Выступ ОМСТ на паседжанні Рады ААН па правах чалавека, прысвечаным Беларусі

05 October 2021, 2:25 PM
Выступ ОМСТ на паседжанні Рады ААН па правах чалавека, прысвечаным Беларусі

У Жэневе працягваецца 48-я сэсія Рады ААН па правах чалавека. 24 верасня адбылося паседжанне, цалкам прысвечанае Беларусі. Інтэрактыўны дыялог распачала Вярхоўны камісар ААН па правах чалавека Мішэль Бачэлет (галоўныя тэзісы тут); акрамя яе, выступалі прадстаўнікі дзяржаў і грамадзянскай супольнасці. Мы ўжо публікавалі заявы:

прадстаўніка Беларусі Юрыя Амбразевіча;

праваабарончых арганізацыйARTICLE 19, Access Now, IFEX, International Media Support Амерыканскага ПЭНу.

Дадаем выступ праваабарончай арганізацыі OMCT, які арганізацыя апублікавала на сваім сайце:

«У Беларусі працягваецца пераслед незалежных галасоў.

Толькі ў ліпені у кватэрах праваабаронцаў, журналістаў, актывістаў і ў офісах некамерцыйных арганізацый прайшло больш за 100 ператрусаў.

За апошнія некалькі месяцаў больш за 250 арганізацый былі пазбаўленыя рэгістрацыі, у тым ліку праваабарончыя арганізацыі LawTrend, Human Constanta і Беларуская асацыяцыя журналістаў.

Рэпрэсіі супраць незалежных СМІ працягваюцца: гэтым летам ператрусы і затрыманні былі накіраваны супраць “Нашай Нівы” і агенцтва навінаў БелаПАН.

Катаванні і іншыя сур'ёзныя парушэнні правоў чалавека застаюцца не расследаванымі. У жніўні Дзяржаўны следчы камітэт адхіліў 680 скаргаў на катаванні, якія былі пададзеныя у жніўні 2020 года, сцвярджаючы, што заявы ілжывыя. На мінулым тыдні было спынена расследаванне забойства Рамана Бандарэнкі, мірнага пратэстоўцы, які загінуў пасля затрымання міліцыяй ў лістападзе 2020 года.

Мы заклікаем сябраў Рады ААН па правах чалавека заклікаць Беларусь неадкладна спыніць пераслед палітычных апанентаў, праваабаронцаў, адвакатаў і журналістаў; і правесці эфектыўнае расследаванне ўсіх заяў аб парушэнні правоў чалавека ў кантэксце мірных пратэстаў.

Мы заклікаем усе дзяржавы далучыцца да нашай заявы і патрабаваць вызвалення ўсіх адвольна затрыманых, у тым ліку нашых сямі калегаў, праваабаронцаў «Вясны», якія знаходзяцца ў зняволенні».

Арыгінал заявы на сайце OMCT (на англійскай мове).

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці