«Рэйкавая вайна» ў Беларусі: што вядома праваабаронцам

14 March 2022, 10:31 AM
«Рэйкавая вайна» ў Беларусі: што вядома праваабаронцам

Пасля нападу Расіі на Украіну па ўсёй беларускай чыгунцы адбываюцца шматлікія акты сабатажу, каб запаволіць рух цягнікоў.

Так, 28 лютага на лініі Жлобін – Калінкавічы (пабудаванай ў Першую Сусветную вайну для вайсковых эшэлонаў у бок Украіны), на перагоне Астанкавічы – Жэрдзь «рэйкавыя партызаны» спалілі рэлейную шафу сігналізацыі, цэнтралізацыі і блакавання. У выніку светлафоры і стрэлкі на гэтым участку перасталі працаваць.

Частку пашкоджанага абсталявання немагчыма адрамантаваць.

«Рэйкавая вайна» адбываецца таемна, і пра акты сабатажу праваабаронцы даведваюцца ад сілавікоў, якія затрымліваюць людзей па падазрэнні ў «партызанцы». Сілавікі здымаюць з некаторымі «пакаяльныя» відэа, дзе бачна, што людзі моцна збітыя.

dzikun_92.png

На фота - Дзяніс Дзікун. У праўладных тэлеграм-каналах з'явілася "пакаяльнае відэа" з яго ўдзелам. На відэа ён кажа, што па ўказанні ByPOL падпаліў яшчэ з двума чалавекамі 28 лютага шафу сігнальнай устаноўкі на станцыі "Жэрдзь-Астанковічы".

Сёння праваабаронцам вядома пра восем затрыманых чалавек па «рэйкавых» справах. Некаторых абвінавачваюць у тэрарызме (арт. 289 КК РБ) , ім пагражае да 20 гадоў турмы.

Праваабаронцы «Вясны» сабралі ўсё, што вядома пра затрыманых па «рэйкавай вайне», ў адзін артыкул.

"Вось што засталося ад шафы ЦСБ пасля дыверсіі на прыпынку Сінява каля станцыі Стоўбцы, Баранавіцкае аддзяленне Белчыгункі" - напісана ў ТГ-канале "Live. Сообщество железнодорожников Беларуси".

Пра «рэйкавую вайну» таксама распавядае  BYpol (аб’яднанне сілавікоў Беларусі, апазіцыйных рэжыму Аляксандра Лукашэнкі). BYpol узяў на сябе адказнасць за акты сабатажу:

«Знішчаныя шляхам падпалу дзьве шафы кіравання сігналізацыяй, цэнтралізацыяй і блакіроўкай на ўчастках Баранавіцкага і Гомельскага аддзяленняў Белчыгункі, чым парушаная работа светлафораў і стрэлачных пераводаў і заблакаваны рух. Таксама на магілёўскім участку закарацілі рэйкавыя ланцугі.

У выніку гэтых і папярэдніх паспяховых акцый – Расейская чыгунка забараніла рух сваіх саставаў, у тым ліку, ваенных эшэлонаў, па Беларусі ўночы. А беларускія машыністы масава адмаўляюцца ад кіравання лакаматывамі і выездаў на перагоны».

Байпол заяўляе, што акцыі здзейсненыя ў знак салідарнасці з украінскім народам і з мэтай дапамагчы ў вайне супраць расейкага агрэсара.

See more news

Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
15 February 2024, 4:44 PM
Распавядае «Вясна»: Мінімум 65 чалавек судзяць за атрыманне «замежнай дапамогі» праз INeedHelpBY
"Вясна" распавядае пра вынікі пераследу беларусаў за прадукты для сем'яў палітзняволеных.
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
15 February 2024, 4:41 PM
Запрашаем на канферэнцыю. Штрафны ізалятар, карцар, ПКТ: інструмент выпраўлення ці знявагі?
“Пакаранне ў зняволенні: інструмент выпраўлення ці знявагі? Міжнароднае і нацыянальнае права і практыка” – канферэнцыю на гэтую тэму праводзіць 20 лютага ў Вільні праваабарончая ўстанова “Лекары за праўду і справядлівасць”.
«Не будзе АБСЕ, ну дык што?» Хто будзе назіраць за выбарамі* ад місіі СНД
15 February 2024, 4:33 PM
«Не будзе АБСЕ, ну дык што?» Хто будзе назіраць за выбарамі* ад місіі СНД
Ужо на наступным тыдні пройдзе адзіны дзень галасавання, падчас якога прапануюць выбраць дэпутатаў у парламент і мясцовыя саветы.
Аналітычны агляд БХК. «Для парушэнняў правоў чалавека ствараецца законная рамка»
15 February 2024, 4:25 PM
Аналітычны агляд БХК. «Для парушэнняў правоў чалавека ствараецца законная рамка»
Беларускі Хельсінкскі Камітэт падрыхтаваў агляд найбольш значных зменаў у беларускай дзяржаўнай палітыцы ў галіне правоў чалавека і рэакцыях на яе з боку міжнароднай супольнасці. Аналітыка дапамагае лепш зразумець трэнды ў галіне правоў чалавека, дае магчымасць адсочваць сістэмныя і якасныя змены сітуацыі, пашырыць правачалавечны фокус аналітыкі ў сумежных галінах.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці