«Свет бачыць і шануе працу „Вясны“». Наталля Сацункевіч выступіла ў Цюрыхскім універсітэце

15 April 2024, 10:55 AM
«Свет бачыць і шануе працу „Вясны“». Наталля Сацункевіч выступіла ў Цюрыхскім універсітэце

Праваабаронца ПЦ "Вясна" Наталля Сацункевіч выступіла на публічных лекцыях Цюрыхскага ўніверсітэта, якія ён арганізаваў сумесна з цэнтрам "Right Livelihood". Гэтыя лекцыі ладзяцца з удзелам лаўрэатаў міжнароднай узнагароды "Right Livelihood Award", вядомай як "Альтэрнатыўная Нобелеўская прэмія". Менавіта Алесь Бяляцкі і Праваабарончы цэнтр "Вясна" атрымалі гэтую прэмію ў 2020 годзе. Зараз жа лекцыі з лаўрэатамі ў Цюрыху праходзілі пад эгідай устойлівасці.

Наталля Сацункевіч як прадстаўніца "Вясны" выступіла з лекцыяй "Палітычныя рэпрэсіі як перашкода на шляху да дасягнення роўнасці". Панэль была праведзена разам з выкладчыцай універсітэта Ірынай Герасімовіч.

sustainability-now-viasna-2024-08.jpgНаталля Сацункевіч на выступе ў Цюрыхскім універсітэце. Фота: Right Livelihood Centre of the University of Zurich / Marina Menz

"У сваёй лекцыі я казала пра тое, што палітычныя рэпрэсіі — гэта перашкода для дасягнення роўнасці, — адзначае праваабаронца. — Я распавяла пра працу "Вясны", пра нашых арыштаваных калегаў, пра здароўе Алеся і Марфы Рабковай, пра тое, з якім ціскам яны сутыкаюцца. А таксама распавяла пра апошнія атакі ўладаў на "Вясну": гэта і затрыманні людзей, і публічныя прапагандысцкія абвінавачванні ў тым, што "Вясна" выкарыстоўвае людзей.

І на прыкладзе канкрэтных правоў, такіх як свабода выказвання меркавання і свабода мірных сходаў, роўнасці перад судом і свабода ад катаванняў, я распавяла, што ў Беларусі, напрыклад, нельга выказаць крытычнае меркаванне дзяржаве, а можна выказваць толькі пазітыўнае; пратэсныя акцыі праводзіць нельга, можна праводзіць толькі праўладныя, дзе нахвальваць рэжым Лукашэнкі. І яшчэ паказала працу нашых калегаў з БХК "Індэкс правоў чалавека", у якім яны цягам многіх гадоў у графіцы ацанілі правы чалавека. Там бачна, як падае роўнасць у сувязі з тым, што правы чалавека не выконваюцца. У нас там і так была невысокая ацэнка: менш за чатыры, а цяпер яна стала мінімальнай — адзінка. Гэта значыць, што ідэальная і бягучая сітуацыя ў краіне цалкам не маюць нічога агульнага паміж сабой".

sustainability-now-viasna-2024-12.jpgФота: Right Livelihood Centre of the University of Zurich / Marina Menz

На лекцыі былі і студэнты Цюрыхскага ўніверсітэта, і прадстаўнікі навуковай супольнасці, прафесарска-выкладчыцкага складу. Як адзначае праваабаронца, яны былі вельмі зацікаўленыя сітуацыяй у Беларусі.

"Свет бачыць і шануе працу "Вясны" і беларускіх праваабаронцаў. Вельмі шкада, што ў нас гэтай працы шмат — з парушэннем правоў чалавека, але паколькі яна ёсць і паколькі мы за яе ўзяліся, то яе трэба рабіць з усяе моцы", — распавяла Наталля Сацункевіч.

sustainability-now-viasna-2024-22.jpg

Публікацыя паводле сайту "Вясны"

See more news

Хакатон па адвакацыі праблемы смяротнага пакарання ў Беларусі
12 May 2024, 2:21 PM
Хакатон па адвакацыі праблемы смяротнага пакарання ў Беларусі
29-31 траўня Правабарончы цэнтр Вясна і Беларускі нацыянальны моладзевы савет "РАДА" ў межах Кампаніі праваабронцы супраць смяротнага пакарання ў Беларусі, разам з Генеральным дырэктаратам па правах чалавека і вяршынстве права Рады Еўропы запрашаюць прыняць удзел у хакатоне ў Вільнюсе, дзе мы зможам распрацаваць ідэі дзеянняў па скасаванні смяротнага пакарання ў Беларусі.
VACANCY AT THE BELARUSIAN HRH: EXECUTIVE DIRECTOR
06 May 2024, 11:45 AM
VACANCY AT THE BELARUSIAN HRH: EXECUTIVE DIRECTOR
BHRH Executive Director is responsible for the planning, development, overall coordination/implementation, and supervision of strategic areas of the BHRH activities; for fundraising, liaising with donors and partners; for overseeing staff and ensuring smooth operations of the organization.
Lawtrend: Мониторинг ситуации со свободой ассоциаций и положением организаций гражданского общества в Беларуси за март 2024 года
30 April 2024, 8:14 AM
Lawtrend: Мониторинг ситуации со свободой ассоциаций и положением организаций гражданского общества в Беларуси за март 2024 года
Ситуация в отношении свободы ассоциаций и положения беларусских НКО в Беларуси остается по-прежнему плохой.
Информационный бюллетень LawtrendMonitor №3, 2024 год
30 April 2024, 8:02 AM
Информационный бюллетень LawtrendMonitor №3, 2024 год
В этом выпуске LawtrendMonitor представлены обзоры ситуации со свободой ассоциаций и положением организаций гражданского общества за 2023 год и за март 2024 года.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці