У ААН зарэгістравалі зварот экс-палітвязня Леаніда Судаленкі па «справе Вясны»

17 October 2023, 7:48 AM
У ААН зарэгістравалі зварот экс-палітвязня Леаніда Судаленкі па «справе Вясны»

У Камітэце ААН па правах чалавека 12 кастрычніка 2023 года зарэгістравалі індывідуальны зварот праваабаронцы і былога палітвязня Леаніда Судаленкі па крымінальнай "справе Вясны", піша праваабарончы цэнтр на сваім сайце. У верасні 2021 года яго асудзілі да трох гадоў калоніі паводле ч.1 і 2 арт. 342 (арганізацыя і фінансаванне дзеянняў, якія груба парушаюць грамадскі парадак). Праваабаронца цалкам адбыў тэрмін і выйшаў на волю.

"У калоніі часта паўтаралі: калі прысуд набыў моц, значыць ты злачынец! А як ён мог набыць законную моц, калі ў апеляцыю мяне з турмы не дастаўлялі, не выклікалі ў суд другой інстанцыі майго адваката. Разгледзелі таемна, як гэта назваць?" — кажа экс-палітвязень.

Праваабаронца тлумачыць важнасць міжнароднага механізму КПЧ ААН тым, што ён дае магчымасць падрабязна задакументаваць парушэнні правоў чалавека, няхай нават тады, калі Беларусь адмаўляецца выконваць пастановы Камітэта.

"Само прызнанне Камітэтам таго, што такія парушэнні мелі месца, з'яўляецца важнай прававой кваліфікацыяй дзеянняў беларускага рэжыму. Такія працэдуры дазваляюць не пакідаць парушэнні нябачнымі — як для грамадзянскай супольнасці ўнутры краіны, так і для міжнароднай супольнасці. Сітуацыя з правамі чалавека ў Беларусі павінна заставацца на парадку дня і нагадваць супольнасці аб неабходнасці ініцыятыў салідарнасці, падтрымкі зняволеных і тых, каго пераследуюць, прыцягвання беларускіх уладаў да адказнасці", — тлумачыць Леанід Судаленка.

Нагадаем, у сувязі з выхадам 8 лютага 2023 года Беларусі з Факультатыўнага пратаколу да Міжнароднага пакту аб грамадзянскіх і палітычных правах, пацярпелыя пазбаўленыя магчымасці абараняць свае правы ў Камітэце ААН.

Леанід Судаленка выйшаў на волю з калоніі № 3 21 ліпеня 2023 года, цалкам адбыўшы тэрмін. Падчас зняволення МУС унесла палітвязня-праваабаронцу ў пералік асоб, што маюць дачыненне да экстрэмісцкай дзейнасці. На волі ў Беларусі праваабаронца прабыў 11 дзён, пасля чаго пераехаў у Літву.

Індывідуальны зварот падрыхтавала і накіравала ў КПЧ ААН Юрыдычная служба Праваабарончага цэнтра "Вясна". Звярнуцца за дапамогай у абскарджванні парушэнні правоў чалавека ў ААН можна па пошце zvarot@spring96.org альбо ў тэлеграме @zvarot96.

Арыгінальны артыкул на сайце "Вясны"

See more news

Працоўная група ААН прызнала парушэнні правоў палітзняволенага адваката Віталя Брагінца
24 January 2024, 5:56 PM
Працоўная група ААН прызнала парушэнні правоў палітзняволенага адваката Віталя Брагінца
Працоўная група ААН па адвольных затрыманнях разгледзела справу Віталя Брагінца і прыйшла да высновы, што Беларусь парушыла яго правы.
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
20 January 2024, 4:08 PM
КПЧ ААН прыняў рашэнне па «справе аб экстрэмізме» за рэпост «Вконтакте» ў Беларусі
Камітэт ААН па правах чалавека прыняў рашэнне па "справе аб экстрэмізме" супраць гамельчука Паўла Катаржэўскага. У 2017 годзе хлопца асудзілі за рэпост "Вконтакте" з групы "Революционное действие".
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
20 January 2024, 3:35 PM
Камітэт ААН прызнаў парушэнне недатыкальнасці прыватнага жыцця праваабаронцы ў Беларусі
Камітэт ААН па правах чалавека даслаў праваабаронцу Леаніду Судаленка рашэнне (№2929/2017) наконт скаргі аб сістэматычных парушэннях недатыкальнасці яго прыватнага жыцця, гарантаванага артыкулам 17 Міжнароднага пакту аб грамадзянскіх ды палітычных правах.
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
20 January 2024, 3:25 PM
Юрысты «Вясны» звярнуліся да спецдакладчыкаў ААН з нагоды ўмоваў утрымання палітвязня Рыгора Кастусёва
Суд Івацэвіцкага раёна 15 студзеня пастанавіў замяніць палітвязню Рыгору Кастусёву, асуджанаму да 10 гадоў калоніі, рэжым утрымання на турэмны.

Атрымаць падтрымку

Мы б хацелі пачуць, як Беларускі Дом правоў чалавека можа падтрымаць вашу арганізацыю.

Аказаць падтрымку

Дому правоў чалавека імя Барыса Звозскава і яго дзейнасці