Трое дэпутатаў нямецкага Бундэстага сталі «хроснымі» Данііла Чаўнакова, Аляксандра Балонкіна і Генадзя Драздова

07 March 2024, 11:57 AM
Трое дэпутатаў нямецкага Бундэстага сталі «хроснымі» Данііла Чаўнакова, Аляксандра Балонкіна і Генадзя Драздова

У межах кампаніі салідарнасці #WeStandBYyou Оттмар фон Хольц ("Саюз 90/Зялёныя"), Луіза Ліцына-Бодэ (Сацыял-дэмакратычная партыя Германіі) і Міхаэль Захер ("Саюз 90/Зялёныя") сталі "хроснымі" беларускіх палітвязняў.

Данііл Чаўнакоў быў сябрам Свабоднага прафсаюза металістаў Мінскага аўтамабільнага завода (МАЗ). Ён быў арыштаваны 17 лістапада 2021 года за "парушэнне грамадскага парадку" па артыкуле 342. Пашыраныя абвінавачванні супраць Данііла таксама ўключалі "стварэнне экстрэмісцкага фарміравання або ўдзел у ім" (артыкул 361-1) і "стварэнне пагрозы нацыянальнай бяспецы" (артыкул 361). Суддзя прызнала Данііла вінаватым па ўсіх пунктах абвінавачвання і прысудзіла яму 5 гадоў пазбаўлення волі ў папраўчай калоніі.

ottmar-von-holtz.jpegОттмар фон Хольц

Оттмар фон Хольц, член фракцыі "Саюз 90 / Зялёныя" ў нямецкім Бундэстагу, ужо ў трэці раз стаў "хросным". Ён каментуе сваю падтрымку Данііла Чаўнакова наступным чынам:

"На працягу многіх гадоў беларусы смела выходзілі на вуліцы, выказвалі сваё меркаванне, спявалі або пісалі, каб дамагчыся дэмакратыі, свабоды і захавання правоў чалавека ў сваёй краіне. Гэтыя людзі ўсведамляюць высокія рызыкі, на які яны ідуць, займаючыся сваёй справай, і яны мяне глыбока ўражваюць. Данііл Чаўнакоў супраціўляўся несправядлівай дыктатуры Лукашэнкі і апынуўся за кратамі праз самавольства сістэмы правасуддзя; ён заслугоўвае маёй поўнай салідарнасці і прызнання. Мы, дэмакраты, павінны трымацца разам, клапаціцца адзін пра аднаго і падтрымліваць адзін аднаго. Вось чаму, як дэпутат нямецкага Бундэстага, я бяру на сябе абавязкі "хроснага" Данііла Чаўнакова. Свабода выказвання меркаванняў з'яўляецца адным з краевугольных камянёў дэмакратыі і вяршэнства закона; яе ажыццяўленне не з'яўляецца злачынствам. Я заклікаю да неадкладнага і безумоўнага вызвалення Данііла Чаўнакова і ўсіх іншых палітычных зняволеных у Беларусі".

Аляксандр Балонкін знаходзіцца пад вартай з 11 жніўня 2023 года. Ён працаваў інжынерам-канструктарам на Беларускім дзяржаўным нафтаперапрацоўчым заводзе "Нафтан". Аляксандр быў намеснікам старшыні незалежнага прафсаюза работнікаў "Нафтана" і быў арыштаваны разам з іншымі членамі прафсаюза. Арышт быў заснаваны на абвінавачванні ў "стварэнні пагрозы нацыянальнай бяспецы" (артыкул 361).

luiza-licina-bode-632x843.jpgЛуіза Ліцына-Бодэ

Луіза Ліцына-Бодэ — дэпутатка Бундэстага ад СДПГ, членка камітэта па прававых пытаннях і прафсаюзная дзяячка. Лёс зняволеных прафсаюзных актывістаў ёй асабліва блізкі. Менавіта таму яна ўзяла на сябе абавязкі "хроснай" Аляксандра Балонкіна. Яна заяўляе:

"Сітуацыя з грамадзянскай супольнасцю ў Беларусі значна пагоршылася пасля сфальсіфікаваных прэзідэнцкіх выбараў. Для дэмакратычнага руху, для незалежных СМІ, для праваабарончых арганізацый. Але найперш для незалежных прафсаюзаў. Многія з іх былі гвалтоўна ліквідаваныя, іх лідэры адвольна арыштаваныя і асуджаныя ў ходзе паказальных працэсаў. Так адбылося і з Аляксандрам Балонкіным. Як сацыял-дэмакратцы, для мяне асабліва важна падтрымліваць свабодныя і незалежныя прафсаюзы. Яны з'яўляюцца гарантамі справядлівых умоў працы і заработнай платы. І яны з'яўляюцца неад'емнай часткай дэмакратычнага руху ў Беларусі! Вось чаму мы павінны змагацца за тое, каб незалежная прафсаюзная праца зноў стала магчымай. Вось чаму я выступаю за неадкладнае вызваленне Аляксандра і яго таварышаў. Аляксандру, прафсаюзу "Нафтан" і беларускаму прафсаюзнаму руху я кажу #WeStandBYyou, мы з вамі!"

Генадзь Драздоў — мастак і былы лідар Асацыяцыі мастакоў "Пагоня". Генадзь быў арыштаваны 10 жніўня 2022 года і прысуджаны да 3 гадоў турэмнага зняволення за "садзейнічанне экстрэмісцкай дзейнасці" (артыкул 361-4). У папярэднія гады Генадзь таксама падвяргаўся палітычным пераследам. У 2012 годзе ён быў арыштаваны і атрымаў буйны штраф у сувязі з мастацкай акцыяй праведзенай разам з Алесем Пушкіным, які памёр у зняволенні ў 2023 годзе.

michael-sacher-2-632x474.jpgМіхаэль Захер

Міхаэль Захер з'яўляецца дэпутатам Бундэстага ад партыі "Саюз 90/Зялёныя" і намеснікам члена Камітэта па культуры і СМІ. Сваё рашэнне стаць "хросным" Генадзя Драздова ён тлумачыць так:

"Я глыбока занепакоены становішчам беларускай апазіцыі і адчуваю вялікую павагу да ўсіх тых, хто адкрыта выступае супраць рэжыму Лукашэнкі. Генадзь Драздоў —адзін з іх. Як мастак і былы лідар групы мастакоў "Пагоня", ён ужо шмат гадоў выкарыстоўвае мастацтва для прасоўвання адкрытага грамадства і крытычнай пазіцыі ў дачыненні да рэжыму. Ён таксама браў удзел у акцыях пратэсту супраць пераабрання Лукашэнкі ў 2020 годзе. Арыштаваны ў жніўні 2022 года, ён быў прысуджаны да трох гадоў пазбаўлення волі за "садзейнічанне экстрэмісцкай дзейнасці". Умовы ўтрымання ў турмах бесчалавечныя. Некаторых зняволеных ужо няма ў жывых. Я бяру на сябе абавязкі "хроснага" Генадзя Драздова і патрабую яго неадкладнага вызвалення, а таксама вызвалення ўсіх іншых палітвязняў".

Пераклад на беларускую мову: сайт "Вясны"

See more news

Праваабаронца Наталля Сацункевіч: «Задача грамадскіх назіральнікаў — прымусіць сістэму выконваць правілы»
15 April 2024, 12:44 PM
Праваабаронца Наталля Сацункевіч: «Задача грамадскіх назіральнікаў — прымусіць сістэму выконваць правілы»
Беларуская прапаганда спрабуе ачарніць і крыміналізаваць грамадскі кантроль: у прыватнасці, назіранні за выбарамі і судамі. Разам з праваабаронцай "Вясны" Наталляй Сацункевіч разбіраемся, чаму гэта — не проста цалкам законнае права, але і абавязак жыхароў краіны.
Агляд «Вясны». Сітуацыя з правамі чалавека ў Беларусі. Сакавік 2024 года
15 April 2024, 11:37 AM
Агляд «Вясны». Сітуацыя з правамі чалавека ў Беларусі. Сакавік 2024 года
Савет па правах чалавека ААН сёлета 15 сакавіка апублікаваў даклад аб становішчы ў галіне правоў чалавека ў Беларусі напярэдадні прэзідэнцкіх выбараў 2020 года і пасля іх.
Агляд «Вясны». Мінімум 416 судоў: вынікі адміністратыўнага пераследу ў сакавіку 2024 года
15 April 2024, 11:31 AM
Агляд «Вясны». Мінімум 416 судоў: вынікі адміністратыўнага пераследу ў сакавіку 2024 года
Па ўсёй Беларусі штодзённа працягваюцца жорсткія затрыманні беларусаў, большасць з якіх адпраўляюць за краты паводле адміністрацыйных пратаколаў.
Сімвалічных «хросных» атрымалі палітвязні Кацярына Джыг, Таццяна Курыліна, Алег Завадскі і Юлія Лаптановіч
15 April 2024, 11:13 AM
Сімвалічных «хросных» атрымалі палітвязні Кацярына Джыг, Таццяна Курыліна, Алег Завадскі і Юлія Лаптановіч
У межах кампаніі салідарнасці #Westandbyou Дэвід Лега, Элізабэт Гётцэ, Лукас Мандл і Барбара Гізі сталі "хроснымі" Кацярыны Джыг, Таццяны Курылінай, Алега Завадскага і Юліі Лаптановіч.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці