Рэпрэсіі і супраціў у Беларусі: штомесячная храналогія ад IFEX. Чэрвень-ліпень 2022 года

27 July 2022, 8:33 AM
Рэпрэсіі і супраціў у Беларусі: штомесячная храналогія ад IFEX. Чэрвень-ліпень 2022 года

Міжнародная асацыяцыя абароны свабоды слова (IFEX) ад жніўня 2020 года вядзе храналогію рэпрэсій і супраціву ў Беларусі, заснаваную на працы сябраў IFEX і іншых міжнародных і нацыянальных праваабарончых арганізацый – на ангельскай мове для заходняй аўдыторыі. Сёння  IFEX апублікавала храналогію за травень 2022 года.

“Фальсіфікацыя прэзідэнцкіх выбараў у жніўні 2020 года выклікала вялікую хвалю народнага пратэста, якая пракацілася па ўсёй Беларусі, аб’яднаўшы людзей з усяго грамадства ў закліку адхіліць ад улады прэзідэнта Лукашэнку і правесці новыя выбары. У адказ улады расціснулі пратэсты з такім маштабам і жорсткасцю, што пра гэта загаварыў увесь свет. Былі затрыманыя дзясяткі тысяч мірных дэманстрантаў, сотні журналістаў і сябраў арганізацый грамадзянскай супольнасці. З’явіліся праўдзівыя паведаленні аб катаваннях у аддзяленнях міліцыі і ізалятарах. Сёння, калі мы чытаем гэты артыкул, рэпрэсіі працягваюцца: за апошнія месяцы адбылося шмат арыштаў журналістаў, былі вынесеныя палітычна абгрунтаваныя прысуды, працягваецца кампанія пераследу арганізацый грамадзянскай супольнасці, уключна з сябрам IFEX – БАЖ.

 

Рэакцыяй міжнароднай супольнасці стала асуджэнне, заклікі да незалежнага расследавання парушэнняў правоў чалавека і шматлікія санкцыі. Сябры IFEX ладзяць кампаніі ад імя актывістаў і журналістаў пад пераследам; выступілі з шматлікімі ініцыятывамі, каб прыцягнуць міжнародную ўвагу да падзеяў у Беларусі.

Рэгіянальны рэдактар IFEX па Еўропе і Цэнтральнай Азіі Катал Шырын прэзентуе абноўленую інфармацыю аб усёй гэтай працы і аб сітуацыі ў Беларусі ў сваіх штомесячных рэгіянальных бюлетэнях. На гэтай старонцы вы знойдзеце рэгулярныя абнаўленні бюлетэня; уся інфармацыя, пачынаючы са жніўня 2020 года, сабраная на адной старонцы, прычым найноўшыя падзеі заўжды зверху.

Ліпень 2022 г

"У Беларусі нецярпімасць лукашэнкаўскага ўрада да іншадумства выявілася ў поўнай меры ў ліпені, калі зняволеная журналістка Кацярына Андрэева ​​была асуджаная да васьмі гадоў пазбаўлення волі па фальшывым абвінавачанні ў дзяржаўнай здрадзе. Карэспандэнтка «Белсату» Андрэева ​​павінна была выйсці на волю ў верасні 2022 года, адбыўшы два гады турмы, прысуджаныя ёй у 2021 годзе за «арганізацыю масавых пратэстаў».

 

Кацярына Андрэева ​​знаходзіцца ў кратах з лістапада 2020 года, калі яе затрымалі падчас рэпартажу з акцыі пратэста ў Мінску. У 2021 годзе ўлады прызналі яе працадаўцу тэлеканал «Белсат» «экстрэмісцкай арганізацыяй». Усім, каго заўважаць у распаўсюджванні кантэнту “Белсата”, пагражаюць 30 сутак арышту.

 

Справа Андрэевай была адной з нямногіх, якія ў гэтым месяцы асвятліла прадстаўнік АБСЕ па пытаннях свабоды СМІ Тэрэза Рыбейра, калі яна паўтарыла свой заклік да беларускіх уладаў спыніць напад на прэсу і вызваліць усіх журналістаў.

 

Яшчэ адзін выпадак, на які звярнула ўвагу Рыбейра, — журналіст Intex-press Юрый Ганцарэвіч, асуджаны на 2,5 гады калоніі за «садзейнічанне экстрэмісцкай дзейнасці». Ён адзін з шэрагу затрыманых журналістаў, якіх улады прымусілі прызнацца ў сваіх «злачынствах» на відэа (для наступнай публікацыі ў Інтэрнэце).

 

Былы рэдактар ​​NEXTA Раман Пратасевіч — ці не самы вядомы затрыманы, якога ўлады прымусілі даць прызнальныя паказанні для эфіру. Ён быў арыштаваны ў траўні 2021 года пасля таго, як беларускія ўлады прымусілі яго рэйс Ryanair, які накіроўваўся ў Літву, прызямліцца ў Мінску. У гэтым месяцы, пасля абнаўленняў расследавання, авіяцыйнае агенцтва ААН - Міжнародная арганізацыя грамадзянскай авіяцыі (ІКАО) - афіцыйна абвінаваціла беларускі ўрад у фальсіфікацыі пагрозы “бомбы на борце”, каб прымусіць рэйс змяніць маршрут. ICAO заявіла, што гэта «паставіла пад пагрозу бяспеку паветранага судна ў палёце», што «з'яўляецца правапарушэннем у адпаведнасці з Канвенцыяй аб барацьбе з незаконнымі актамі, накіраванымі супраць бяспекі грамадзянскай авіяцыі».

ЦАЛКАМ ХРАНАЛОГІЮ РЭПРЭСІЙ І СУПРАЦІВА Ў БЕЛАРУСІ МОЖНА ПРАЧЫТАЦЬ НА САЙЦЕ  IFEX.

Храналогія – на ангельскай мове; ёй можна падзяліцца з вашымі замежнымі знаёмымі.

Пераклад урыўка на беларускую мову - БДПЧ

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці