ПЭН Амерыка, Беларускі ПЭН, ПЭН Арменія і ПЭН Масква робяць супольную заяву ў Міжнародны дзень пісьменнікаў за мір.

03 March 2023, 3:37 PM
ПЭН Амерыка, Беларускі ПЭН, ПЭН Арменія і ПЭН Масква робяць супольную заяву ў Міжнародны дзень пісьменнікаў за мір.

ПЭН Амерыка, Беларускі ПЭН, ПЭН Арменія і ПЭН Масква робяць сумесную заяву ў Міжнародны дзень пісьменнікаў за мір.  

У адказ на навіну, што беларускі пісьменнік Алесь Бяляцкі асуджаны на 10 гадоў калоніі ўзмоцненага рэжыму, ПЭН Беларусь, ПЭН Арменія, ПЭН Масква і ПЭН Амерыка асуджаюць рашэнне Мінскага гарадскога суда і заклікаюць неадкладна і безумоўна вызваліць Бяляцкага. Чатыры ПЭН-цэнтры выступілі з заявай на канферэнцыі ў Ерэване ў гонар Міжнароднага дня пісьменнікаў за мір (3 сакавіка). Іх заява – гэта гучны заклік да пісьменнікаў усяго свету патрабаваць міру ў часы разбуральнай вайны і ўціску.
У сумеснай заяве гаворыцца:
«Мы, пісьменнікі і праваабаронцы з сеткі ПЭН-цэнтраў, сумесна асуджаем палітычна матываваны судовы працэс над Алесем Бяляцкім. Сёння, 3 сакавіка 2023 года, Бяляцкі мусіў бы адзначаць Міжнародны дзень пісьменнікаў за мір са сваімі калегамі з ПЭН-цэнтраў. Замест гэтага ён быў асуджаны на 10 гадоў зняволення за адданасць абароне правоў чалавека ў Беларусі
У той час як сябры ПЭН-цэнтраў упершыню збіраюцца на гэты гістарычны сход у Ерэване ў духу культурнага абмену і ўзаемаразумення, зняволенне Бяляцкага з’яўляецца яркім прыкладам той самай несправядлівасці, якой мы разам супрацьстаім. Творчасць Бяляцкага, літаратурнага дзеяча, які ачольвае адну з найважнейшых праваабарончых арганізацый Беларусі, увасабляе прынцыпы Міжнароднага дня пісьменнікаў за мір: свабоду выяўлення меркавання, літаратуру і мір.
Бяляцкі – адзін з незлічонай колькасці беларусаў, якія трапілі ў турму пасля таго, як сфальсіфікаваныя выбары Аляксандра Лукашэнкі падштурхнулі ўрад да задушэння іншадумства. Сённяшні прысуд сведчыць, што ў Беларусі ўлады абараняюць дыктатуру Лукашэнкі, абвяшчаючы абарону правоў чалавека крымінальным злачынствам. Мы адмаўляем кожны крок крымінальнага пераследу Бяляцкага і заклікаем неадкладна і безумоўна яго вызваліць. Мы асуджаем арышты і турэмнае зняволенне ўсіх пісьменнікаў ва ўсім свеце. Мы заклікаем пісьменнікаў усяго свету разам з намі ўшанаваць Міжнародны дзень пісьменнікаў за мір, бо ў часы вайны мы яднаем свае галасы ў падтрымку міру».

Алесь Бяляцкі – пісьменнік, заснавальнік праваабарончай арганізацыі «Вясна» і сябар ПЭН Беларусь. У ліпені 2021 года яго арыштавалі паводле палітычна матываванага абвінавачання ва «ўхіленні ад аплаты падаткаў». Абвінавачанне патрабавала 12 гадоў турэмнага зняволення, і ў выніку 3 сакавіка 2023 года Бяляцкі быў асуджаны на 10 гадоў зняволення. Чакаецца, што яго прысуд вынесуць 3 сакавіка 2023 года. Бяляцкі – адзін з трох лаўрэатаў Нобелеўскай прэміі міру 2022 года. Ён быў адзначаны разам з расійскай праваабарончай арганізацыяй «Мемарыял» і ўкраінскай праваабарончай арганізацыяй «Цэнтр грамадзянскіх свабод». Лаўрэаты разам паказваюць важнасць грамадзянскай супольнасці ў прасоўванні міру.

Міжнародны дзень пісьменнікаў за мір адзначаецца штогод 3 сакавіка, яднаючы галасы пісьменнікаў, якія патрабуюць міру ад тых, хто мае ўладу весці вайну. Сёлета ПЭН Амерыка, ПЭН Арменія, ПЭН Беларусь і ПЭН Масква ўпершыню сабраліся асабіста, каб ушанаваць Міжнародны дзень пісьменнікаў за мір у Ерэване (Арменія). Гэты дзень, як і камітэт «Пісьменнікі за мір», быў заснаваны на кангрэсе ПЭН-цэнтраў у Токіа ў 1984 годзе.

Арыгінальны артыкул на сайце Беларускага ПЭНу

See more news

Заява праваабарончай супольнасці. Патрабуем рэабілітацыі асуджаных удзельнікаў мірных сходаў
18 September 2023, 9:56 AM
Заява праваабарончай супольнасці. Патрабуем рэабілітацыі асуджаных удзельнікаў мірных сходаў
Нам вядомыя імёны і абставіны справаў людзей, якія ў пакаранне за ажыццяўленне права на мірныя сходы былі пазбаўленыя волі: заключаны пад варту, асуджаныя да пазбаўлення або абмежавання волі, арышту, а да цяперашняга часу вызваленыя без рэабілітацыі і кампенсацыі нанесенай шкоды.
Заява праваабаронцаў Беларусі аб прызнанні дзесяці палітычных зняволеных (Дзмітрый Макееў і іншыя)
11 September 2023, 9:42 AM
Заява праваабаронцаў Беларусі аб прызнанні дзесяці палітычных зняволеных (Дзмітрый Макееў і іншыя)
Мы патрабуем ад уладаў Беларусі неадкладна вызваліць палітвязняў Дзмітрыя Макеева, Антона Хадкевіча, Дзмітрыя Гудзеева, Арцёма Караткевіча, Валянціна Штэрмера, Антона Шыбута, Руслана Рабкаўца, Вольгу Брыцікаву, Аляксандра Кухарэнку і Аляксандра Балонкіна, неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.
Заява праваабаронцаў Беларусі аб прызнанні 15 новых палітычных зняволеных (Юрый Ташкінаў і іншыя)
11 September 2023, 9:32 AM
Заява праваабаронцаў Беларусі аб прызнанні 15 новых палітычных зняволеных (Юрый Ташкінаў і іншыя)
Мы, прадстаўнікі беларускай праваабарончай супольнасці, заяўляем аб прызнанні палітычнымі зняволенымі Юрыя Ташкінава, Аляксандра Скатарэнкі, Сяргея Нікіціна, Міхаіла Мякекі, Ганны Скрыган, Анатоля Сашунова, Івана Янчука, Жанны Волкавай, Веранікі Ніколкінай, Сяргея Леанюка, Андрэя Паротнікава, Максіма Лапаціна, Андрэя Лапаціна, Сяргея Кострыжа, Вадзіма Пацэнкі.
Заява праваабаронцаў Беларусі аб прызнанні 10 палітычных зняволеных (Аляксей Аўдзееў і іншыя)
04 September 2023, 11:04 AM
Заява праваабаронцаў Беларусі аб прызнанні 10 палітычных зняволеных (Аляксей Аўдзееў і іншыя)
Мы патрабуем ад уладаў Беларусі неадкладна вызваліць Аляксея Аўдзеева, Дзяніса Хахлова, Надзею Старавойтаву, Вольгу Новікаву, Міхаіла Тумчонка, Кірыла Камарова, Вячаслава Янюка, Андрэя Шэшко, Аляксандра Пімашэнку, Сафію Багавец і спыніць іх крымінальны пераслед.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці