«Смерць Ігара Ледніка ў турме даказвае бесчалавечны маштаб рэпрэсій Лукашэнкі». Як міжнародная супольнасць адрэагавала на пятую смерць палітвязня за кратамі

23 February 2024, 5:56 PM
«Смерць Ігара Ледніка ў турме даказвае бесчалавечны маштаб рэпрэсій Лукашэнкі». Як міжнародная супольнасць адрэагавала на пятую смерць палітвязня за кратамі

На 64-м годзе жыцця памёр палітзняволены грамадскі актывіст Ігар Леднік. Ён быў асуджаны да трох гадоў зняволення за "паклёп на Лукашэнку" за публікацыю ў партыйным часопісе БСДП "Пазіцыя". Палітвязень меў інваліднасць другой групы праз праблемы з сэрцам, але яму ўсё роўна прызначылі пазбаўленне волі. У зняволенні стан здароўя Ігара Ледніка істотна пагоршыўся, яму была зроблена аперацыя на страўнікава-кішачным тракце. Прычынай смерці палітвязня стала спыненне сэрца.

На смерць палітвязня адрэагавала міжнародная супольнасць. "Вясна" цытуе некаторыя цытаты палітыкаў, праваабаронцаў, журналістаў з гэтай нагоды.

У ЕС пракаментавалі смерць палітзняволенага Ігара Ледніка

«Трагічная смерць Ігара Ледніка ў турме даказвае бесчалавечны маштаб рэпрэсій Лукашэнкі. У Беларусі больш за 1400 палітычных зняволеных, якія падвергліся жорсткаму абыходжанню або пазбаўленыя медыцынскай дапамогі. Рэжым нясе адказнасць за іх жыццё і здароўе і будзе прыцягнуты да адказнасці», — напісаў афіцыйны прадстаўнік Еўрапейскай службы знешніх сувязяў Петэр Стана.


Прадстаўнік урада ФРГ зноў запатрабаваў вызвалення палітвязняў у Беларусі.

“У Ледніка было хворае сэрца. Яго ўтрыманне ў турме было недапушчальна. Я ў думках з яго блізкімі”, — заявіў дэпутат Бундэстага, кіраўнік парламенцкай групы “За дэмакратычную Беларусь” Робін Вагенер.

Вагенер таксама з’яўляецца галоўнай кантактнай асобай урада ФРГ для прадстаўнікоў грамадзянскай супольнасці Расіі і Беларусі ў выгнанні.


Міністэрства замежных спраў Чэхіі заклікала вызваліць усіх затрыманых

"Трагічная гібель Ігара Ледніка ў турме ў Беларусі яшчэ раз даказвае жорсткасць рэпрэсій рэжыму Лукашэнкі. Цяпер у Беларусі налічваецца больш за 1400 палітычных зняволеных. Чэхія заклікае рэжым Лукашэнкі неадкладна вызваліць усіх затрыманых".


Фінскі палітык і былы сябра фінскага парламенту Кіма Кільюнен: "Мы не забудзем непахісную барацьбу"

"Ігар Леднік. Мы будзем памятаць вас. Пяты палітвязень, які памёр у беларускіх турмах за два гады. Мы не забудзем непахісную барацьбу і асабістыя ахвяры тых, хто змагаецца за дэмакратыю і правы чалавека ў Беларусі. Вызваліце палітвязняў зараз!"


Нідэрландскі еўрадэпутат ад Сацыял-дэмакратаў Ційс Ройтэн:

"Мы ніколі не забудзем адважных людзей, якія загінулі за свабоду і дэмакратыю, і працягнем змагацца за ўсіх палітвязняў".


Святлана Ціханоўская: "Гэтая смерць з'яўляецца трагічным сімвалам жорсткасці рэжыму Лукашэнкі"

"Разбітае сэрца праз смерць палітвязня Ігара Ледніка, аднаго з лідараў беларускіх сацыял-дэмакратаў і нястомнага змагара за свабоду. Гэтая смерць з'яўляецца трагічным сімвалам жорсткасці рэжыму Лукашэнкі. Ён павінен панесці адказнасць за кожную смерць, за кожнага страчанага героя", — напісала яна ў Твітары.


Libereco: "Мы шакаваныя навіной"

"Мы шакаваныя навіной пра смерць Ігара Ледніка падчас турэмнага зняволення ў Беларусі. Ён памёр ва ўзросце 64 гадоў пасля сур'ёзных праблем са здароўем падчас турэмнага зняволення. Гэта пятая смерць палітвязня за кратамі. #FreeThemAll"


Freedom House: "Мы заклікаем міжнародную супольнасць пазбегнуць далейшай трагедыі"

"Ігар Леднік стаў пятым палітвязнем, які памёр падчас несправядлівага турэмнага зняволення ў Беларусі, і, як і многія іншыя зняволеныя, ён пакутаваў ад сур'ёзных праблем са здароўем, але пры гэтым падвяргаўся жахліваму жорсткаму абыходжанню з боку ўладаў.

Мы заклікаем міжнародную супольнасць пазбегнуць далейшай трагедыі, дабіўшыся неадкладнага вызвалення іншых несправядліва зняволеных рэжымам Лукашэнкі".


Навіной таксама дзяліліся прадстаўнікі палітычных і грамадскіх колаў: Адам Эберхард, дырэктар польскага Цэнтра стратэгіі даследаванняў, прадстаўнікі "Libereco", журналісты.


Прайшлі акцыі памяці памерлага палітвязня Ігара Ледніка 

Акцыі прайшлі ў Беластоку, Кракаве, Варшаве, а таксама Бельгіі.

Арыгінальная публікацыя на сайце "Вясны"

See more news

«Репортеры без границ» призывают европейские страны увеличить поддержку белорусских СМИ в изгнании
15 April 2024, 12:41 PM
«Репортеры без границ» призывают европейские страны увеличить поддержку белорусских СМИ в изгнании
Белорусские журналисты, оказавшиеся в изгнании в Европе, сталкиваются с экономическими проблемами, которые угрожают выживанию их СМИ, говорится в докладе аналитического центра для профессионалов СМИ The Fix, и созданного организацией «Репортеры без границ» (RSF) фонда поддержки журналистики в изгнании JX Fund.
КПЧ ААН зарэгістраваў індывідуальны зварот супраць Беларусі экс-палітвязня Змітра Фурманава
15 April 2024, 11:23 AM
КПЧ ААН зарэгістраваў індывідуальны зварот супраць Беларусі экс-палітвязня Змітра Фурманава
Былы палітзняволены Зміцер Фурманаў падаў індывідуальны зварот супраць Беларусі ў Камітэт па правах чалавека ААН.
Прадстаўнікі журналісцкіх арганізацый Афрыкі запатрабавалі вызвалення беларускіх калег
15 April 2024, 11:05 AM
Прадстаўнікі журналісцкіх арганізацый Афрыкі запатрабавалі вызвалення беларускіх калег
Прадстаўнікі кантынентальнай сеткі AFEX па свабодзе слова і правах медыя ў Афрыцы далучыліся да Марафону салідарнасці са зняволенымі беларускімі журналістамі.
Працягнуты мандат Спэцыяльнага дакладчыка аб стане правоў чалавека ў Беларусі і створаны ворган рассьледаваньня парушэньняў правоў чалавека
10 April 2024, 8:52 AM
Працягнуты мандат Спэцыяльнага дакладчыка аб стане правоў чалавека ў Беларусі і створаны ворган рассьледаваньня парушэньняў правоў чалавека
Рада па правах чалавека (РПЧ) ААН 4 красавіка на пасяджэнні 55-й сесіі ў Жэневе прыняла рэзалюцыю, якой працягнуа мандат Спецыяльнага дакладчыка па Беларусі.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці