«Народ Беларусі заслугоўвае дэмакратычнай дзяржавы». У АБСЕ заклікалі да свабодных выбараў у Беларусі

17 November 2023, 4:55 PM
«Народ Беларусі заслугоўвае дэмакратычнай дзяржавы». У АБСЕ заклікалі да свабодных выбараў у Беларусі

Вялікабрытанія, Канада ды іншыя краіны 16 лістапада выступілі з заявай у адрас Пастаяннай рады АБСЕ аб сітуацыі з правамі чалавека ў Беларусі. Яна была прымеркаваная да Міжнароднага дня салідарнасці з Беларуссю, які адзначаўся 12 лістапада. Заяву зачытала амбасадарка Канады ў Вялікабрытаніі Джослін Кінэр. Яна выступіла ад імя сваёй краіны, а таксама Вялікабрытаніі, Ісландыі, Ліхтэнштэйна, Нарвегіі і Швейцарыі, што заклікалі да свабодных выбараў і неадкладнага вызвалення ўсіх палітычных зняволеных.

"Вясна" публікуе гэтую заяву ў перакладзе на беларускую мову.

У сваёй прамове Джослін Кінэр нагадала, што ў Беларусі ўжо больш за тры гады працягваюцца рэпрэсіі супраць грамадзянскай супольнасці, незалежных СМІ, праваабаронцаў, не менш за 1 500 чалавек знаходзяцца за кратамі па палітычных матывах.

Прынятае ўладамі заканадаўства яшчэ больш абмежавала палітычныя правы, свабоду сходаў, аб'яднанняў і выказвання меркаванняў, а таксама пашырыла ўжыванне смяротнага пакарання, дадала яна.

Да таго ж у лютым 2022 года Расея выкарыстала тэрыторыю Беларусі ў якасці плацдарма для ўварвання ва Украіну, а беларускі рэжым праводзіць рэпрэсіі ў дачыненні да тых, хто выказвае сваю нязгоду з вайной або падтрымку ўкраінскаму народу, гаворыцца ў заяве.

"Ніводнае з гэтых палітычных рашэнняў, падобна, не ўлічвае жадання ці інтарэсы беларускага народа. Народ Беларусі заслугоўвае ўласнай незалежнай, дэмакратычнай дзяржавы, вольнай ад умяшання і падпарадкавання Расеі", — сцвярджаюць аўтары.

Яны нагадалі, што парламенцкія выбары ў Беларусі прызначаныя на 25 лютага 2024 года, а наступныя прэзідэнцкія выбары адбудуцца ў 2025 годзе.

"Мы заклікаем да правядзення свабодных і справядлівых выбараў у Беларусі без умяшання, запалохвання і страху пераследу, у поўнай адпаведнасці з міжнароднымі стандартамі. Неабходна паважаць свабоду выказвання меркаванняў і аб'яднанняў, у тым ліку незалежных СМІ і палітычных партый. Усе патэнцыйныя кандыдаты павінны мець магчымасць балатавацца, не асцерагаючыся арышту або рэпрэсій. Неабходна запрасіць міжнародных назіральнікаў. Грамадзянскай супольнасці павінна быць дадзеная магчымасць граць сваю ролю па прыцягненню да адказнасці ўрадаў і палітычных дзеячаў", — гаворыцца ў заяве.

Аўтары таксама заклікалі да неадкладнага вызвалення палітвязняў, спынення парушэнняў правоў чалавека і дыялогу, "які паважае волю і правы чалавека". Яны заявілі, што "цвёрда салідарныя з народам Беларусі і будуць працягваць заклікаць Беларусь да выканання сваіх абавязацальніцтваў у рамках АБСЕ і выканання сваіх міжнародных абавязальніцтваў, уключна з абаронай правоў чалавека і дэмакратычных свабодаў свайго народа".

Публікуецца паводле сайту "Вясны"

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці