Заява Праваабарончага цэнтра "Вясна" ў сувязі з вынясеннем прысуду Леаніду Судаленку і Таццяне Ласіцы

04 November 2021, 3:14 PM
Заява Праваабарончага цэнтра "Вясна" ў сувязі з вынясеннем прысуду Леаніду Судаленку і Таццяне Ласіцы

Заява Праваабарончага цэнтра "Вясна"

4 лістапада 2021 г.

3 лістапада 2021 года прысудам суда Цэнтральнага раёна г. Гомеля нашы калегі, аднадумцы і сябры — праваабаронца "Вясны"Леанід Судаленкаі валанцёрка арганізацыіТаццянаЛасіца— прызнаныя вінаватымі ў арганізацыі і падрыхтоўцы дзеянняў, якія груба парушаюць грамадскі парадак (ч. 1 арт. 342 КК), і навучанні і падрыхтоўцы асобаў для ўдзелу ў такіх дзеяннях, а таксама іх фінансаванні ці іншым матэрыяльным забеспячэнні (ч. 2 арт. 342 КК) і асуджаныя: Леанід Судаленка — да трох гадоў пазбаўлення волі ў папраўчай калоніі, Таццяна Ласіца — да двух з паловай гадоў пазбаўлення волі з адбываннем пакарання ў папраўчай калоніі ва ўмовах агульнага рэжыму.

Прысуд вынес суддзяСяргейСалоўскі, дзяржаўнае абвінавачванне падтрымлівалі пракурорыЯўгенФартушнякіКірылВышнякоў. Для валанцёркіМарыіТарасенка, якая праходзіла па гэтай жа крымінальнай справе і была пад падпіскай аб нявыяздзе, бок дзяржабвінавачвання запатрабаваў пакаранне ў выглядзе пазбаўлення волі на два з паловай гады ў калоніі. Пасля гэтага Марыя была вымушаная з'ехаць з Беларусі.

Крымінальны пераслед праваабаронцаў стаў адвольнай рэпрэсіўнай рэакцыяй уладаў на выключна легітымную, мірную і адкрытую дзейнасць па абароне, прасоўванні і заахвочванні правоў чалавека.

Гэтая справа ад самага пачатку суправаджалася самавольствам і парушэннем агульнапрызнаных правоў і свабод нашых калег і аднадумцаў:

  • крымінальны пераслед ажыццяўляецца за дзейнасць у абарону правоў чалавека і свабод, рэалізацыю права на асацыяцыю і мірныя сходы, свабоду выказвання меркаванняў;

  • у дачыненні да праваабаронцаў аж да цяперашняга часу была ўжытая мера стрымання ў выглядзе ўзяцця пад варту ў СІЗА, якая не ўлічвае цяжару абвінавачвання (усе інкрымінаваныя злачынствы адносіліся да катэгорыі тых, што не ўяўляюць вялікай грамадскай небяспекі, ці меней цяжкіх), звестак пра асобу і не абгрунтаваная дапушчальнымі доказамі неабходнасці яе ўжывання; гэта ў сукупнасці з характарам пераследу парушае права на свабоду і асабістую недатыкальнасць;

  • судовае пасяджэнне ў адсутнасць легітымнай мэты праведзена закрытым, у адсутнасць публікі, што парушыла як працэсуальныя, гэтак і канстытуцыйныя правы абвінавачваных — быць асуджанымі публічна, у адкрытым судовым пасяджэнні, паколькі судом не разглядалася пытанняў, якія ўтрымлівалі б дзяржаўных сакрэтаў, не выдавалася звестак пра інтымныя бакі жыцця асобаў, што ўдзельнічаюць у справе, або звестак, што зневажаюць іх годнасць;

  • падчас судовага разгляду Леанід Судаленка і Таццяна Ласіца ўтрымліваліся ў клетцы, што парушала прэзумпцыю невінаватасці і заведама стварала ўражанне пра іх грамадскую небяспеку;

  • прызначэнне пакарання Леаніду Судаленку — найболей строгага віду ў максімальным памеры ад магчымага па выстаўленым абвінавачванні, Таццяне Ласіцы — найболей строгага віду ў амаль максімальным памеры ад магчымага ў чарговы раз сведчыла пра небесстароннасць суда, які хоць бы дзеля стварэння бачнасці фармальнага выканання недэмакратычнага закона не ўлічыў належным чынам наяўнасці шматлікіх акалічнасцяў, якія мусілі ўплываць на прызначэнне пакарання; у сукупнасці з парушэннем права на адкрытае разбіральніцтва гэта парушыла права на незалежны і бесстаронні суд;

  • абраная мера стрымання ў сукупнасці з умовамі ўтрымання абвінавачваных з усёй відавочнасцю сведчыла аб намеры прычыніць фізічныя і маральныя пакуты і з'яўляецца формай жорсткага, зневажальнага абыходжання.

Мы, праваабаронцы "Вясны", заяўляем рашучы пратэст у сувязі з гэтым чарговым этапам ціску на арганізацыю, асуджаем выкарыстанне жорсткасці і адвольнага зняволення ў якасці інструментаў ціску на праваабаронцаў і наогул на ўсе сегменты грамадзянскай супольнасці і пацвярджаем сваю гатовасць працягваць мірную легітымную дзейнасць па абароне і прасоўванні правоў чалавека.

Мы дзякуем міжнародным, нацыянальным і замежным праваабарончым арганізацыям за салідарнасць і безумоўную падтрымку нашых зняволеных калегаў і арганізацыі наогул і заклікаем іх працягваць захады па падтрымцы арганізацый грамадзянскай супольнасці Беларусі ў іх імкненні да мірных дэмакратычных пераўтварэнняў, заснаваных на правах чалавека

Мы патрабуем ад уладаў вярнуцца ў прававыя межы ў адносінах з грамадзянскай супольнасці, неадкладна адмяніць адвольны прысуд у дачыненні да Леаніда Судаленкі і Таццяны Ласіцы, вызваліць узятых пад варту іншых сябраў і валанцёраў ПЦ "Вясна" — Марфу Рабкову, Алеся Бяляцкага, Валянціна Стэфановіча, Уладзіміра Лабковіча, Андрэя Чапюка; вызваліць іншых палітвязняў, пазбаўленых волі за мірнае ажыццяўленне сваіх правоў, перагледзець прысуды іншых палітвязняў.

See more news

Праваабарончая арганізація Front Line Defenders патрабуе вызваліць праваабаронцу Вольгу Гарбунову
18 November 2021, 11:24 AM
Праваабарончая арганізація Front Line Defenders патрабуе вызваліць праваабаронцу Вольгу Гарбунову
Арганізацыя Front Line Defenders выступіла з заявай, у якой патрабуе ад уладаў Беларусі вызваліць Вольгу Гарбунову і спыніць пераслед усіх праваабаронцаў у Беларусі.
"Международная амнистия": Потребуйте освободить Марфу Рабкову
23 September 2021, 5:50 PM
"Международная амнистия": Потребуйте освободить Марфу Рабкову
Правозащитная организация "Международная амнистия" начала кампанию с требованием освободить правозащитницу, координатора волонтерской службы "Весны" Марфу Рабкову.
Хью Уильямсон: «Правительство Александра Лукашенко объявило войну гражданскому обществу и безжалостно подавляет любое инакомыслие»
23 September 2021, 4:10 PM
Хью Уильямсон: «Правительство Александра Лукашенко объявило войну гражданскому обществу и безжалостно подавляет любое инакомыслие»
23 правозащитные организации, включая Human Rights Watch, объединились в рамках кампании за освобождение семи членов беларуского правозащитного центра «Вясна» и сотен других фигурантов политически мотивированных уголовных дел.
Міжнародныя праваабарончыя арганізацыі патрабуюць вызвалення сябраў "Вясны"
17 September 2021, 5:38 AM
Міжнародныя праваабарончыя арганізацыі патрабуюць вызвалення сябраў "Вясны"
У першую гадавіну рэпрэсій супраць Праваабарончага цэнтра "Вясна" больш за 20 міжнародных і беларускіх праваабарончых арганізацый пачынаюць кампанію з патрабаваннем вызваліць затрыманых сябраў "Вясны" і прыцягнуць увагу да цяжкага становішча сотняў іншых зняволеных, якія апынуліся за кратамі за ажыццяўленне свайго права на мірны сход і свабоду слова.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці