Павел Сапелка: «Чаму няма судовых прысудаў у дачыненні да ўсіх тых, хто мае дачыненне да гібелі абаронцаў дэмакратыі?»

15 November 2023, 11:15 AM
Павел Сапелка: «Чаму няма судовых прысудаў у дачыненні да ўсіх тых, хто мае дачыненне да гібелі абаронцаў дэмакратыі?»

Тры гады таму, 12 лістапада 2020 году, пасля жорсткага збіцця памёр жыхар Плошчы Перамен Раман Бандарэнка. Крымінальная справа па факце ягонай смерці прыпыненая, негледзячы на тое, што датычных да інцыдэнту журналістам удалося вылічыць па камерах назірання. Сёлета лідарка дэмакратычных сіл Святлана Ціханоўская абвясціла 12 лістапада Днём салідарнасці з Беларуссю. З гэтай нагоды выказаўся праваабаронца "Вясны" Павел Сапелка.

sapelka_bialiacki.jpgПавел Сапелка і Алесь Бяляцкі. Архіўнае фота spring96.org

"У Дзень салідарнасці з народам Беларусі дэмакратычныя сілы выказваюцца ў падтрымку аднаўлення канстытуцыйных асноваў дзяржавы, у падтрымку тых, хто за сваю цалкам легітымную дзейнасць пазбаўлены волі і ўтрымліваецца ў жорсткіх бесчалавечных умовах, часта без сувязі са знешнім светам. Сярод тых, хто за сваю барацьбу за правы чалавека заплаціў сваёй свабодай – нашы калегі: Алесь Бяляцкі, Уладзімір Лабковіч, Наста Лойка, Валянцін Стэфановіч, Марфа Рабкова, Андрэй Чапюк. У зняволенні знаходзяцца 33 журналісты і супрацоўнікі СМІ.

Мы павінны нагадваць, што адбылося ў гэты дзень: ад рук прыхільнікаў Лукашэнкі, які ўзурпаваў уладу пасля правальных для яго выбараў 2020 года, загінуў Раман Бандарэнка, які стаў на абарону сваіх і нашых агульных ідэалаў, правоў і свабод. На жаль, гэтых дзён, трагічных і трывожных, было нямала: свае жыцці аддалі Аляксандр Тарайкоўскі, Генадзь Шутаў, Вітольд Ашурак, Алесь Пушкін, Мікалай Клімовіч, – і гэта далёка не поўны пералік ахвяр таталітарнай улады.

Менавіта таму, праз тры гады мы задаем уладам пытанні: чаму не пакараныя вінаватыя, чаму няма судовых прысудаў у дачыненні да ўсіх тых, хто мае дачыненне да гібелі абаронцаў дэмакратыі; чаму ўлады схавалі праўду аб катаваннях і жорсткасці сілавікоў у 2020 годзе? Чаму замест вінаватых у гэтых злачынствах у турмах знаходзяцца ці ўжо адбылі свой тэрмін тысячы барацьбітаў за свабоду і правы чалавека?"

Арыгінальная публікацыя на сайце "Вясны"

See more news

Прымусовая праца: як беларускі ўрад (не)выконвае міжнародныя абавязальніцтвы
28 May 2024, 7:05 AM
Прымусовая праца: як беларускі ўрад (не)выконвае міжнародныя абавязальніцтвы
З праваабаронцам "Вясны" Алегам Мацкевічам разбіраемся, што такое прымусовая праца.
Усебеларускі народны сход – форма (не)рэалізацыі права браць удзел у вядзенні дзяржаўных спраў
27 May 2024, 1:23 PM
Усебеларускі народны сход – форма (не)рэалізацыі права браць удзел у вядзенні дзяржаўных спраў
Кампанія "Праваабаронцы за свабодныя выбары", якая вядзецца Беларускім Хельсінскім камітэтам і Праваабарончым цэнтрам "Вясна", прааналізавала Усебеларускі народны сход (УНС).
Нарвежскі ПЭН прыняў у ганаровыя сябры Алеся Бяляцкага
27 May 2024, 1:10 PM
Нарвежскі ПЭН прыняў у ганаровыя сябры Алеся Бяляцкага
На гадавым сходзе Нарвежскага ПЭНа 15 траўня у ганаровыя сябры арганізацыі ўрачыста прынялі зняволенага праваабаронцу і лаўрэата Нобелеўскай прэміі міру Алеся Бяляцкага.
Агляд «Вясны». Сітуацыя з правамі чалавека ў Беларусі. Красавік 2024 года
27 May 2024, 11:25 AM
Агляд «Вясны». Сітуацыя з правамі чалавека ў Беларусі. Красавік 2024 года
Правы чалавека ў Беларусі па-ранейшаму паўсюдна і сістэматычна парушаюцца.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці