Праваабаронцы з Libereco сустрэлі Наталлю Хершэ ў аэрапорце

Нямецка-швейцарская праваабарончая арганізацыя «Ліберэка», якая змагалася за вызваленне Наталлі Хершэ, напісала артыкул з нагоды яе вызвалення:

«Амаль роўна праз 17 месяцаў пасля арышту Наталля Хершэ была канчаткова вызвалена 18 лютага і вярнулася ў Швейцарыю.

У аэрапорце Цюрыха Наталлю сустракалі прадстаўнікі праваабарончай арганізацыі Libereco, арганізацыі беларусаў Швейцарыі Razam, Campax і ACAT Switzerland разам з нацыянальным саветнікам Барбарай Гізі з мноствам кветак і шакаладных цукерак.

Мы вельмі рады яе вызваленню і дзякуем усім, хто разам з намі агітаваў за гэта: падпісваў нашы петыцыі, удзельнічаў ў пікетах або дасылаў шматлікія лісты і паштоўкі Наталлі ў турму.

Пасля вяртання ў Швейцарыю мы жадаем Наталлі сіл, каб адолець стрэс ад зняволення і аднавіць здароўе.

Але гэтакама моцна, як мы рады вызваленню Наталлі, мы занепакоеныя тым, што ў беларускіх турмах застаюцца больш за 1000 іншых палітвязняў. Таксама нас трывожыць і цяперашняя пагрозліваая сітуацыяй вакол Беларусі, Украіны і Расіі.

Мы, праваабарончая арганізацыя Libereco, будзем працягваць кампанію за вызваленне ўсіх палітычных зняволеных у Беларусі».

Арыгінал артыкула (на ангельскай мове) на сайце Ліберэка.

Пераклад на беларускую мову: БДПЧ.