Спедцакладчык ААН аб правах чалавека ў Беларусі Анаіс Марын прапануе праваабаронцам дасылаць інфармацыю для справаздачы

Штогод Спецыяльны дакладчык ААН па Беларусі рыхтуе і прэзентуе Генеральнай Асамблеі ААН справаздачу пад назвай «Стан правоў чалавека ў Беларусі». Гэтая справаздача ўтрымлівае абноўленую інфармацыю аб становішчы правоў чалавека ў Беларусі.

МЭТЫ СПРАВАЗДАЧЫ

У справаздачы каротка называюцца галоўныя тэндэнцыі ў сферы правоў чалавека ў Беларусі і прыведзеныя парушэнні правоў чалавека, пра якія вядома Спецыяльнаму дакладчыку. Рашэнне аб згадцы таго ці іншага правапарушэння ў справаздачы прымаецца на падставе прынцыпа “Не нашкодзь” і інфармаванай згоды. У справаздачы гэтага года, апрача агульнай сітуацыі з правамі чалавека, асаблівая ўвага будзе дадзеная правам чалавека жанчын.

КЛЮЧАВЫЯ ПЫТАННІ І ТЫПЫ ІНФАРМАЦЫІ Ў СПРАВАЗДАЧУ

Калі вы дасылаеце індывідуальныя справы, пераканайцеся, што:

• існуе прамая сувязь паміж інцыдэнтам і сітуацыяй з правамі чалавека ў Беларусі, і што індывідуальная справа трапляе пад дзеянне рэзалюцыі 44/19 Рады па правах чалавека;

• была атрыманая згода меркаванай ахвяры ці яе сям’і або законнага прадстаўніка на перадачу інфармацыі (ЗАЎВАГА: інфармацыя па справе таксама можа быць перададзеная УВКПЧ у канфідэнцыйным парадку і толькі для інфармацыі, і ў такім выпадку не будзе далучаная ні да якой справаздачы. Просьба выразна пазначыць гэта ў сваёй заяве).

 Калі вы дасылаеце аналіз, назіранні і каментары па агульных тэндэнцыях і тэматычных пытаннях, прыміце да ўвагі наступнае:

• мадэлі і тэндэнцыі павінныя быць прыведзеныя падчас справаздачнага перыяда, уключна з любымі зменамі ў параўнанні з папярэднімі гадамі (напрыклад, павелічэнне ці змяншэнне колькасці выпадкаў, зарэгістраваных у канкрэтнай супольнасці, ці меры, прынятыя супраць канкрэтнай групы);

• тэматычныя назіранні – у дачыненні, напрыклад, досведа жанчын і мэтавых груп, а таксама асаблівасцяў кантэкста, дзеючых асобаў, тактыкі і матывацыі.

ЯК І КУДЫ НАКІРОЎВАЦЬ МАТЭРЫЯЛЫ

Матэрыялы павінныя ўключаць інфармацыю аб агульнай сітуацыі з правамі чалавека ў Беларусі, уключна з правамі жанчын, і могуць уключаць інцыдэнты або тэндэнцыі за справаздачны перыяд (да 31 мая) і могуць быць дасланыя да 31 мая па электроннай пошце ці іншых абароненых каналах сувязі, даступных па запыце. Калі матэрыялы будуць дасланыя пасля 31 мая, інфармацыя можа быць выкарыстаная для справаздачы за наступны год.

Электронная пошта: sr-belarus@ohchr.org (іншыя бяспечныя каналы даступныя па запыце)

Тэма электроннага ліста: “Уваходныя звесткі для справаздачы СД”

Фармат файлаў:Word

Мовы: англійская, руская, беларуская

Апрацоўка атрыманых матэрыялаў:  матэрыялы будуць апрацоўвацца, а сцвярджэнни правярацца ў адпаведнасці з метадалогіяй УВКП па маніторынгу правоў чалавека і справаздачнасці. Справаздача Спецыяльнага дакладчыка па сітуацыі з правамі чалавека ў Беларусі будзе прэзентаваная і абмеркаваная падчас кастрычніцкай 2021 года сэсіі Генеральнай асамблеі ААН.

Больш інфармацыі на старонцы спецдакладчыка на сайце ААН