З 9 па 21 лістапада пройдзе Тыдзень асветніцкіх дзеянняў за роўнасць і інклюзію

09 November 2022, 11:05 AM
З 9 па 21 лістапада пройдзе Тыдзень асветніцкіх дзеянняў за роўнасць і інклюзію

Фота: 34mag.net

Тыдзень асветніцкіх дзеянняў за роўнасць і інклюзію абвяшчае праваабарончая арганізацыя Human Constanta. Да яго далучаюцца і іншыя арганізацыі. Што гэта за падзея і якія сустрэчы пройдуць цягам двух тыдняў, для Радыё Ўнэт распавёў адзін з заснавальнікаў Human Constanta і галоўных арганізатараў Тыдня Валдзіс Фугаш.

— Прыйшоў лістапад, і гэта азначае, што Human Constanta зноў ініцыюе Тыдзень за роўнасць і інклюзію — тыдзень асветніцкіх дзеянняў, якія мы звычайна ладзім па вясне і восенню — у сакавіку і ў лістападзе. І мы запрашаем далучацца да падзеяў і да самаго тыдня, каб нашыя галасы гучалі мацней.

— У гэтым годзе асобны фокус тыдня — на тэме людзей у міграцыі і супольнасцях. Тэма міграцыі не гучала ў публічнай прасторы Беларусі да лета 2020 года. Аднак, з таго часу дзясяткі, сотні тысяч і нават мільёны людзей у нашым рэгіёне спазналі вымушаную міграцыю праз масавы тэрор у Беларусі, эскалацыю вайны ва Украіне і эксплуатацыю. І тут мы маем на ўвазе сітуацыю гуманітарнага крызісу, які быў штучна створаны дэ-факта ўладамі ў Беларусі.

— Шматлікія людзі прайшлі нават двайное і трайное перамяшчэнне за гэтыя два гады. І мы перакананыя, што ўсё гэта патрабуе ўвагі, абмеркавання і салідарнасці.

Якім чынам можна даведацца, дзе, калі і што будзе адбывацца?

Самы проста спосаб даведацца, што і дзе будзе адбывацца — падпісацца на Інстаграм-акаунты Human Constanta і кампаніі Розныя-роўныя. Там можна ўбачыць інфармацыю пра ўсе запланаваныя падзеі.

photo_2022-11-08_23-06-36.jpg

Якія сустрэчы мяркуецца правесці падчас вось гэтых двух тыдняў?

— Першы івэнт — гэта анлайн-сустрэча гуртка па дэкаланіяльнасці. 10 лістапада, чацвер, 18.00 па Менску на 2 гадзіны. На гэты раз фокус сустрэчы — гэта пытанне крос-культур і памежных культурных ідэнтычнасцяў. Што такое памежная культура і ідэнтычнасць, як выбудаваць сваю ідэнтычнасць ва ўмовах каланізацыі і гвалту.

11 лістапада мы правядзем прамы эфір у Інстаграме — Розныя-роўныя і Human Constanta, дзе адбудзецца прэзентацыі праекта па досведу вымушанага перамяшчэння людзей, міграцыі людзей з Беларусі і асобным фокусам будзе тое, што шматлікія з нас спазналі гэта двойчы, тройчы і нават больш за апошнія два гады.

— Мабыць, нехта памятае, як у 2020 годзе мы праводзілі адкрытыя трэніроўкі «Футбол для ўсіх»? Гэта было цудоўна! Дык вось — мы вельмі стараемся арганізаваць такую ж трэніроўку ў Варшаве16 ці 17 лістапада мы будзем радыя бачыць усіх, незалежна ад паходжання, узросту, узроўню разумення і ўмення гуляць у футбол.

16 лістапада ў Вільні арганіазацыя «Іншыя» запрашае на сацыяльную гульню «Іншы погляд». І падчас гэтай гульні ў вас будзе магчымасць адчуць сябе ў ролі іншага чалавека, адчуць яго, яе, іх праблемы, думаць як ён, яна ці яны і адчуваць такія ж эмоцыі.

— Таксама я ведаю, што падрыхтаваны выпуск падкаста «Шоў Х’юмана» пра тое, як мы карыстаемся мовай і пры чым тут інклюзіўнасць і недыскрымінацыя. Некалькі публікацыяў чакаюць свайго часу, каб распавесці свету пра цікавыя аспекты мовы варожасці і міграцыю, спорт і роўнасць у спорце і праз спорт. Таксама нашы партнёрскія арганізацыі і ініцыятывы рыхтуюць яшчэ некалькі івэнтаў. І там жа — у акаунтах і сторыз можна будзе ўбачыць інфармацыю пра іх. Сачыце за навінамі!

Арыгінальны артыкул на сайце Радыё Ўнэт

See more news

«Правовая инициатива» объявляет набор на Образовательный курс по правам человека
05 September 2022, 9:43 AM
«Правовая инициатива» объявляет набор на Образовательный курс по правам человека
Курс разработан для обучения начинающих правозащитников, юристов и гражданских активистов из Беларуси теоретическим и практическим аспектам правозащитной деятельности.
Ідзе набор на Паглыблены курс па правах чалавека
29 June 2022, 12:49 PM
Ідзе набор на Паглыблены курс па правах чалавека
Адукацыйная праграма складаецца з 3 сесій (2 анлайн і 1 афлайн) і накіравана на паглыбленне ведаў у сферы правоў чалавека ды актывізацыю іх на практыцы.
«Ведай і барані свае правы»: відэакурс міжнароднага права правоў чалавека для пачаткоўцаў
02 May 2022, 7:24 AM
«Ведай і барані свае правы»: відэакурс міжнароднага права правоў чалавека для пачаткоўцаў
Кароткі відэакурс па правах чалавека «Ведай і барані свае правы», створаны камандай аднадумцаў і экспертаў, з’явіўся на ютуб-канале «pravybarani».
«Права человека – та среда, в которой могут вырасти свободные юристы, способные не только применять закон, но и смотреть через призму справедливости»
28 May 2020, 10:36 AM
«Права человека – та среда, в которой могут вырасти свободные юристы, способные не только применять закон, но и смотреть через призму справедливости»
БДПЧ выпустил пособие «Права человека: как включать права человека в отдельные юридические дисциплины». Это методическое пособие для преподавателей, но оно будет полезно всем юристам и представителям других профессий, которые влияют на осуществление прав человека.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці