Працоўная група ААН прызнала парушэнні правоў палітзняволенага адваката Віталя Брагінца

24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца

Працоўная група ААН па адвольных затрыманнях (ПГАЗ) разгледзела справу палітзняволенага адваката Віталя Брагінца і прыйшла да высновы, што Беларусь парушыла яго правы. Скаргу ў ПГАЗ падрыхтавалі юрысты праваабарончай арганізацыі Respect-Protect-Fulfill і Беларускай асацыяцыі адвакатаў правоў чалавека.

ПГАЗ прызнала, што пазбаўленне Брагінца свабоды заснавана на дыскрымінацыі па палітычных поглядах і яго статусе "адваката апазіцыі", паколькі ён абараняў кліентаў у палітычна матываваных судах. Адвольным затрыманне адваката робіць і тое, што ён быў арыштаваны за рэалізацыю сваіх правоў на свабоду выказвання меркаванняў і свабоду мірных сходаў. Акрамя таго, было груба парушанае права адваката на справядлівае судовае разбіральніцтва. Так, Працоўная група пагадзілася з высновамі аб тым, што ў Беларусі адсутнічае незалежная судовая сістэма, і адзначыла, што беларускія суддзі вядуць "абвінаваўчыя" вытворчасці, парушаючы прэзумпцыю невінаватасці, закрываюць судовыя разбіральніцтвы ад публікі; у абвінавачаных часта ўзнікаюць праблемы з доступам да адвакатаў, а тыя адвакаты, якія працуюць па такіх справах, часта знаходзяцца пад падпіскай аб неразгалошванні.

ПГАЗ таксама прызнала, што два паслядоўныя адміністрацыйныя арышты Віталя насамрэч былі часткай крымінальнага пераследу і былі выкарыстаныя для атрымання доступу да падазраванага без надання яму пры гэтым неабходных працэсуальных правоў. Пры затрыманні Брагінцу не паведамілі пра прад'яўленыя яму абвінавачванні, што таксама з'яўляецца парушэннем. Арышт і ўтрыманне пад вартай адваката былі адвольнымі, паколькі першапачаткова яны былі санкцыянаваныя пракурорам, а не судом, і за ўсе 10 месяцаў зняволення пад вартай не разглядаліся альтэрнатыўныя меры, не звязаныя з пазбаўленнем волі.

Працоўная група ўстанавіла парушэнне шэрагу правоў Віталя, заклікала да неадкладнага вызвалення адваката і забеспячэння яго права на кампенсацыю, а таксама пошуку і пакарання вінаватых у адвольным затрыманні палітвязня. Інфармацыя пра гэтую справу таксама была перададзена шэрагу спецыяльных дакладчыкаў ААН для таго, каб яны маглі адрэагаваць на сітуацыю.


Віталь Брагінец — адвакат, які абараняў некаторых палітвязняў, у тым ліку Алеся Бяляцкага, а таксама адваката Андрэя Мачалава, які застаўся без абароны на судзе праз арышт Віталя. Яго абвінавацілі паводле чатырох артыкулаў Крымінальнага кодэкса: ч. 3 арт. 130 (распальванне іншай сацыяльнай варожасці і варажнечы), ч. 3 арт. 361 (заклікі да захадаў абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы), ч. 1 арт. 361-1 (стварэнне экстрэмісцкага фармавання альбо ўдзел у ім) і ч. 1 арт. 342 (актыўны ўдзел у дзеяннях, што груба парушаюць грамадскі парадак). Прысуд — восем гадоў калоніі ва ўмовах узмоцненага рэжыму.

Публікуецца паводле сайту "Вясны"

See more news

«Репортеры без границ» призывают европейские страны увеличить поддержку белорусских СМИ в изгнании
15 April 2024, 12:41 PM
«Репортеры без границ» призывают европейские страны увеличить поддержку белорусских СМИ в изгнании
Белорусские журналисты, оказавшиеся в изгнании в Европе, сталкиваются с экономическими проблемами, которые угрожают выживанию их СМИ, говорится в докладе аналитического центра для профессионалов СМИ The Fix, и созданного организацией «Репортеры без границ» (RSF) фонда поддержки журналистики в изгнании JX Fund.
КПЧ ААН зарэгістраваў індывідуальны зварот супраць Беларусі экс-палітвязня Змітра Фурманава
15 April 2024, 11:23 AM
КПЧ ААН зарэгістраваў індывідуальны зварот супраць Беларусі экс-палітвязня Змітра Фурманава
Былы палітзняволены Зміцер Фурманаў падаў індывідуальны зварот супраць Беларусі ў Камітэт па правах чалавека ААН.
Прадстаўнікі журналісцкіх арганізацый Афрыкі запатрабавалі вызвалення беларускіх калег
15 April 2024, 11:05 AM
Прадстаўнікі журналісцкіх арганізацый Афрыкі запатрабавалі вызвалення беларускіх калег
Прадстаўнікі кантынентальнай сеткі AFEX па свабодзе слова і правах медыя ў Афрыцы далучыліся да Марафону салідарнасці са зняволенымі беларускімі журналістамі.
Працягнуты мандат Спэцыяльнага дакладчыка аб стане правоў чалавека ў Беларусі і створаны ворган рассьледаваньня парушэньняў правоў чалавека
10 April 2024, 8:52 AM
Працягнуты мандат Спэцыяльнага дакладчыка аб стане правоў чалавека ў Беларусі і створаны ворган рассьледаваньня парушэньняў правоў чалавека
Рада па правах чалавека (РПЧ) ААН 4 красавіка на пасяджэнні 55-й сесіі ў Жэневе прыняла рэзалюцыю, якой працягнуа мандат Спецыяльнага дакладчыка па Беларусі.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці