Беларускія праваабаронцы раскажуць пра парушэньні правоў чалавека ў Беларусі ў Радзе па правах чалавека ААН

5 ліпеня 2023 года Фонд Дамоў правоў чалавека правядзе паралельнае мерапрыемства на 53-й сесіі Рады ААН па правах чалавека, прысвечанае сітуацыі з правамі чалавека ў Беларусі. Мерапрыемства арганізаванае пры фінансавай падтрымцы Еўрапейскага Звязу і праводзіцца пры ўдзеле беларускіх і міжнародных арганізацый грамадзянскай супольнасці, а таксама шэрагу дзяржаўных місій пры ААН у Жэневе.

У сваім папярэднім дакладзе Радзе па правах чалавека на 50-й сесіі Спецыяльны дакладчык ААН па сітуацыі з правамі чалавека ў Беларусі прыйшла да высновы, што "палітыка сістэматычнага пераследу, запалохвання, пераследу і выкарыстання крымінальных і адміністрацыйных абвінавачанняў, якая праводзіцца ўрадам у спробе здушыць грамадзянскую актыўнасць, свабоду СМІ і ўдзел у грамадскіх справах прывяла да фактычнага знішчэння грамадзянскай супольнасці, а канстытуцыйная рэформа не вырашае надзённых праблем".

За год, які прайшоў пасля выхаду апошняга даклада Спецдакладчыка, няма ніякіх сведчанняў таго, што Беларусь зрабіла крокі па выкананні якіх-небудзь рэкамендацый, зробленых Спецыяльным дакладчыкам ААН ці мандатам УВКПЧ па выніках вывучэння сітуацыі з правамі чалавека ў Беларусі.

Таксама няма доказаў таго, што Беларусь пачала якія-небудзь іншыя формы ці меры па выпраўленні сітуацыі ў сувязі з шырока распаўсюджанымі парушэннямі правоў чалавека, якія мелі месца ў краіне. Наадварот, сітуацыя яшчэ больш пагоршылася, і Беларусь скараціла нешматлікія міжнародныя магчымасці для аднаўлення парушаных правоў, у прыватнасці, выйшаўшы на пачатку гэтага года з Факультатыўнага пратакола да Міжнароднага пакта аб грамадзянскіх і палітычных правах.

Гэтае паралельнае мерапрыемства ў межах 53-й сесіі Рады па правах чалавека праінфармуе дзяржавы аб сітуацыіз правамі чалавека ў Беларусі, якая пастаянна пагаршаецца,з пункту гледжання грамадзянскай супольнасці, асабліва адносна найбольш сур'ёзных парушэнняў, якія адбываюцца ў краіне, і неабходнасці прыцягнення міжнароднай увагі шляхам працягу і ўмацавання існых мандатаў Рады па правах чалавека.

Арыгінальны артыкул на сайце ФДПЧ (на ангельскай мове).

Пераклад на беларускую мову: БДПЧ