Спецыяльныя дакладчыкі ААН зноў заклікалі вызваліць Алеся Бяляцкага

11 October 2022, 8:14 AM
Спецыяльныя дакладчыкі ААН зноў заклікалі вызваліць Алеся Бяляцкага

Фота: Алесь Бяляцкі, Тутбай

ЖЭНЕВА (10 кастрычніка 2022 г.) - Эксперты ААН пасля рашэння Нобелеўскага камітэта аб прысуджэнні Нобелеўскай прэміі міру 2022 года Алесю Бяляцкаму за яго бясстрашную працу па прасоўванні правоў чалавека ў Беларусі, зноў заклікалі вызваліць праваабаронцу.

Алесь Бяляцкі заснаваў беларускую праваабарончую арганізацыю «Вясна» ў 1996 годзе. Першы раз Бяляцкага пасадзілі ў 2011 годзе, а ў 2021 яго зноў затрымалі без прад'яўлення абвінавачанняў. Таксама ў кратах застаюцца некалькі калегаў Бяляцкага па «Вясне».

«Існуе сур'ёзны прабел у адказнасці за грубыя парушэнні заканадаўства ў галіне правоў чалавека ў Беларусі, і мы вітаем салідарнасць міжнароднай супольнасці і ўсе заснаваныя на міжнародным праве намаганні ў пошуку справядлівасці», заявілі эксперты.

Эксперты ААН выказалі заклапочанасць з нагоды адвольнага затрымання Бяляцкага з 14 ліпеня 2021 года, назваўшы гэта часткай разгортвання палітыкі па прымусе праваабаронцаў замаўчаць і знішчэнні грамадзянскай прасторы ў Беларусі.

Эксперты нагадалі беларускім уладам аб іх абавязках па выкананні правоў чалавека і заклікалі да неадкладнага і безумоўнага вызвалення ўсіх праваабаронцаў, затрыманых па палітычных матывах.

«Мы ўстрывожаныя адвольным затрыманнем Алеся Бяляцкага і новымі абвінавачваннямі, якія цягнуць за сабой пакаранне да 12 гадоў турмы. Гэтыя абвінавачванні высунутыя супраць Алеся Бяляцкага за законную праваабарончую дзейнасць. Працяглыя тэрміны турэмнага зняволення, на якія асуджаюць праваабаронцаў, сведчаць аб злоўжываннях сістэмай правасуддзя і аб беспакаранасці, з якой дзейнічаюць беларускія ўлады», - адзначаюць эксперты.

 

ДАВЕДКА

Эксперты:АНАІС МАРЫН, Спецдакладчык аб правах чалавека ў Беларусі; МЭРЫ ЛОЛАР, Спецыяльны дакладчык аб сітуацыі з праваабаронцамі;ІРЭН ХАН, спецыяльны дакладчык па пытаннях абароны права на свабоду выказвання меркаванняў.

Спецыяльныя дакладчыкі з'яўляюцца часткай спецыяльных працэдур Рады па правах чалавека. Спецыяльныя працэдуры, найбуйнейшы орган незалежных экспертаў у сістэме ААН па правах чалавека, гэта агульная назва незалежных механізмаў Савета па выяўленні фактаў і маніторынгу, якія займаюцца сітуацыямі ў канкрэтных краінах або тэматычнымі пытаннямі ва ўсіх частках свету. Эксперты спецыяльных працэдур працуюць на грамадскіх пачатках; яны не з'яўляюцца супрацоўнікамі ААН і не атрымліваюць заробак за сваю працу. Яны незалежныя ад любога ўрада або арганізацыі і служаць у сваёй індывідуальнай якасці.

Арыгінал заявы на сайце ААН

Пераклад на беларускую мову: БДПЧ

See more news

«Рэпарцёры без межаў» падалі пазоў на Лукашэнку ў Міжнародны крымінальны суд
11 February 2025, 1:30 PM
«Рэпарцёры без межаў» падалі пазоў на Лукашэнку ў Міжнародны крымінальны суд
Арганізацыя "Рэпарцёры без межаў" (RSF) падала пазоў у Міжнародны крымінальны суд (МКС) з абвінавачаннем у злачынствах супраць чалавечнасці ў дачыненні да журналістаў у Беларусі.
«Няма закона аб гендарнай роўнасці». Як у ААН крытыкавалі беларускія ўлады
11 February 2025, 9:32 AM
«Няма закона аб гендарнай роўнасці». Як у ААН крытыкавалі беларускія ўлады
Тут вы прачытаеце першую частку выступленняў (артыкулы з 1 па 6 Канвенцыі), у якой гаворыцца пра дыскрымінацыю ў адносінах да жанчын, гендарныя небесстароннасці, гандаль жанчынамі і эксплуатацыю прастытуцыі.
«Пытанні гендару — гэта праблема». Як у ААН крытыкавалі беларускія ўлады
11 February 2025, 9:24 AM
«Пытанні гендару — гэта праблема». Як у ААН крытыкавалі беларускія ўлады
У ААН прайшло 2124-е пасяджэнне Камітэта па ліквідацыі ўсіх формаў дыскрымінацыі ў адносінах да жанчын (КЛДЖ, англ. CEDAW).
Спецдакладчык па Беларусі Нільс Муйжніекс: «Выбары становяцца каталізатарам парушэнняў правоў чалавека»
23 January 2025, 11:21 AM
Спецдакладчык па Беларусі Нільс Муйжніекс: «Выбары становяцца каталізатарам парушэнняў правоў чалавека»
Спецыяльны дакладчык ААН па сітуацыі з правамі чалавека ў Беларусі Нільс Муйжніекс выступіў на адмысловай прэс-канферэнцыі ў Вільні.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці