ФДПЧ: «Заклікаем усе дзяржавы зрабіць усё магчымае, каб дапамагчы беларусам, што знаходзяцца ў выгнанні»

08 July 2024, 1:21 PM
ФДПЧ: «Заклікаем усе дзяржавы зрабіць усё магчымае, каб дапамагчы беларусам, што знаходзяцца ў выгнанні»

3 ліпеня 2024 года Фонд Дамоў правоў чалавека" выступіў з заявай на 56-й сесіі Рады ААН па правах чалавека, у якой закрануў сітуацыю, звязаную з працягам замахаў на свабоду асацыяцый, а таксама пераследам беларусаў, вымушаных пакінуць краіну.

Трансляцыя сэсіі. Выступ прадстаўніка ФДПЧ Мэцью Джонса на 02:37:00 (у наладках можна ўключыць расейскую мову).

"Праз тое, што ўладальніца мандата выступае перад Радай у якасці Спецыяльнай дакладчыцы, мы скарыстаемся гэтай магчымасцю, каб падзякаваць яе за нястомную шматгадовую працу, часцяком у вельмі складаных умовах. Яе дадатковыя намаганні па аказанні дапамогі беларусам і беларускам не заўсёды прыцягвалі шырокую грамадскую ўвагу, але з удзячнасцю ўспрымаліся нашымі партнёрамі з беларускай грамадзянскай супольнасці. Нам будзе не хапаць яе на гэтай пасадзе, і мы жадаем ёй усялякіх поспехаў у будучыні.

Мы сур'ёзна занепакоеныя працягам нападаў на свабоду асацыяцый у Беларусі, пра што гаворыцца ў апошнім дакладзе Дакладчыцы. Гісторыя свабоды асацыяцый у Беларусі з моманту здабыцця незалежнасці сведчыць пра тое, што дзяржава знаходзіцца ў стане амаль перманентнай вайны супраць уласнай грамадзянскай супольнасці, якая толькі ўзмацнілася з 2020 года, калі былі ліквідаваныя ўсе праваабарончыя арганізацыі.

Акрамя таго, мы звяртаем увагу Рады на рэпрэсіі з боку Беларусі супраць свайго ўласнага народу, які вымушаны пераязджаць у іншыя краіны. Планаваная ў апошнім месяцы экстрадыцыя беларускага рэжысёра Андрэя Гнёта з Сербіі ў Беларусь, а таксама завочныя судовыя працэсы і прысуды ў дачыненні да праваабаронцы Леаніда Судаленкі і журналісткі Ганны Любаковай — гэта толькі тры прыклады.

Мы заклікаем усе дзяржавы зрабіць усё магчымае, каб дапамагчы беларусам, якія знаходзяцца ў выгнанні.

Мы хочам даведацца ў Спецыяльнай дакладчыцы, якія яе рэкамендацыі Радзе ў падтрымку яе мандата з улікам будучага ўступлення на пасаду яе пераемніка".

Публікуецца паводле сайту "Вясны"

See more news

Кандидаты на мандат Спецдокладчика о ситуации с правами человека в Беларуси
16 July 2024, 8:33 AM
Кандидаты на мандат Спецдокладчика о ситуации с правами человека в Беларуси
Совет по правам человека ООН готовится к назначениям на вакансии независимых экспертов ООН в Совете.
Спецыяльная дакладчыца ААН: «Беларусь небяспечная для тых, хто крытыкуе ўрад»
08 July 2024, 12:49 PM
Спецыяльная дакладчыца ААН: «Беларусь небяспечная для тых, хто крытыкуе ўрад»
Грамадзяне і грамадзянская супольнасць, якія крытыкуюць беларускія ўлады, сутыкаюцца з рэпрэсіямі, што ўзмацняюцца.
БАЖ звярнуўся да спецыяльнай працэдуры ААН па справе праваабаронцы Леаніда Судаленкі
08 July 2024, 12:02 PM
БАЖ звярнуўся да спецыяльнай працэдуры ААН па справе праваабаронцы Леаніда Судаленкі
Прававы цэнтр Беларускай асацыяцыі журналістаў накіраваў звароты да спецдакладчыкаў ААН з нагоды завочнага прысуду да зняволення гомельскаму юрысту і праваабаронцу Леаніду Судаленку.
Падкаст. Камітэт ААН па ліквідацыі дыскрымінацыі жанчын задаволіў скаргу дзвюх беларусак
27 June 2024, 11:46 AM
Падкаст. Камітэт ААН па ліквідацыі дыскрымінацыі жанчын задаволіў скаргу дзвюх беларусак
Пра гэта слухайце ў новым выпуску праваабарончага падкасту "Вясна прыйдзе".

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці