны Хадасевіч, Валерыі Баяровіч, Дзмітрыя Баяровіча, Віталя Прынесліка, Уладзіслава Адамушкі, Вольгі Мацкевіч, па ч. 1 арт. 342, 368 КК (абраза А. Лукашэнкі) Юрыя Брэйвы, па арт. 369 (абраза прадстаўніка ўлады), 188 (паклёп), 368 КК Таццяны Радчанкі, па ч. 1 арт. 342, 391 (абраза суддзі), 367 (паклёп на А.Лукашэнку), 368 КК Аляксандра Захожава, яшчэ раз пацвярджаючы пазіцыю, выкладзеную ў сумеснай заяве праваабарончай супольнасці ад 10 жніўня 2020 года, адзначаем наступнае:

Свабода мірных сходаў гарантаваная артыкулам 21 Міжнароднага Пакта аб грамадзянскіх і палітычных правах. Дадзеная свабода не падлягае ніякім абмежаванням, акрамя тых, што ўстаноўленыя законам і неабходныя ў дэмакратычных краінах у мэтах нацыянальнай і грамадскай бяспекі, грамадскага парадку, аховы здароўя і маральнасці насельніцтва ці абароны правоў і свабод іншых асоб.

Выступы грамадзянаў насілі стыхійны, самаарганізаваны характар і былі выкліканыя недаверам да вынікаў выбараў Прэзідэнта Рэспублікі Беларусь, якія адбыліся 9 жніўня 2020 года і праходзілі са шматлікімі парушэннямі і фальсіфікацыямі, не былі прызнаныя міжнароднай супольнасцю як дэмакратычныя, справядлівыя і свабодныя.

Сходы грамадзянаў насілі мірны характар і не ўяўлялі пагрозы ні нацыянальнай, ні грамадскай бяспецы. Нягледзячы на гэта, дэманстранты былі атакаваныя спецпадраздзяленнямі МУС з непрапарцыйным прымяненнем фізычнай сілы, спецсродкаў і зброі.

Упершыню ў гісторыі Беларусі ў дачыненні да мірных дэманстрантаў былі ўжытыя гумавыя кулі і вадамёты. Асабліва вялікая колькасць пашкоджанняў была атрыманая ад выкарыстання шумавых гранат.

У сваёй заяве ад 10 жніўня 2020 года беларуская праваабарончая супольнасць асудзіла дзеянні праваахоўных органаў і ўсклала ўсю адказнасць за тое, што адбылося 9 і 10 жніўня, на ўлады Рэспублікі Беларусь.

Мы ацэньваем пераслед вышэй названых асоб, якія былі пазбаўленыя волі і абвінавачаныя ў групавых дзеяннях, якія груба парушаюць грамадскі парадак, як палітычна матываваны пераслед у сувязі з рэалізацыяй імі свабоды мірных сходаў і выказвання свайго меркавання адносна абвешчаных вынікаў выбараў Прэзідэнта Рэспублікі Беларусь і прызнаем іх палітычнымі зняволенымі.

У гэтай сувязі мы патрабуем ад уладаў Беларусі:

  • Неадкладна вызваліць з-пад варты Мікіту Найдзёнава, Анастасію Дулгеру, Дзмітрыя Міцкевіча, Алену Міцкевіч, Уладзіслава Дуброўскага, Ігара Будніка, Сяргея Дзешчыца, Дзяніса Нядбайніка, Віктара Сабалеўскага, Святлану Сабалеўскую, Паліну Пачапскую, Вольгу Колас, Паліну Савіч, Марыю Некрашэвіч, Таццяну Некрашэвіч, Злату Філіпенку, Ганну Гузаву, Ірыну Савіч, Святлану Касінскую, Мар'яну Хадасевіч, Валерыю Баяровіч, Дзмітрыя Баяровіча, Віталя Прынесліка, Уладзіслава Адамушку, Вольгу Мацкевіч, Юрыя Брэйву, Таццяну Радчанку, Аляксандра Захожава і спыніць іх крымінальны пераслед.

  • Неадкладна вызваліць усіх палітычных зняволеных, а таксама грамадзян, затрыманых у сувязі з рэалізацыяй свабоды мірных сходаў у поствыбарчы перыяд, і спыніць палітычныя рэпрэсіі ў дачыненні да грамадзян краіны.

Праваабарончы цэнтр "Вясна";

Офіс па правах людзей з інваліднасцю;

Беларускі Хельсінкскі камітэт;

Беларуская асацыяцыя журналістаў;

Беларускі дом правоў чалавека імя Барыса Звозскава;

Lawtrend;

Прававая ініцыятыва.

See more news

Заява праваабарончай супольнасці аб прызнанні Ігара Карнея палітычным зняволеным
27 March 2024, 8:25 AM
Заява праваабарончай супольнасці аб прызнанні Ігара Карнея палітычным зняволеным
Мы лічым, што гэтыя дзеянні ў дачыненні да Ігара Карнея з’яўляюцца працягам мэтанакіраванай палітыкі ўладаў па абмежаванні распаўсюду непадцэнзурнай інфармацыі ў краіне і працягам наступу на свабоду слова.
Патрабуем рэабілітацыі 20 былых палітычных зняволеных (Аляксандр Якута і іншыя)
23 March 2024, 12:49 PM
Патрабуем рэабілітацыі 20 былых палітычных зняволеных (Аляксандр Якута і іншыя)
У дачыненні да пералічаных былых палітвязняў мы патрабуем перагляду іх крымінальных спраў з мэтай адмены вынесеных прысудаў, іх поўнай рэабілітацыі з кампенсацыяй усіх відаў шкоды, нанесенай адвольным асуджэннем і пазбаўленнем волі.
Заява аб прызнанні васьмі чалавек палітычнымі зняволенымі (Яраслаў Вердыш і іншыя)
21 March 2024, 12:07 PM
Заява аб прызнанні васьмі чалавек палітычнымі зняволенымі (Яраслаў Вердыш і іншыя)
Мы заяўляем, што далейшае пазбаўленне волі Аляксандра Піскунова, Яраслава Вердыша, Аляксандра Яўціхава, Дзмітрыя Гута, Яўгена Тоўсціка, Аляксандра Паліўкі, Паўла Кунцэвіча, Івана Асіповіча з'яўляецца палітычна матываваным.
Заява праваабаронцаў з нагоды аблавы на адвакатаў
21 March 2024, 9:51 AM
Заява праваабаронцаў з нагоды аблавы на адвакатаў
28 лютага 2024 года ў Беларусі прайшлі масавыя затрыманні адвакатаў. Дакладная колькасць затрыманых і нагода застаюцца невядомымі, аднак праваабаронцы называюць лічбу ў 12 адвакатаў.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці