«Усе формы іншадумства сутыкаюцца з запалохваннем». АБСЕ выступіла з заявай наконт апошняй масавай хвалі рэпрэсій

15 February 2024, 4:21 PM
«Усе формы іншадумства сутыкаюцца з запалохваннем». АБСЕ выступіла з заявай наконт апошняй масавай хвалі рэпрэсій

Сумесную заяву аб сітуацыі ў Беларусі на радзе АБСЕ 8 лютага прадставіла пастаянная прадстаўніца Канады Джоселін Кінер. Яна зроблена ад імя 19 краін — нефармальнай групы сяброў дэмакратычнай Беларусі. Да яе далучыліся яшчэ 13 дзяржаваў. У АБСЕ лічаць, што нядаўняя хваля рэпрэсій у Беларусі ў дачыненні да беларускіх палітвязняў і іх сем'яў звязаная з надыходзячымі выбарамі*. Яны ў чарговы раз заклікалі беларускія ўлады вызваліць палітвязняў і ўзгадаць пра свае міжнародныя абавязальніцтвы, а таксама спыніць падтрымку Расіі ў вайне супраць Украіны.

Ілюстрацыйнае фота spring96.orgІлюстрацыйнае фота spring96.org

У заяве выказаліся наконт апошняй хвалі пераследу супраць былых палітвязняў, якія засталіся ў Беларусі, сем'яў палітвязняў і тых, хто іх падтрымліваў:

"Як і жорсткія паслявыбарчыя рэпрэсіі ў 2020 годзе, гэтыя дзеянні, падобна, накіраваныя на запалохванне народа Беларусі напярэдадні запланаваных на гэты месяц парламенцкіх выбараў".

Аўтары дакумента падкрэслілі цяжкае становішча беларускіх палітвязняў і заклікалі да іх "неадкладнага і безумоўнага вызвалення".

Яны лічаць відавочным, што "ўлады Беларусі не маюць намеру праводзіць сапраўдныя выбары, якія патрабуюцца па абавязацельствах АБСЕ":

"Гэта немагчыма, пакуль усе формы іншадумства ці апазіцыі сутыкаюцца з запалохваннем, пераследам і турэмным зняволеннем. У Беларусі няма свабоды слова, няма свабоды аб'яднанняў і не існуе свабодных і незалежных сродкаў масавай інфармацыі, якія маглі б падзяліцца мноствам ідэй. Немагчыма правесці сапраўдныя дэмакратычныя выбары пры такіх сумных абставінах".

Паводле Джоселін Кінер, "народ Беларусі заслугоўвае лепшага". У заяве заклікаюць беларускія ўлады не аказваць далейшай падтрымкі агрэсіўнай вайне Расіі і цалкам выканаць свае міжнародныя абавязацельствы і абавязацельствы перад АБСЕ, у тым ліку распачаўшы ўсе неабходныя крокі для стварэння ўмоў для свабодных, справядлівых і сапраўды дэмакратычных выбараў.

Публікуецца паводле сайту "Вясны"

See more news

Хакатон па адвакацыі праблемы смяротнага пакарання ў Беларусі
12 May 2024, 2:21 PM
Хакатон па адвакацыі праблемы смяротнага пакарання ў Беларусі
29-31 траўня Правабарончы цэнтр Вясна і Беларускі нацыянальны моладзевы савет "РАДА" ў межах Кампаніі праваабронцы супраць смяротнага пакарання ў Беларусі, разам з Генеральным дырэктаратам па правах чалавека і вяршынстве права Рады Еўропы запрашаюць прыняць удзел у хакатоне ў Вільнюсе, дзе мы зможам распрацаваць ідэі дзеянняў па скасаванні смяротнага пакарання ў Беларусі.
VACANCY AT THE BELARUSIAN HRH: EXECUTIVE DIRECTOR
06 May 2024, 11:45 AM
VACANCY AT THE BELARUSIAN HRH: EXECUTIVE DIRECTOR
BHRH Executive Director is responsible for the planning, development, overall coordination/implementation, and supervision of strategic areas of the BHRH activities; for fundraising, liaising with donors and partners; for overseeing staff and ensuring smooth operations of the organization.
Lawtrend: Мониторинг ситуации со свободой ассоциаций и положением организаций гражданского общества в Беларуси за март 2024 года
30 April 2024, 8:14 AM
Lawtrend: Мониторинг ситуации со свободой ассоциаций и положением организаций гражданского общества в Беларуси за март 2024 года
Ситуация в отношении свободы ассоциаций и положения беларусских НКО в Беларуси остается по-прежнему плохой.
Информационный бюллетень LawtrendMonitor №3, 2024 год
30 April 2024, 8:02 AM
Информационный бюллетень LawtrendMonitor №3, 2024 год
В этом выпуске LawtrendMonitor представлены обзоры ситуации со свободой ассоциаций и положением организаций гражданского общества за 2023 год и за март 2024 года.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці