Камітэт абароны журналістаў заклікае да неадкладнага вызвалення журналіста Андрэя Толчына

Міжнародная праваабарончая арганізація Камітэт абароны журналістаў заклікала да неадкладнага вызвалення журналіста Андрэя Толчына, піша БАЖ. 21 сакавіка суддзя Гомельскага абласнога суда Дзмітрый Казлоў прысудзіў беларускаму відэааператару 2,5 гады пазбаўлення волі за спрыянне экстрэмізму і паклёп на Аляксандра Лукашэнку.

Андрэй Толчын. Фота: з асабістага архіва

— 2,5 года пазбаўлення волі, прысуджанае журналісту Андрэю Толчыну па неабгрунтаваным абвінавачанні, з’яўляецца яшчэ адной дэманстрацыяй помслівасці беларускіх уладаў у адносінах да цяперашніх і былых прадстаўнікоў прэсы, такіх як Толчын, за іх незалежнае асвятленне масавых пратэстаў у краіне ў 2020 годзе, — заявіла каардынатар праграм CPJ па Еўропе і Цэнтральнай Азіі Гульноза Саід.

Андрэй Толчын сышоў з журналістыкі ў 2020 годзе. Але гэта не перашкодзіла Гомельскаму суду прызнаць журналіста Андрэя Толчына вінаватым паводле часткі 1 артыкула 361-4 Крымінальнага кодэкса (садзейнічанне экстрэмісцкай дзейнасці) і часткі 2 артыкула 367 КК (паклёп на прэзідэнта Рэспублікі Беларусь). 

— Беларускія ўлады павінны неадкладна зняць усе абвінавачанні з Толчына і вызваліць яго разам з усімі іншымі зняволенымі журналістамі, — падкрэсліла спадарыня Саід.

На сёньня за кратамі знаходзяцца 34 прадстаўнікі беларускіх медыя.

Пераклад на беларускую мову: БАЖ