Камітэт ААН прызнаў парушэнне недатыкальнасці прыватнага жыцця праваабаронцы ў Беларусі

20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі

Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах. Ён звяртаўся туды наконт паглыбленых даглядаў на мяжы і існавання "палітычнага спісу" ў памежнікаў у 2015 годзе. Праваабаронца Леанід Судаленка называе прынятае рашэнне КПЧ ААН у адносінах да сябе прэцэдентным.

leanid-sudalenka_freeviasna.jpgЛеанід Судаленка

У 2015 годзе праваабаронца на сваім аўтамабілі вяртаўся з Літвы. На КПП "Каменны Лог" яго машына падверглася дбайнаму ператрусу, яго прымусілі зняць нават штаны і шкарпэткі. Пры гэтым, ні адзін іншы чалавек, які перасякаў тады мяжу, не падвяргаўся падобнаму кантролю.

У гэтым жа годзе Леанід Судаленка ехаў на цягніку з Вільні ў Мінск. У пункце пропуску "Гудагай" пры сканаванні пашпарта памежнік паклікаў свайго начальніка і ўказаў на манітор сканара. Той забраў пашпарт праваабаронцы і сышоў без тлумачэння прычынаў. Па прыбыцці цягніка на станцыю “Маладзечна” каля дзесяці памежнікаў і мытнікаў жорстка схапілі яго пад пахі і ногі і панеслі з цягніка для паглыбленага дагляду.

"Гэта адно з першых рашэнняў Камітэта ААН па правах чалавека датычна недатыкальнасці прыватнага жыцця беларусаў. Я б назваў прынятае рашэнне прэцэдентным, бо яно тычыцца таемнай мадыфікацыі асабістых дадзеных грамадзян у кампутарных сістэмах дзяржаўных органаў", — падкрэсліў Леанід.

У гэтай справе Камітэт ААН прыйшоў да высновы, што кожны чалавек павінен мець права ведаць якія персанальныя дадзеныя і для якіх мэт захоўваюцца ў аўтаматычных базах дадзеных дзяржаўных органаў. Таксама кожны павінен мець магчымасць высветліць, якія дзяржорганы кантралююць ці могуць кантраляваць персанальныя дадзеныя і іх адпаведнасць рэчаіснасці.

Праваабаронца Леанід Судаленка спрабаваў гэта высветліць праз суды ўнутры краіны, падаўшы адпаведныя зыскі супраць памежнага камітэту, але гэта было безвынікова. Пасля гэтага ён звярнуўся ў Камітэі ААН па правах чалавека.

Паводле прынятага рашэння, беларускі ўрад павінен прадаставіць пацярпеламу праваабаронцу эфектыўную прававую абарону, уключна з поўнай кампенсацыяй шкоды і любых выдаткаў, якія ён меў. Беларусь абавязана таксама прыняць меры для папярэджання аналагічных парушэнняў у будучым. Акрамя таго, Беларусі прапанавана цягам 180 дзён падаць у КПЧ ААН інфармацыю пра выкананнерашэння, а таксама распаўсюдзіць інфармацыю пра рашэнне Камітэта на сваіх афіцыйных мовах.

Артыкул з сайту "Вясны"


Калі вы сутыкнуліся з парушэннямі з боку дзяржавы, звяртайцеся па дапамогу з абскарджаннем да юрыдычнай службы "Вясны": Telegram: @zvarot96 і Email: zvarot@spring96.org.

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.
Рашэнне не запрашаць назіральнікаў АБСЕ на выбары супярэчыць міжнародным абавязальніцтвам Беларусі
09 January 2024, 7:58 PM
Рашэнне не запрашаць назіральнікаў АБСЕ на выбары супярэчыць міжнародным абавязальніцтвам Беларусі
У Бюро па дэмакратычных інстытутах і правах чалавека (БДІПЧ) і Парламенцкай асамблеі (ПА) АБСЕ заявілі, што рашэнне беларускіх уладаў не запрашаць назіральнікаў ад АБСЕ на выбары супярэчыць міжнародным абавязацельствам Мінска і інтарэсам народа Беларусі.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці