Названыя фіналісты Прэміі праваабарончай супольнасці Беларусі за 2024 год

Аргкамітэт Прэміі праваабарончай супольнасці за абарону і прасоўванне правоў чалавека апублікаваў спіс намінантаў, якія ўвайшлі ў шорт-ліст у 2024 годзе.

У намінацыі «Праваабронца года-2024» у спіс увайшлі:

• Наста Базар;

• Павел Левінаў;

• Таццяна Нядбай.

У намінацыі «Журналіст(ка) года-2024» вылучаныя:

• Наста Бойка, "Медыязона Беларусь";

• Дзіяна Пінчук, сайт ПЦ "Вясна";

• Фёдар Паўлючэнка, REFORM.news.

У намінацыі «Праваабарончая кампанія/ініцыятыва года-2024» названыя:

• дабрачынны фонд "BYSOL”;

• Ініцыятыва “Палітвязынка”;

• Цэнтр Беларускай Салідарнасці.

У намінацыі «Праваабарончая салідарнасць года-2024», намінаваныя:

• Вольга Брыцікава;

• Максім Знак;

• Ігар Ільяш.

Цырымонія ўзнагароджвання пераможцаў адбудзецца АНЛАЙН 10 снежня 2024 года, пачатак а 16 гадзіне (па Віленскім часе).

Цырымонія традыцыйна пройдзе 10 снежня, у Міжнародны дзень правоў чалавека.

Трансляцыю глядзіце на старонцы Дома ў Фэйсбуку.

Праваабарончая прэмія за дасягненні ў галіне правоў чалавека была заснаваная ў 2008 годзе. Першымі лаўрэатамі сталі праваабаронца Барыс Звозскаў, адвакат Тамара Сідарэнка, журналіст Сямён Печанко. За гады з моманту заснавання прэмія пашырылася і сёння ёсць прэміяй, якой беларуская праваабарончая супольнасць штогод адзначае праваабаронцу года, журналіста года, адваката года (да 2015 г.) і ўпершыню ў 2016 г. – праваабарончую кампанію ці ініцыятыву года - за ўнёсак у абарону і прасоўванне правоў чалавека. Падрабязней пра Прэмію.