БАЖ праводзіць апытанне аўдыторыі: прайдзіце яго і дапамажыце арганізацыі стаць лепш!

Беларуская асацыяцыя журналістаў запусціла апытанне аўдыторыі, якое дапаможа камандзе лепш разумець патрэбы чытачоў у Беларусі і за мяжой. Гэтае апытанне не збірае кантактныя дадзеныя карыстальнікаў, а яго вынікі будуць скарыстаныя для паляпшэння прадуктаў БАЖ.

Чаму мы гэта робім?

БАЖ з'яўляецца настаўнікам, сябрам і памочнікам для беларускай супольнасці журналістаў. Мы працуем ужо 27 гадоў, дапамагаючы рынку развівацца, журналістам прафесійна расці, абараняем іх і даем магчымасці для працягу дзейнасці ў краіне і за яе межамі.

Але каб быць карыснымі і цікавымі тым, хто з намі даўно, і тым, хто нас яшчэ не ведае, нам важна разумець вашыя патрэбы, мэты, сумневы і звычкі. Гэта дапаможа нам адаптаваць нашыя прадукты і кантэнт, удасканаліць іх і стаць карысным інструментам і плацдармам для развіцця беларускай незалежнай журналістыкі.

ПРАЙСЦІ АНАНІМНАЕ АПЫТАННЕ

Якія дадзеныя мы збіраем?

Нашае апытанне прадугледжвае ўсе нюансы захавання канфідэнцыйнасці для бяспекі аўдыторыі. Таму мы не просім указваць ваша імя, а таксама па жаданні вы можаце не пісаць месцазнаходжанне.

У нашай анкеце ёсць пытанні пра звычкі медыяспажывання, страхі і жаданні і крыху пытанняў аб тым, што вы пра нас думаеце!

Рэдакцыя заклікае аўдыторыю дзяліцца гэтым апытаннем з калегамі, каб мы пачулі кожнага.

ПРАЙСЦІ АНАНІМНАЕ АПЫТАННЕ