КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі

20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі

Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие". Аб прынятым рашэнні (справа №3095/2018) апавешчаны праваабаронца Леанід Судаленка, які абараняе права жыхара Гомля на выказванне свайго меркавання.

Правозащитник Леонид Судаленко и Павел Каторжевский на суде в 2017 году. Фото: БЕЛАПАНПраваабаронца Леанід Судаленка і Павел Катаржэўскі на судзе ў 2017 годзе. Фота: БЕЛАПАН

У 2017 годзе 21-гадовага гамельчука Паўла Катаржэўскага абвінавацілі ў "распаўсюдзе экстрэмісцкіх матэрыялаў" згодна з арт. 19.11 КаАП (на момант вынясення пастановы — арт. 17.11 КаАП). На сваёй старонцы ў сацсетцы "Вконтакте" ён перапосціў матэрыял з групы "Революционное действие" пра школьнікаў, якіх прымушаюць удзельнічаць у патрыятычных мерапрыемствах, а тых, хто адмаўляецца прымушаюць пісаць тлумачальныя з прызнаннем непавагі да ветэранаў Вялікай Айчыннай вайны. Рэпост ён зрабіў у лістападзе 2016 года, літаральна праз пару дзён пасля таго, як групу "Революционное действие" ўключылі ў спіс экстрэмісцкіх матэрыялаў.

Суддзя Цэнтральнага раёна Гомля Алеся Осіпава тады прызначыла яму вялікі штраф. Яго патрабаванне аб правядзенні лінгвістычнай экспертызы распаўсюджанага матэрыялу на прадмет экстрэмізму суд першай інстанцыі, а следам Гомельскі абласны суд, пакінулі без задавальнення.

Як распавядае праваабаронца Леанід Судаленка, у гэтай справе міжнародныя эксперты прыйшлі да высновы, што распаўсюджаны артыкул "Ідыятызм ды ілжывы гонар ахвярам вайны ў сталічнай гімназіі" не прайшоў ацэнкі індывідуальнага характару з пункту гледжання абмежавання права аўтара на выказванне свайго меркавання. Камітэт па правах чалавека заявіў, што судовыя рашэнні па справе носяць агульныя фармулёўкі аб барацьбе з экстрэмізмам, аднак не ўтрымліваюць абвінавачванняў індывідуальнага характару, што прама супярэчыць дапушчальным абмежаванням з пункту гледжання артыкула 19 Міжнароднага пакта аб грамадзянскіх і палітычных правах.

Леанід Судаленка адзначае, што ў Беларусі вельмі шырока трактуюць і злоўжываюць паняццем "экстрэмізм".

"Любы, хто крытыкуе ў краіне дзейную ўладу залічваецца ў спіс экстрэмістаў. З прынятага ў Жэневе рашэння мы бачым, тое што ў Беларусі лічыцца экстрэмізмам, у Еўропе называюць правам на выказванне меркавання".

Арыгінальная публікацыя на сайце "Вясны"

See more news

Каринна Москаленко возглавит Группу экспертов ООН по правам человека в Беларуси
25 June 2024, 8:34 AM
Каринна Москаленко возглавит Группу экспертов ООН по правам человека в Беларуси
Правозащитницы Каринна Москаленко из России, Сьюзан Базилли из Канады и Моника Станислава Платек из Польши займутся мониторингом ситуации в области прав человека в Беларуси.
Комитет ООН: пытки – «систематическая практика» в Беларуси
19 June 2024, 11:33 AM
Комитет ООН: пытки – «систематическая практика» в Беларуси
Об этом говорится в ежегодном докладе Комитета ООН против пыток.
Human Rights Watch апублікавала даклад аб «беспрэцэдэнтных рэпрэсіях» супраць беларускіх адвакатаў, пад якія трапіла 140 асоб
19 June 2024, 11:16 AM
Human Rights Watch апублікавала даклад аб «беспрэцэдэнтных рэпрэсіях» супраць беларускіх адвакатаў, пад якія трапіла 140 асоб
Міжнародная арганізацыя Human Rights Watch апублікавала даклад аб рэпрэсіях супраць беларускіх адвакатаў. Ён ахоплівае пэрыяд з 2020 году.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці