Як жыве беларуская незалежная журналістыка? Адказвае наместнік старшыні БАЖ Барыс Гарэцкі

25 September 2023, 8:15 AM
Як жыве беларуская незалежная журналістыка? Адказвае наместнік старшыні БАЖ Барыс Гарэцкі

Крыніца: Радыё Рацыя

Намеснік старшыні Беларускай асацыяцыі журналістаў Барыс Гарэцкі распавёў на «Радыё Рацыя» пра беларускую незалежную журналістыку.  Размова пачалася з конкурсу «Вольнае слова», на мінулым тыдні падводзіліся ягоныя вынікі.

Барыс Гарэцкі Фота: БАЖ

РР: Ці прыпыняўся гэты конкурс на часы, крытычныя для беларускай журналістыкі ў 2021 – 2022 гадах?

Барыс Гарэцкі: Адзін год выпаў з конкурсу, бо якраз гэта быў год, калі не зразумела было, што рабіць з “экстрэмізмам”. Калі частка медыя была ўжо “экстрэмісцкімі фармаваннямі”, а другая – не. За 2021 год мы не ўручалі ўзнагародаў.

Зараз гэта былі ўзнагароды за тэкст, напісаны ў 2022 годзе. Сёлета для нас было таксама вялікім выклікам, таму што мы не хочам рабіць конкурс эмігранцкім. Хоць, на жаль, па зразумелых прычынах конкурс будзе дрэйфаваць у гэты бок проста таму, што людзі ўнутры Беларусі пабойваюцца дасылаць матэрыялы на конкурс.

Мы падстрахаваліся, і таму конкурс сёлета праводзіла Еўрапейская федэрацыя журналістаў афіцыйна, каб не быць павязанымі з “экстрэмісцкім фармаваннем”. Але ў любым выпадку, людзі ўнутры краіны пачынаюць менш тэкстаў дасылаць. Можа гэта звязана і з тым, што фізічна журналістаў, працуючых у Беларусі, значна менш, чым у эміграцыі.

Што тычыцца новай хвалі, тых, хто выехаў, тут якраз ёсць рост, ёсць пэўны пазітыў. Конкурс паказаў, што незалежныя медыя працягваюць рабіць класныя тэксты. Адзінае, што зараз мы жывем у час, калі, напэўна, людзі менш схільныя падаваць свае матэрыялы на конкурсы. Але конкурс мусіць захоўвацца як стандарт, як высокі паказчык журналістыкі. І таму мы думаем яго працягваць у наступным годзе разам з Еўрапейскай федэрацыяй журналістаў.

Цалкам гутарку слухайце ТУТ

See more news

Алесь Бяляцкі стаў лаўрэатам прэміі імя Аляхновіча
15 November 2023, 6:58 PM
Алесь Бяляцкі стаў лаўрэатам прэміі імя Аляхновіча
У Міжнародны Дзень пісьменніка ў зняволенні Беларускі ПЭН і "Радыё Свабода" абвясцілі пераможцаў і лаўрэатаў літаратурнай прэміі імя Францішка Аляхновіча за найлепшыя творы, напісаныя аўтарамі, якія былі зняволеныя.
Павел Сапелка: «Чаму няма судовых прысудаў у дачыненні да ўсіх тых, хто мае дачыненне да гібелі абаронцаў дэмакратыі?»
15 November 2023, 11:15 AM
Павел Сапелка: «Чаму няма судовых прысудаў у дачыненні да ўсіх тых, хто мае дачыненне да гібелі абаронцаў дэмакратыі?»
Сёлета лідарка дэмакратычных сіл Святлана Ціханоўская абвясціла 12 лістапада Днём салідарнасці з Беларуссю. З гэтай нагоды выказаўся праваабаронца «Вясны» Павел Сапелка.
Тлумачыць «Вясна»: Лячэнне, прымусовая праца ці ізаляцыя? Сістэму лячэбна-працоўных прафілакторыяў чакаюць вялікія змены
15 November 2023, 10:58 AM
Тлумачыць «Вясна»: Лячэнне, прымусовая праца ці ізаляцыя? Сістэму лячэбна-працоўных прафілакторыяў чакаюць вялікія змены
У студзені 2024 года змяняецца заканадаўства па пытаннях прымусовага лячэння і медыка-сацыяльнай рэадаптацыі грамадзян з алкагольнай і наркатычнай залежнасцямі.
Для даследвання беларускія эксперты просяць былых зняволеных і сваякоў асуджаных прайсці анкетаванне
15 November 2023, 10:52 AM
Для даследвання беларускія эксперты просяць былых зняволеных і сваякоў асуджаных прайсці анкетаванне
Беларускія юрысты, медыкі і псіхолагі аб'ядналіся, каб вывучыць, як функцыянуе турэмная медыцына і псіхалогія ў Беларусі, і якія змены патрэбныя пенітэнцыярнай сістэме, каб правы зняволеных выконваліся і злачыннасць зніжалася. Для даследавання яны просяць дапамогі ў былых зняволеных і сваякоў асуджаных: трэба прайсці анкетаванне.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці